تعبانه نفسيتي مرة اه

بنات ضايق صدري من زوجي الشهر الجاي راح يروح لدبي
مع اصدقائه واناخاف انه يتعرف على بنات والله اني من اليوم ابكي مابيه يروح
تعبت منه مايسمع كلامي والشى الثاني انه حريص على جواله الايفون حتى اعزكم الله ا\ا دخل الحمام ياخ\ة معه علشان ماشوف جواله وانا احس انه له علاقات مع البنات

ادعولي يابنات نفسيتي مرررة زفت ادعو انا زوجي مايروح لدبي من غير شر وادعو ان الله يهديه

11 تعليق 1,859 مشاهدة

شاركي في النقاش

سجلي الدخول لإضافة تعليق.

التعليقات

11
  1. @btbaay_mthhl

    ياروحي والله حاسه فيك بس جربي من اليوم تقرين سورة البقرة وتدعين دعاء الحاجة بعد صلاة المغرب راح تشوفين الفرج باذن الله والله مجرب راح تلقين دعا الحاجة في النت افتحي قوقل واكتب دعا الحاجة وراح يطلع لك وطمنيني ياروحي الله يفرجها عليك ويصرفه عن السفره هاذي الا معك انتي وبس بس استمري على دعا الحاجة بعد الفجر والمغرب مع احضار النيه ولكي تحياتي
  2. @fyroroshyh

    بطبعي مذهلة
    ياروحي والله حاسه فيك بس جربي من اليوم تقرين سورة البقرة وتدعين دعاء الحاجة بعد صلاة المغرب راح تشوفين الفرج باذن الله والله مجرب راح تلقين دعا الحاجة في النت افتحي قوقل واكتب دعا الحاجة وراح يطلع لك وطمنيني ياروحي الله يفرجها عليك ويصرفه …
    استغفر الله العظيم..
    وليه طيب هالتفكير الشين؟؟
    صدقيني اللي برأسه شر بيسويه وهو عندك..
    الحين البنات يرمون حالهم عالرجال بالاسواق والنت..
    وخطابات المسيار على قفى من يشيل..
    يعني لو زوجك برأسه شر لا تتوقعين مايقدر يسويه وهو بالديرة!

    بعدين انتي ادرى بزوجك.. ومستوى تدينه..
    هل هو يصلي؟ يصوم؟ يحفظ حواسه عن الغلط؟
    يخاف من ربه؟
    لان خوفه من ربه اهم واكبر من خوفه منك او من الناس..

    ياختي انتبهي توصلين هالمخاوف والشكوك لزوجك..
    لأن الرجال اذا حس ان زوجته شاكه فيه ينكسر حاجز داخله..
    ويصير عادي عنده كل شي يسويه.. وهذا خطر..
    وللاسف كثير زوجات يقعون بهالفخ بدون مايعرفون..
    ويدفعون ازواجهم للخيانه بأنفسهم.. من باب الشك وعدم الثقة..

    بعدين دبي مو كلها بنات ودعارة وشرب..!
    بالعكس.. فيها اسواق ومنتجعات ومطاعم وممشى عالبحر..
    واشياء كثير حلوة تفتح النفس.. للعوائل وللشباب..
    وانا متأكدة اان سفرة زوجك ماراح تطول.. لان دبي حدها بالكثير 5 ايام..

    طبعا كل وحدة اعلم بزوجها منا..
    بس نصيحة اذا انتي مرتاحة ومأمنه لزوجك..
    فلا تبينين له ابدا انك متنكدة من سفرته..
    بالعكس.. رتبي شنطته بنفسك وعطريها..
    وسجلي طلباتك او الاشياء اللي حابه توصينه عليها..
    وكوني مبتسمة.. ولو بان انك متضايقة قولي: والله بشتاق لك..
    وقبل يطلع من البيت ودعيه وضميه وادعي له يوصل بالسلامة..

    وذكريه يدق عليك اذا وصل.. ويرسل لك صور السفرة حتى تحسين انك معه..
    وهو اعتقد من نفسه بيسوي هالاشياء.. اذا طبقتي كلامي..
    وبيرجع ملهوف ومستانس ويسولف لك عن المواقف اللي صارت الخ..
    وانتي قبل رجعته بيوم رتبي البيت فوق تحت..
    وحطي باقة ورد عالمدخل.. وتشيكي.. واستقبليه أحلى استقبال..
    وبنفس الوقت لاتنكدين على عمرك..
    اذا اهلك بنفس الديرة.. روحي عندهم.. تسدحي وعيشي عزوبيتك..
    اسهري معهم واطلعي مع خواتك واستانسي..
    او مري المشغل وسوي بدكير ومنيكير واصبغي شعرك..
    تخيلي انك بفترة الملكة.. وعلاقتك بزوجك صارت مجرد جوال..
    والاحلى لو ترسلي له صور الاماكن اللي تروحين لها مثلا..
    حتى يدري انك عايشه حياتك ومبسوطه مع اهلك ونفسك..

    صدقيني بتكبرين مره بعينه.. وبيحس انك غير عن باقي الحريم..
    لانك اذا نكدتي عليه وعلى نفسك بيقول: حنانه.. نكديه.. نشبه.. الخ
    فأنتي خلي ثقتك فيه وبنفسك اكبر.. وتعاملي مع الموضوع ببساطة..

    وأنا عارفه فيه بنات بعالم حواء بيهاجموني وينتقدون ردي..
    لكن لا تقيسين عليهم.. قيسي على اللي عندك..
    لان زي ماقلت لك انتي ابخص منا بزوجك..

    وتأكدي ان الرجال اذا برأسه شي بيسويه..
    واذا عزم يسافر ماراح تمنعه دموعك.. بالعكس بيعاند اكثر..
    فخليه يسوي هالشي برضاك بدل مايكون غصبا عنك..
    وصفي النية.. وربي مافي احسن من النية الصافية..

    وخذي لك لفه عالمواضيع هنا.. بتلقين اللي تشكي من ان زوجها زعلها وسافر..
    واللي زوجها من سافر ما كلمها ولا سأل عنها..
    واللي زوجها سافر مره وصار دايما يسافر مع اخوياه عنادا فيها..
    شوفي هالقصص وتأكدي ان اغلبها بدأت من مشكلة بأول سفره للزوج..
    لأن الرجال زي الطفل.. اذا حطيتي برأسه شيء خلاص يتمسك فيه..
    لكن اذا تعاملتي مع سفرته بشكل أنضج وأكثر حكمة.. تكسبينه..
    وهو من نفسه بيحس ان السفره مع اخوياه بعد الزواج مجرد تجربة..
    واحتمال كبير مايتحمس يعيدها بعد كذا..

    باختصار.. كوني صديقة لزوجك..
    وانسيى شخصية "المحقق كونان" لانها والله العظيم خراب بيوت..

تابعي تجارب أخرى من هذا القسم.