أنتبهو مماحدث لي بمحل (LYNES) في خريص بلازا
قبل يومين مريت السوق ولاحظت أن محل الجزم والشنط لاينز عامل تخفيضات بمقدار 70% فأشتريت شنطه وقالي أنه بعد التخفيض (125 ريال) وحاسببته على هالاساس ,المهم الشنطه ماعجبتني ورحت اليوم أرجعها وماعجبتني شنط وأخذت بدل عنها جزمه سعرها بعد التخفيض(109ريال)وعند الحساب تفاجأت أنه يطلب مني عشره ريال قيمه الفرق ,وقلت ليه أنا مرجعه شنطه ب 125 ريال وماخذه 109 يعني المفروض يصير الفرق لي ,قال العامل الهندي لا إذا رجعتي نحاسبك بسعر قبل التخفيض المهم يجيب الاله ويحسب وقلتله كل الماركات والمحلات والمنطق المفروض تحاسبني بنفس الي رجعت افقال أنتي صح كلام بس هذا سيستم الشركه لمهم بنتي معي وقالت خلاص طلعت من المحل وأنا أفكر وحسيت أنه يكذب علي ويستغفلني وقلت لازم أتأكدورجعت ولقيت محاسب غيره سوداني وقلت لو سمحت عطني رقم إداراه المحل وقال خير فيه شكوى ,وقلتله عن الي صار اشتريت شنطه ب 125 وبدلته بجزمه 109 وزياده على كذا طلب زياده 10 ريال ,فقال لي الصح عليك وهو الغلطان ,وأصلا هو عطاك الشنطه ب125 غلط وسعرها بعدد التخفيض ب99ريال ,وناداه وقال عط الزبونه الفرق ولاراح تشتكي للإداراه وجا الهندي وتغير وجهه وجاب الاله وقال سيستم الشركه نحسب الشنطه ب250 وقام يخبط على باله أنا أغبياء ,قلت للسوداني والله ماهمتني 35 ريال ولا أحب المشاكل بس ماأحب أحد يستغفلني قال والله الحق معك وأنتي جدا محترمه بس معليش يمكن غلط وماكان متعمد ,المهم هذا الي صار وحبيت أذكره لكم حتى تنتبهون وتركزون بالأسعار قبل الشراء خصوصا وقت التخفيضات للأنه للأسف فيه ناس تشتغل وجايه تكسب بأسرع وقت على حساب الزبائن ,أنا كنت ناويه أبلغ إداراه المحل بس قلت خلاص أخذت حقي وقطع الأعناق ولاقطع الأرزاق.