بقولكم تجربتي
انا مو من اللي تتكلموا عنهم بالعكس اي شي اشوفه مفيد اقول
في الواقع
في شيء مااستغنى عنه
1 الحلاوة
الصابون المغربي + الليفة المغربية
والطريقة كالتالي
اعمل حلاوة لكامل الجسم
ثم اعمل حمام مغربي
طريقتي في الحمام المغربي
واحد:
الليفة لازم يكون مكتةب عليها صنع في المغرب
إثنين :
الصابون يكون اصلي ومايكون مكتوب عليه صنع في جدة وغالبا يجي في علبة عادية اصور لكم هيا بعد شوي
ثلاثة:
الصابون والليفة ابدا ما يلمسوا بعض وهذا سر من اسرار المغربيات وانا عن نفسي جربته
أعني بهذا الكلام انك ماتحطي الصابون على جسمك وتفركي بالليفة هذا خطاء
الطريقة:
تدخلي تحت الدش تكون الموية اقرب للحرارة من للبرودة يعني حارة بس ماتحرق
تاخذي كمية قليلة من الصابون البلدي المغربي وتحطيه على كامل الجسم
تجلسي بالظبط عشر دقايق بدون ماتسوي شي لافرك ولا شي طبعا وخري عن الموية بس لاتقفليها
بعد العشر دقايق اغسلي جسمك كلوا بالموية فقط
بعد كذا يجي دور الليفة ا بلبليها بالموية الحارة
ودخلي يدك فيها وادعكي جسمك بس بالليفة بدون صابون ولاشي
طريقة الدعك دوائر و رايح جاي والدعك قوي شوية
بعد ثواني حيبدا الوسخ اللي في الجسم كلوا يطلع وحتشوفي وتقولي معقول هذا في جسمي
وانا اعمل هالطريقة كل اسبوع ومايكلفني الموضع اكثر من 25 ريال مع اني اول حمام سوت لي هوا وحدة مغربية وكلفني 350 جلسة وحدة
والحمد لله من فضل الله لون الجسم موحد
جربوا الطريقة وادعولي ..واي سؤال جاهزة...
الي بشرتها تجنن وجسمها ابيض صافي ماهو طبيعه بل عنايه تجي تعلمنا اسرارها وبندعي لها%%%
متابعة النقاش، صفحة 58