شي بقلبي ودي اقوله !! حافز

اهم شي من هذا كله الامن اللي احنا عايشينه اكلين شاربين نايمين مرتاحين في عملنا وعيالنا في مدارسهم وامورنا ماشيه ليش اللي احنا نسمعه الحمدالله يابنات حكومتنا ماقصرت والله كل شعوب تحسدنا على الامن اذكر مصري يشتغل عند الوالد يقول والله اول مرة اجي السعودية بس والله اني اقدر انام على الرصيف من الامن اللي عندكم عكس مصر الحمدالله يارب طول في عمر ملكنا وحكامنا الحريصين كل الحرص علينا

الحمدلله نعمه ونشكر الله عليها
بس لاتقارنون الدول الاسلاميه
بغيرها مهما وصلو له من تقدم
حنا دينا كرم المرأه ورفع قدرها
مو تجي تكنس الشوارع
علشان مثل ماتقولي توفر اكل لعيالها
اللي أبوهم تركهم ؟؟؟
هذا لانهم مو مسلمين تكرف الحرمه في كل مكان
وبعد تنداس كرامتها

تدرين أيش يقولون عنا وهذا كلام أختي يوم كانت في
أمريكا تقول كانت اتكلم معهم عن الزواج وان المرأه
ماتدفع ولا تسوي شي كله ع الرجل هو اللي يدفع
المهر ويجيب البيت والسياره وكل شي وهي جالسه
بالبيت ...تقول انصدمو قالو وتطالبون بالمساوه
والله أن دينكم مكرمك مو حنا اللي ذبحتنا الحريه والمساوه

وهذا والله كلام صدق مو تأليف من عندي وكان قبل اربع
سنوات ....

الله يرزق الجميع

بس يابنات انا عندي عامل باسمي وهذا الشهر راح انقل كفالته
طيب لو سجلت تتوفعون يؤهلوني

ياليت جاني حافز وادخل كل يوم مو بس مره في الاسبوع
هذي نعمه مايعرفها الى الي فقدها
الحمد لله على كل حال

ياأختي المشكلة مو كذا.
المشكلة إن فيه ناس في أمس الحاجة لها وماعندهم نت إذا ربي منعم عليك وبخير هم ماعندهم والبعض ساكنين في قرى والبعض يخصموا منهم لأنه يمشي ضمان لعائلتهم على حسابهم بالله عليك كيف تبغيهم كل أسبوع يجددوا ويشحدوا العالم والبيانات ماراح تتغير بس مجرد إنهم يدوروا عذر عشان يخصموا منها والله حسيبهم وين يروح المبلغ المخصوم.
هذولا ولاهم الله أمر المسلمين وعسروا عليهم اللهم عسر عليهم. افتحي الجرايد وشوفي القصص هذا اللي باين لنا وماخفي كان أعظم بعضهم مايقدر يوصل كلامه للإعلام كان الله في عونهم ورزقهم من حيث لايحتسبون
بس تدرين ليش عاملين كذا في الشعب لأنهم ماجربوا الفقر والعيش في قرى مقطوعه أو عائله كبيره مالهم عائل غير الأب وبراتب زهيد مايتجاوز 1800
معليش كلامي كثير بس من كثر ماني مقهورة منهم مع إنه الحمدلله موظفة ومغنيني ربي من فضله بس هذولا إخوة لنا