صــواريـــخ الحـــريم وبعـــدين⚡⚡⚡⚡

لا والله من الرياض
اللي عندكم فرع المدينه حنا فرع الرياض ههههههه

كانت معي وحده كذااااابه بشكل وانا غبيه بشكل
والله غبيه انا ما افكر
قالت لي مره انها كتبت قصيده ونشرتها بالنت وقتها انا ما اعرف للنت
قلت لها ايه قالت سرقوها ونسبوها لانفسهم الناس
لين الان مصدقه
بعدها قالت والله الان اذا امشي البنات يطالعون يقولون هذي اللي كتبت القصيده الفلانية ):
انا مخي بلم كيف يعرفون شكلها
عديتها لها
اصلا ما اعرف للنت

انخبطبت على البركه وباركت لها وتهاوشت مع خطيبها كتبت له قصيدة عتاب ورد عليها بقصيده
انا قريت القصيدتين بصراحه حسيتها اسلوب بنت
بس سكت انا مالي بالقصايد
قالت هي تكتب القصايد بحيث تجمع اول حروفها ويكون اسمها عشان تحفظ حقوقها الادبيه
مشيت علي لاني ما افهم بالقصيد
زوجها بعد الملكة صارت مشاكل وهوشات ورضاوي وغيره امر عادي
تاخر زواجهم
وكل ما اسالها تقولي عن مشكلة بالاخير صدم زوجها وتاخر العرس لانها انعدمت السيارة

بعدها تاجل العرس زوجها انسرق منه 80 الف
بعدها تاجل في وفات مدري مين

انا للامانه بكل دلاخه مصدقه
وكاسره خاطري

والللهم لك الحمد تزوجت
ومرت شهور وحملت الحمل متعب
غابت كم يوم قالت انها سقطت بالشهر الثاني مدري الثالث

ياحياتي سقطت الله يعوضها

وبالاخير جاتني وحده قالت ترى فلانه الفلاني كذااابه تتخيل قصص وتقولها تراها مو متزوجه ولا مخطوبه ولا شي كله كذب في كذب


انا فتحت فممي على الاخر والله عندي احساس فيه وحده راحت تقرى كلامي وتعرف البنت وياااارب احساسي يخيب

ياكثر الحريم اللي اعرفهم كذا 
من كثر صواريخهم مااتذكر 

هههههههههههههههههههههههه

عاد تصدقين
آنا شفت الهياط هنا بالمنتدى
وجد وجد منصدمه من كمية الهياط والخرط المتواجد هنا
بعايلتنا نادراً تلقين وحده تهايط
لأن الحمدلله كل وحده راضيه وقنوعه ومتعلمين ع هالشيء
اللي تهايط فيها عقد نقص وتعوضه بالهياط
آنا آرحم اللي تهايط جد جد آرحمها إلى آبعد حد :)
وآدعي لها بالشفاء العـآجل
المفروض الوحده تكون كتومة شوي وماتطلع آسرارها
وصدقيني اللي مليانه عينها ومرتاحه مستحيل تهايط
لأن سعادتها كبيره ومو محتآجه تبينها للعالم لأنها غنية عنهم
وكمان شفت بصحباتي بعض من الهياط بس آطنش ولا آهتم
وشفت بعض من قريباتي بس نادراً تلقين فيهم هالصفه