السلام عليكم
حبيت استشيركم عن موضوع خطوبتي
اولا بأقولكم عن نفسي علشان تعرفون الوضع كيف؟
عمري 27 سنه ولسى باقيلي سنتين واتخرج من الجامعة
خطبني ولد خالي
شوفوا صفاته وقولولي لو تقدم لوحده فيكم رجل فيه مثل هالصفات وانتبهوا لصفاتي
اولا عمره 30 هذي الصفة تمام اني ابيه اكبر مني
ثانيا صلاته يابنات مو محافظ عليها يعني مره يصلي ومره لا وهذي النقطه مسببه لي ازمه وحيره كبيره
انا شايله هم هالنقطه بس امي تقول اغلب الشباب ذا الله يهديهم وضربتلي مثال ابوي تقول اخذته وهو مايصلي ابد
بس الحين ماشاء الله ربي يحفظه
ثالثايشتغل بشركه خاصه وراتبه بس 3 الالف وانا بعد شايله هم هالنقطه الحياه صعبه مررره بس اكيد ربي قد تكفل برزقنا
رابعا سألت اخوي عن اخلاقه يقول تمام وحلوه وهو خدوم مرررره ويهتم بسمعته عند الناس بس قال انه مزاجي مررره يطفش ومره مرووق
بس انا اتوقع انه حااار مو مزاجي
رابعادوامه صعب ...يداوم من 10 الى 2 الظهر ؟......ويداوم مسائي من 7 المغرب الى 11 الليل يعني بأجلس اغلب الوقت لوحدي
هذي صفاته ياطويلات العمر
الله يخليكم اشيروني ناقشوني فهموني وفتحوا عيوني لاني كل ماستشرت ابوي او امي او اخواني يقولون بكيفك وهذي حياتك
واخيرا انا بنت ابي الستر والعفاف وابي افرح امي وابوي بس بعض صفات هالخطيب مو عاجبتني مثل صلاته ومزاجيته
امي تقووول خذيه احسن من الغريب وتكونين قريبه مننا ايش رايكم
ولاتقولوا استخيري لان هالشئ بديهي راح اسويه وراح ادعي وربي معي ماراح يخليني
الموضوع مغلق