لكن بر من نوع اخر ماشاء الله تبارك الله عليها ...
الله يكثر من امثالك ويزيدك ويطول بعمرك ويجعلنا جميعاااااا مثلك يارب العالمين ...
تستحقين والله شكر خااااااااااص بارك الله فيك ...
دعواتكم يا اخوات لها ولوالدها بارك الله فيكم ...والملك يقول ولكم بالمثل ....
نص الرساله من دون ذكر اسم صاحبة الرساله بناء على طلبها ....
مساء الخير أختي فراولة
رسالتي بخصوص موضوعك عن الوالد الله يرحمه ويغفر له ويسكنه جنات النعيم
وموتى المسلمين جميعاً
أنا ياأختي فقدت والدي وفي رمضان تتم 4 سنوات على وفاته
مانسيته ولاعمري رح أنساه
وذكراه في قلبي
لأنه حيّ في داخلي مامات
وفقدي له يزيد كل يوم
مارح أحكي عن مشاعري وآلامي
حبيت أشاركك بالأفكار اللي أسويها صدقة له
وحبيت أرسلها لك على الخاص ماحبيت أكتبها فالموضوع
لكن لك الحق إنك تنزلين رسالتي كاملة مع حذف اسمي
الصدقات اللي أسويها أنا وخواتي:
الفكرة الأولى
أهم شيء الدعاء
...
الفكرة الثانية
أنا كنت متكفلة بعائلة سعودية
محتاجين فوق ماتتخيلين وحالتهم مايعلم فيها الا الله
أتقضى لهم شهرياً مقاضي للبيت
(رز-سكر-شاهي-معجون طماطم-دجاج-زيت)
فالأول كنت أشتريتي الأساسيات بس
وسبحان الله الصدقة تزيد المال ماتنقصه
صرت بعدين أضيف للمقاضي
(معمول تمر-شيبس للأطفال الصغار-شوكولاته)
ووالله العظيم بعد سنة تكفلت بعائلتين
وبعد كم شهر تكفلت بعائلة ثالثة
والغريب إنه بنفس المبلغ تقريبا اللي كنت أصرفه لعائلة واحدة
كل ماأشوف المقاضي والمبلغ المدفوع
أبكي
وأقول الحمد لله ربي راضي عني
والدليل إنه يسر لي كفالة 3 أسر بعد ماكانت أسرة وحدة
واخواتي نفس الشيء
بس أمانة ماني عارفه كل وحده فيهم متكفله بكم أسرة
...
الفكرة الثالثة
إذا دخل الشتاء اشتريت بطانيات
والحمد لله ماأشتري إلا أفضل نوع موجود
وأوزعها على محتاجين
فالأول شريت 20 بطانية وهالسنة تقريبا 22 بطانية
وعلى فكرة نفس المحل من 3 سنين وأنا أخذ منه ويوصلها لباب البيت
وشريت وحده لأختي
والله إنها بكتني
قالت لي يا آمال انتي كسبتي أجر عظيم بالناس اللي عطيتيهم البطانيات
دافية بشكل ماتتخيلينه وملمسمها ناعم مرة
...
الفكرة الرابعة
شريت فروة رجالية
تقريبا 10 فروات
ووزعتها برضو على محتاجين وحراس المدارس
...
الفكرة الخامسة
تبريد كرتون مويه
والسواق طالع يجيب خواتي ياخذه معاه
وأي عمارة تبنى في طريقه يوزعها على العمال في الصيف
مستحيل مستحيل مستحيل تنسين ضحكة وجيهم لما يشوفون المويه
...
الفكرة السادسة
تفطير صائم في رمضان
كيسه صغيرة يتحط فيها:
مويه+لبن+تمر(خاص بالتفطير تقريبا 4 او 5حبات)+مرات نحط عصير إذا توفر+مرات نحط معمول إذا توفر
وقبل آذان المغرب بربع ساعة نرسل السواق لمسجد فالحي يحطها فيه
...
الفكرة السابعة
في العشر الأواخر
نبرد كرتون موية ونرسل السواق فيه للمسجد
...
الفكرة الثامنة
طباعة أذكار وأدعية وكتابة يرجى ثوابه للمرحوم بإذن الله .....
ووزعناها في الجامعة وأماكن شغل ودراسة خواتي
...
الفكرة التاسعة
طباعة فواصل كتب فيها دعاء لموتى المسلمين
وكتابة يرجى ثوابه للمرحوم بإذن الله .....
...
الفكرة العاشرة
الأضحية عنه
وهذي اخواني سنويا يسوونها
وأنا كل ماتيسرت ظروفي سويتها
لكن أسويها برا المملكة عن طريق ناس أثق فيهم
...
الفكرة 11
في الشتاء
أشتري دفاية زيت
أشتري وحده
لأني أشتري أفضل نوع اللي هو الألماني
وأعطيها محتاجين
سويتها مرتين
أول ماتوفى الله يرحمه من3 سنين ونص والشتاء اللي فات
قسما بالله
الحرمة اللي عطيتها أول مرة وعطيتها بطانيات لها ولعيالها
كل سنة تكلم أختي وتدعي لها
وتقول هذي ملابس عيالي إذا قاموا الفجر علقوها على الدفاية
وبعد مايفطرون يلبسون الملابس وهي دافيه
الفكرة 12
كل سنة نشتري تمر
ونوزعه على الجيران
لأنها كانت عادة الوالد الله يرحمه
فماحبينا نقطعها بعد موته
الفكرة 13
مصحفه الله يرحمه
يتنابون البنات على القراءة فيه
الفكرة 14
كفالة يتيم باسمه الله يرحمه
هذا اللي يحضرني الآن
بس حبيت أقولكم شيء
إني مريت فضيق مالي الله وحده العالم فيه
لكن كان عندي اصرار مهما حصل مارح أقطع عادتي ولاصدقتي عن الوالد الله يرحمه
وسبحان الله تفرج من عندي ربي
وعلى فكرة لا تتوقعون إني غنية مادياً
لكن إذا الواحد حط في باله إنه لازم يسوي هذا الشيء
يختصر مصروفه
والله إني مرات أقضي للناس بقيمة عشاء من المطعم إذا كل الأهل كلهم مجتمعين :44:
وغير كذا دايماً أقول في سعتي وفي ضيقي (أقصد مادياً)
إن هذي صدقة عن أبوي وفنفس الوقت هي اللي بتبقى لي فالآخرة
الله يرحم أبوك وأبوي
ويسكنهم الفردوس الأعلى
وموتى المسلمين جميعاً
