اقسم بالله شعري اللي طاح رجع يابنات رجع وربي بشي بخمسه ريال من يصدق اكتفي من الردود

متابعة النقاش، صفحة 114

شاركي في النقاش

سجلي الدخول لإضافة تعليق.

التعليقات

1,495
  1. @smrh_skrh_1

    فريييز
    هلا أختي العصرية .. راح أرد عليكِ بالنيابة عن أختي شذى وتسامحني أختي على ردي إذا فيه غلط أقولك أختي العصرية الوصف اللي وصفتيه للأعشاب تقريباً صحيح وبعدين الصور موجودة بالموضوع نفسه بالصفحة رقم 14 ماأنتبهتي لها والأفضل تكون ماهي مطحونة…
    أم هشااااااااااااااااااااام حبيبتي :26: :26:
    أولاً الصور عندي ما تظهر إللي بصفحه 14 :) محظور الوصول للصفحه يمكن في صور سيئه في نفس الموقع و الله أعلم
    لو إنتي من جده قوليلي من فين أخذتي الأعشاب

    أم هشااااااااااااااااااااام حبيبتي :26:
    أولاً الصور عندي ما تظهر إللي بصفحه 14 :) ما أدري محظور الوصول ليها يمكن في صور سيئه في نفس الموقع و الله أعلم
    لو إنتي من جده قوليلي من فين أخذتيها

    أنا راح أوصفلك الأعشاب إللي لقيتها عند العطااااار وهي كالآتي:
    1-ساق الحمام /زي أغصان مكسره لونها عودي و لمن تمسكيها زي كأنه تتفتت وتصبغ يدي بالعودي (ممكن هذه زي إلي عندك إن شاء الله)
    2- سابله/ عباره عن حبوب أكبرمن الحبه السودا و أفتح شويه بس من الحبه السودا (ممكن هذه زي إلي عندك إن شاء الله)
    3- ماسكه/ عمري ما شفت أعشاب كأنها صخره كبيره لونها رصاصي غامق و كأنها حديده مصديه ( بصراحه خفت منها كثيييييييييييييييييييير !!!!! وهذه خلتني ما أحطهم مع الزيت :eek: )


    أختي الله يوفقك ردي عليا بسرعه أنا ناويه أبدأ فيها إن شاء الله بأقرب وقت
    و على فكره انا شعري ناعم و خفيف من قدام و جاءت على بالي أسوي برنامج لشعري بأبدأ بوصفة نوض إن شاء الله ربنا يوفقني و يباركلي بالوصفه وبعدما أحط وصفتها من غير ما أغسل شعري بالشامبوه لمن ينشف أستخدم وصفة شذى و بحول الله وقوته ينجحوا مع بعض
    بنااااااااااااااااااااااااات انا خايفه إللي جربتهم مع بعض تقووووولي رجاااااااااء
    رأيكم يهمني يا بنااااااااااااااااات عالم حواء الخيرااااااااااااااااات
    و سامحوني طولت عليكم و تعبتكم معايا :09: بس راح إن شاء الله تجاااااااوبوني :26:
    جزاك الله خير ياشذى :26:
    وجعله الله في ميزان حسناتك
  2. @fryyyz

    هلا عيوني سمره سكره-1 ,,

    الله يخليكِ والله يسلمك يارب وفعلاً أخت شذى شكلها مشغوولة لأنها من يوم بدت

    الإختبارات وهيا ماردت مررة ,, على العموم عيوني راح أقولك اللي أعرفه والأعشاب ياقمر

    زي ماوصفتيها ساق الحمام هيا نفسها زي ماقلتي وهيا اللي تغير لون الزيت للون العودي سبحان

    الله كأنها تصبغ لون الزيت والسابلة ياقمر كمان صح زي ماقلتي زي الحبة السودا بس أكبر شوي

    والماسكة ياستنا ماأعتقد هدا وصفها لأنه وصفها تحسيها زي أو شبه حبة البندق يعني مو زيها

    بالتمام بس شبها يعني أقرب لحبة البندق وماهي صخور كبيرة زي ماقلتي ,, وبعدين حبيبتي أنا

    صحيح من جدة بس عايشة في ينبع ولو تبغي روحي العطار تبع حي السلامة اللي بعد مطعم موفق

    اللي يبيع المطبق والمعصوب ,, بس للأمانة أنا ماأشتريتها من عنده لكن هوا إنسان فاهم ويمكن

    تلقي عنده والله أعلم لأنه بصراحة أنا أخدت الأعشاب من عندنا هنا من عند المرواني وإذا عندكم

    في جدة في المرواني يمكن تلقي عنده والمهم إنك تلقي عشبة الماسكة بنفس الوصف اللي وصفته

    وزي البندق وراح أحاول أحط لك الصورة إذا قدرت ولقيتها :

    على فكرة هدا موقع المرواني نفسه وإن شاء الله يفتح عندك :

    http://www.mspices.net/

    أقولك لقيت رقم تلفون لفرع جدة وإذا مسموح راح تشوفي الرقم وإذا ماظهر أرسلك هوا على الخاص

    وهدا الرقم وإن شاء الله يفيدك :http://www.mspices.net/froaa.htmوهنا في الفروع

    6441473 ويقولوا هدا في جدة وله فروع كتير المهم وحطيت لك الموقع بنفسه وإن شاء الله

    تستفيدي وأكون أفدتك ياقمر ولكِ سلامي ,, وبعدين أنا أم هاشم مو هشام بعدين ترا هاشم يزعل

    منك ويقول غيرتي إسمي ههههههه لكِ سلااااامي ..
  3. @bnt_alshykh_2

    ماشالله ماشالله

    ردود وتفاعل وخلطات وماسكات وسابلات وسيقان حمام الله وصاحبة موضوع عسل ورقة واحساس يطولي بعمرها

    صارلي كمن الساعة 3 الظهر الا 6 العصر وانا اقرى الردود تعبت و الله

    خلصت 60 صفحة

    صفحة تنطح صفحة

    الحين شو بيقول العطار المعروف في العين يوم اساله عن المكونات

    يارب يعرفها

    بنات انتوا تعرفون محل الخاجة في العين وله افرع في الدولة ..

    ان شالله يارب احصل عنده

    تراها قضية .. شعري ناعم ودهني بس متساقط من خاطر امه ... وماحصل يتساقط الى من الجبهه ..

    احس ان الحالة النفسية + التغذية تأثر على نوعية الشعر ... يعني الهتمام فيها لازم يكون قبل الخلطات

    انا ان شالله مبسوطة ومرتاحة بس تغذيتي مش عدلة ... اليوم بطبع الخلطة وردود بعض البنات في صفحة مستقلة وبوديهم عند العطار وبشرحله الموشح هناك

    الله يوفقج ياشذى في امتحاناتج ويساعدج ويفرج همج ويسخرلج من يسعالج في الخير مثل ماسعيتي وصبرتي علي وعلى البنات

    الله يوفقج من خااااطري ...

    اختج بنت الشيخة

    الحين قاعدة احاتي ...

تابعي تجارب أخرى من هذا القسم.