بنات الي اسويه صح ام لا بعد ضرب زوجي لي.

السلام عليكم ورحمة الله وبركاته
إخواتي العزيزات مالي بعد الله آلا أنتن، بدخل ف الموضوع دايركت،، انا لي 7 سنوات متزوجه ومعاي 3 أطفال زوجي يضربني من السنه الثانيه من زواجي بدا ع شوي شوي يعني كان نادر وكل فترة يتمادى. وكونت اهدده بأهلي اقول انتبه لا اكلم أبوي عليك، يقول الله لا يردك بس انا اعرف انه يحب أبوي لان أبوي خاله ، وأبوي كويس له ولاهله الحمد لله ، لاكن تمادى وسكت كونت اكلم امي وأخواتي بس واخواني الكبار وأبوي يسمعون كلام يعني من أمي وأخواتي ، لاكن سكتو ع الموضوع قالو طالما هي ما جات أشتكت خلوها، مرة السنوات وتجيني بعثه للخارج وسافرنا بدا الضرب يزيد والكلام الوسخ يزيد والله يا بنات انا محترمه والفاظي نظيفه بس هو مرررررة عصبي وألفاظه وسخه ( يا معلونه يا حيوانه يا حزمه يا ثورة يا هبله ) ما بقى شي الا وقاله واتصلت ع اخوي الكبير وكلمتو وانا ف الخارج بعدها اتصل اخوي الكبير عليه وخاصمو وتكلم عليه، جلس اسبوع زعلان ورجع لي قال ليش اسرارنا تطلع و و لاكن اعتذر لي . جلس شهرين مؤدب ورجع حالته وسكت وسكت وسكت الين رجعنا السعوديه وكلمت أبوي ، وأبوي جابني وجابو وتناقشنا ف الموضوع طلع كل ما في الموضوع يقول تناقضني ع عيالي عشان هو يضرب عياله ضرب مو طبيعي الله يهديه ع اتفه شي هو طيييييب صراحه بس عصبببببي موووت
المهم قال أبوي لا عاد تضربها ولا تتسفه عليها بالكلام الوسخ قال ابشر ، رجعنا نكمل دراستنا ف الخارج وجلس شهرين مؤدب ، والله الحين رجع حالتو ضرب فيني وشد شعر ويا جزمه يا حيوانه والله اهينك واحط الجزمه ع وجهك والله اطلقك اذ رجعنا السعوديه و و و عشان انقاضه ف عياله لما يضربهم اقول حرام عليك والله ما سوو شي يحوج انك تضربهم، المهم رجعت اتصلت ع اخوي الثاني وانا ابكي وقلت كذا كذا
رجع اخوي اتصل عليه وقال ليه أخلفت الوعد الي بينك وبين أبوي ، قال هي تعاندني وتناقضني و و طبعا اعذار مال امها داعي
راحو إخواني الكبار واجتمعو مع اخوه الي اصغر منه المتزوج ومع ابوه وعم لي وله كبير وقالو ترا ولزمن يسوي كذا كذا ف اختنا شوفو لنا حل معاه ، و و و تعرفون كلام الرجال المهم قالو اذ رجعو لسعوديه نجتمع فيهم ونشوف
المهم الحين هو بغرفه وانا بغرفه ولا نتكلم مع بعض و لا شي لنا اسبوع ويوم وعيالي احس تشتت تفكيرهم شافين الي قاعد يصير
لان اخوه دق عليه وقال له ترا إخوان زوجتك جو لنا وقالو ......... زي ما قولت
ف ايش رايكم بلي قاعد يصير هو ما راح يجيني يعتذر لي أبدا ، وانا لو راضيتو مو اعتذر طبعا لأني ماسويت شي فأهانه لي بصراحه
والوضع مو عاجبني اذ بغيت شي أرسلتو رساله وزي كذا
أفيدوني اش الحل معاه واحنا 3 شهور وراح نرجع السعوديه اذ ربي احيانا ان شا الله ..


ساااااااااااااااامحوني ع التطويل بس عشان أوضح لكم الصورة
الله لا يحرمكم الجنه ردو علي وافيدوني.

78 تعليق 26,893 مشاهدة

شاركي في النقاش

سجلي الدخول لإضافة تعليق.

التعليقات

76
  1. الله يسهل لك امورك ويسخر لك زوجك
    ان شاء الله الخبيره بكذا مواضيع تفيداك الله يحنن قلب زوجك عليك ويهديه
    ويسخر لي زوجي كمان :(
  2. @smsm_2012_1

    الزمي الدعاء اسال الله ان يسخر لك زوجك انتي كلمتي اهلك لكن نصيحتي الجائي لرب العالمين وادعي ان يحنن قلبه ويسخره لكم انتي واولادك
  3. @am_aro_12

    احسن انك علمتيهم

    خلص الي متي يضرب بصراحه انا معكي باللي سوتيه

    وخليه يزعل علشان يحترمك ويقدرك المفروض من زمان حطيت له حد

    استغفرالله الله يعينك ويصبرك ويرجعكم بسلامه
  4. @amyrh_byty

    شوفي دامك رضيتي بالمهانه من البدايه :freak6:تحملي زوجك من النوع الي مستقوي وهذي النوعيه ماينفع معها الا انك تاخذي حقك بطيب بالقوه وتطلعي عيونه وتفشليه بعد ماينعطا وجه الحين يقولك تطلعين الاسرار :dry:اجل يقعد يهينك ويسبك السب لحاله مؤذي ويدمر النفسيه:09: والي يضرب مره ماهو رجاال شخصيته ضعيفه وجاي يستقوي عليك :mad2:يابنت الاجوادهدديه لاعادد يضرب عياله بتجيهم نفسيه وقوليله اهلي ماضربوني تجي انت تضربني ترى بعضهم مع الوقت يضرب بعددين يقتل اعوذبالله خذي موقف صااااارم

تابعي تجارب أخرى من هذا القسم.