ماأزيد عن اللي قالوه الاخوات الا قصه امي مع اخواني من ابويه تزوجت امي ابويه ومعه ثلاث اولاد وبنت وحده والله امي احتوتهم وربتهم مع اخواني الكبار مضت السنين تزوجت البنت وتزوجو الاولاد واخواني كذلك تزوجو والله انهم يحبون امي ويسألون عنها واذا شافوها يبكون محبه لها لان امي الان الله يشفيها ويخليها لنا كبيره بالسن وتشكي السكر وضعف البصر وقله السمع فهم من حبهم لها يبكون على اللي يصير لها والعيد اذا جاء يعيدونها بأفضل من عيديات اولادها اللي حملتهم وتعبت عليهم ياأختي السنين تمضي مابيجلسون عندك العمر كله فتره وتروح كل وحده على بيت زوجها خليهم يذكروك بدعوه طيبه ويمكن يبتليك الله بمرض ماينفعك الا احسانك لهم ولاتصبحي انتي والزمن ضدهم بالعكس عوضيهم عن حنان امهم وتشوفين النتيجه في صلاح اولادك وتسخير الله زوجك لك وتذكري ان لهم رب فوق سبع سماوات يرى ويطلع على كل كبيره وصغيره ويجازيك اما في نفسك او اولادك او زوجك وأخيرا ياأخوات خافو الله في الاطفال تكرهونهم بغير ذنب اقترفوه والله البنات نعمه عظيمه من الله وتشوفين اذا كبرو كيف تنبسطين معاهم بالعكس حبيهم ودلعيهم ولبي لهم طلباتهم هذا اللي يبغاه البنات
اكره بنات زوجي الصغار وزوجي نفذ صبره يبغى يطلقني //استوفي الردود
متابعة النقاش، صفحة 13