مين قد اعتنت برجال مسن ولا يقدر يروح الحمام

يارب ياعظيم يشفيه ويرزقك بره ورضاه

الله يشفيه ويقومه بالسلامه وتقر عينك بشوفته معافى وبصحه وعافيه .
والله يرزقك بالزوج الصالح والذرية الصالحه اللي تبر فيك مثل ماتبرين في أبوك وأكثر .

الله يشفيه ويقومه بالسلامه وتقر عينك بشوفته معافى وبصحه وعافيه .
والله يرزقك بالزوج الصالح والذرية الصالحه اللي تبر فيك مثل ماتبرين في أبوك وأكثر .

هلا اختي

اسأل الله العلي العظيم ان يقويك ويعينك على رعاية والدك

وان يشفيه ويخفف عنه ...ربي قادر سبحانه ..

اوصيك ابد ماتتمللين ولا تظهري هالشي له حتى وان طال الوضع ...

انا مريت بهالشي عشان كذا اول ماقرأت موضوعك ماتمالكت دموعي بسبب اني تذكرت المعاناه

اسأل الله ان يجازيني ووالدتي خير الجزاء ويتجاوز عن تقصيرنا

لان بعض الاخوان ابد ماينفعون بهالمواقف.. مثل اخواني اللي كانوا شايلين يدهم ..

اول شي نصيحة اذا كان عندك اخوان لاتعوديهم من البداية انك انت وامك تشيلو كل شي
لازم يساعدوكم دائما ...لان لو عودتيهم مثلي راح تتعبي كثير

لاني في البداية كنت متحمسة وتكفلت بكل شي أاكل والدي الله يرحمه وانظفله واروشه والبسه بمساعدة الوالده الله يشفيها ويكتب اجرها ...ووقت زاد مرضه صار فوق طاقتنا انا وامي ... الله يرحمه ..

اذا كان والدك يعني يقدر يروح الحمام بمساعده يكون افضل عشان لايتعود على نومة السرير ,,, وحاولو قدر المستطاع مايجلس طول الوقت بالسرير يعني جلسوه وطلعوه لو في مجال..

لان هالشي يأثر بنفسيته ايجابيا ,,, وسبحان الله يمكن بس فتره ويصير يقدر يروح الحمام لوحده اذا في مجال ..
واذا كان مررره مايقوم من السرير ضروووري جدا جدا تقلبوه كل مره على جنب عشان لاقدر الله لاتجيه الجروح من الفراش ..

ووقت الاستحمام كنت بالبداية اخلي احد يساعدني نوديه للحمام واجلسه على كرسي واروشه وبعدها نتساعد ونطلعه وننشفه ونلبسه ونخليه يجلس وقت عشان يغير جو الفراش ويتهوا ..

واذا عندكم عربية يكون احسن واسهلكم ..

ولما زاد مرضه ماكنت اقدر ادخله الحمام كنت اجلسه بالعربية واروشه عندفتحة تصريف قريبة من المطبخ ..

وبالنسبة لتنظيف كنت البسه الحفايض وافضل نوع فاين لانها تتحمل ... كنت اوديه الحمام انظفه ... بعدها صار مررره صعب روحته الحمام ..
صرنا ننظفله بالقطن .. نجيب طاستين طاسه فيها مويه وطاسه فيها مويه وصابون ..ننظفله بالصابون وبعدها بالمويه نمسحله طبعا كلها بالقطن... واحطله بودره لجسمه من فوق ..

وماشاء الله طول مرضه ولا يعرف جروح الفراش ..

واذا ماروشناه لازم كل يوم نمسحله جسمه بالقطن والمويه واي شي ..

وبالنسبه للفراش ضروري يكون فيه مشمع وبعدها تحطي شرشف السرير واحسن شي تشتريله من المفارش اللي تنحط تحته زي اللي في المستشفيات انظف واريح يصير موشرط دائما تبدلي الشرشف بس تغيري المفرش الصغير .. . من الصيدلية طبعا ..اشتري مقاس كبير ...

ارجع اقولك ضروري المساعده لو عندك اخوان هم يقدرو يشيلو افضل منك.. واذا مافيهم خير الله يعينكم ..

اعذريني مررررره طولت بس حاولت اكتب كل شي خطر ببالي ..

اختي المعاناه مو من خدمته لا ...بس لان مافي احد يساعد وقت انه يحتاج احد يشيله ... الخدمه بسيطه ان شاء الله ..

يارب تستفيدي ... الله يشفيه ويفرج همك وهمي .. آآآمين .

الله يعينك