مشكلتي والحمد لله على كل حال ....

انا متزوجه لي سنه تقريبا وعندي بنوته الله يحفظها .. والحمد لله اموري الزوجيه جيده الى حد ما اكيد تتخللها شويه مشاكل بس الحمد لله تنحل ...
مشكلتي والحمد لله على كل حال عندي اعاقه خلقيه من يوم ظهرت ع الدنيا .. وهي عرج في احدى اقدامي طبعا اثرت في( السمينه والساق ) يعني رجولي بسيقانها بسماينها تختلف عن بعض .. وحده طبيعيه والثانيه باين التعب فيها .. الحمد لله امشي واروح واجي واركض كله طبيعي
لــــــــــــكن مشكلتي امام زوجي استحي البس القصير قدامه وامشي قدامه وسيقاني باينه حتى وان لبست القصير او المفتوح تلقوني جالسه طول الوقت الين يقوم ثم اقوم من بعده .. وان قمت قدامه لازم يكون مو منتبه لي يطالع في تلفزيون او في جريده مثلا.. حتى قمصان النوم اذا لبستها لازم في الظلام ماابغاه يشوفني ..
استحي من نظراته بالرغم من انه عنده خبر قبل الزواج بوضعي ..

صراحه نفسي امشي بثقه قدامه والبس اللي ابغاه ياما حاولت بس الخجل يمنعني ..

عموما من زمان وانا ابغى اطلع اللي في قلبي حتى وان كان على الورق لعل وعسى ارتاح والقى من يواسيني

17 تعليق 2,321 مشاهدة

شاركي في النقاش

سجلي الدخول لإضافة تعليق.

التعليقات

14
  1. @hdhdat

    السلام عليكم انا الان اقرا قصة لم تنتهي بعد على صفحات منتديات مملكة بلقيس فيها البطلة تعتقد ان فيها ما يعيبها
    اقرئي هذه القصة عسى ان تلقي فيها ما يفيدك لان فيها كلام جميل ونصائح ليس عندي الاسلوب الجميل لطرحه هنا واسم هذه القصة شما وهزاع فقط اكتبي هذا في كوكل وموفقة
  2. @fsforyh_kshkhh

    ياقلبي مافي انسان كامل ....
    بالعكككس حتى لو فيك عيب خلي ثقتك بنفسك اكبر وبيني انه عادي لاتحسسينه بالنقصص ابد
    وهو يعرف هالشي فيك من قبل الزواج ومااخذك الا انه شاريك ومايهمه هالعيب اهتمي بلبسسك مكياجك وتغاضي عشان لاتلفتين نظره مع الايام على هالشي وتخلينه يحطه بباله وربي يسخره لك ويسعدك معه ويشوفك حورييه بعينه
  3. @am_maatz_6

    استخلصت من موضوعك سمات شخصيتك الحلوه واانا مااعرفك شخصيا واحسك انسانه واعيه ورائعة خلقة وخلقا
    والي ذكرتيه مااحسه عيب خلقي فيك بل العكس اجزم جزما تاما ان حلاتك وحسن عشرتك غطت بصيرة زوجك عن ساقك وصار يشوفك احلى انسانه بالوجود انتي ينقصك شي واحد بس الثقه والله الثقه واكيد موجوده بس محتاجه وقت حتى تظهريها
    ربي يسعدك دائما وابدا

تابعي تجارب أخرى من هذا القسم.