تعالوا تكفون شوفوا مشكلتي وادعولي..الله يفرج هم كل وحده تدخل يارب

السلام عليكم بنااات

بدخل في الموضوع بدون مقدمات

انا بنت عمري 24 سنه .. يوم كان عمري 19 سنه تملكت على شخص وسبحان الله ما ارتحت وفكيت ملكتي عقب شهرين..

المهم مشت السنوات وبديت احس اني كبرت .. كثفت الدعاء والتزمت الحمدلله .. مو التزمت عشان ابي اتزوج بس الحمدلله ربي هداني وتركت معاصي كثيرررر لوجه الله..

تقدملي شخص كل بنت تتمناه فرررحت وفرحت امي وقلت هذا دعائي الحمدلله ربي استجابه..
شفت الولد وشافني وعجبته وعجبني الحمدلله..
لكن كان فيه شي مضيق صدري .. انهم خطبوني وماكانوا يعرفون موضوع ملكتي السابقة .. لكننا قلنا لهم والام شاورت الولد والولد ماعنده مانع ..
بس انهم نبهونا مانجيب خبر للرجال اذا جو لانهم مايبغون الابو يدري .. حنا قلنا كيفهم اهم شي الولد وراضي لانه هو صاحب الشأن.

المهم حللنا التحليل الطبي وطلعت النتايج سليمه وجو الرجال وتقدموا رسمي وحددنا موعد الملكة والزواج..


تخيلوا يابنات من بكره دقت الام تعتذر تقول ان الابو لما قلناله حلف ان الولد ماياخذها ولا يدخل عليها ..

ماتتخيلون صدمتي كيف الحمدلله ربي ربط على قلبي وقتها.. بس تخيلوا كنت استعد انا وامي للملكة
انا البنت الكبيرة يعني فرحتها الاولى والله العظيم تمنيت افرحها..

قهرووووني وكسروا قلبي وقلب امي .. ليه ما وقفوا الموضوع من اول ليه مشوا فيه ويوم حددنا كل شي هونوا .. ما دام انهم عارفين ان ابوهم ماراح يتقبل وحدة بوضعي كانت مخطوبة ليه كملوا ..

انا اصبر نفسي واقول اكيد خيره وهي اكيد خيره
انا من اول الموضوع استخرت وقلت يارب ان كان فيه شر اصرفه عني وخلها تجي منهم..

بنات شرايكم ؟؟ ماتحسون انهم ظلموني؟ والاب يحرم شي ربي حلله مو ظلمني يوم منع ولده يتزوجني؟؟
خبوا على ابوهم على حسابي وحساب اهلي وكسروا قلوبنا

بنات انا عمري 24 وجميله الحمدلله .. هل انا اعتبر عانس الان؟


ادعووووووووووووولي تكفووووووووون بالزوج الصالح اللي يجبر كسري وكسر اهلي ولكل من قالت امين وعطوني رايكم بالموضوع

16 تعليق 1,811 مشاهدة

شاركي في النقاش

سجلي الدخول لإضافة تعليق.

التعليقات

16
  1. @anth_astthnayyh_1

    مآتدرين يمكن سوآتهم اللي سووهآ فيك ترجع في اعز بنآتهم , وان صار وكنتي مملكة على غيرك
    وانتي لسى صغيره توك في بدآيه حيآتك , الله يرزقك بالشاب الصالح التقي وربي لايكسر لك نفس ياحي ياقيوم .
  2. @snoayt_hoaaa

    صاحبة الموضوع
    الله يشرح صدرك على هالرد مثل ماشرحتي صدري ويوفقك ويرزقك..

    والله اني ما احب ادعي على احد بس فعلا تول ماوصلني الخبر قلت حسبي الله ونعم الوكيل
  3. @ksh_sbr

    قومي الحين واسجدي شكر لله واحمدي ربي على كل شيء

    خلينا نكون شاكرين ربي في السراء والضراء

    صدقيني مدفوع عنك بلاء اعظم ..



    { وَالصَّابِرِينَ فِي الْبَأْسَاء والضَّرَّاء وَحِينَ الْبَأْسِ أُولَـئِكَ الَّذِينَ صَدَقُوا وَأُولَـئِكَ هُمُ الْمُتَّقُونَ}

    البقرة 177


    قال رسول الله


    { إن عظم الجزاء مع عظم البلاء ، وإن الله تعالى إذا أحب قوما ابتلاهم ، فمن رضي فله الرضا ، ومن سخط فله السخط } .


    وقال أبو مسعود البلخي:
    من أصيب بمصيبة فمزق ثوباً أو ضرب صدراً، فكأنما أخذ رمحاً يريد أن يقاتل به ربه عز وجل،

    وعند الشدائد يبتلى المؤمنون ..
    ويختبر الإنسان ..
    ويكون الإيمان على المحك ..
    فيتبين الحكيم العاقل الراسخ في الإيمان ..
    من المنافق مهزوز الإيمان ..







    خلي لك سجده يوميا لشكر الله على النعم وعلى المصائب

    وبتشوفين كيف يبدل الله من حالآ الى حال
  4. @snoayt_hoaaa

    صاحبة الموضوع
    الحمدلله والشكر لله ورب الكون انا عارفه انه خير ولو كان فيه سعادة لي ربي ارحم من امي وابوي ماراح يحرمني انا متأكدة لكن انا قهروني وحرقوا قلبي لما قتلوا فرحتي وفرحة امي وابوي على سالفة صارلها سنين وانتهت وكانت بشرع الله وسنة رسوله
  5. @hosh_4

    خيره لك تخيلي انه بعد الملكه اكتشف ابوه وامره يطلقك ؟
    الحمدلله على كل حال

    بالنسبة لسؤال عانس لا توك ولا فيه شي اسمه عانس يابنت الحلال لا تخلين احد يدخل هالمعلومه براسك
    انا بنات عماتي كلهم ماتزوجوا الا وهم بالثلاثينات ( 30 , 32 , 33 )

    الله يوفقك ويرزقك اضعاف ماتتمنينه يارب

تابعي تجارب أخرى من هذا القسم.