بالبداية بقولكم علي وضع اخو زوجي
انسان مهتم بلبسه وشياكته جدا حتي باهله يجي كاشخ مايبخل علي نفسه باجهزة وجوالات جديدة وسيارته اخر موديل
زوجته مع انها اكبر مني بسنتين لكن نعطيها اكبر من عمرها اسلوبها كانها حرمة مرة كبيرة
وبناته لبسهم اقل من عادي بالحق يفشل:44:
نجي لوضعي ماابغي امدح بنفسي ولا اوصف عشان ماتقولون تمدح نفسها ويمكن الناس تشوفني بنظرة غير عن نظرتي لنفسي بس زوجي مايهتم بنفسه نهائي جواله ابو 100 ريال ثيابه جاهزة من الشياكة وبالعيد ليله العيد يروح يشتري يطلع من البيت بثوب بس بدون شماغ سيارته قديمة
كلمت زوجي بالموضوع وعن الاهتمام وكذا قال مااقدر اوقف بين اني اهتم واشتري لنفسي وبين اني اوفر لكم اللي تبغونه
قلت له عالاقل غير جوالك اللي استحي كل مارن عند اخواني قال لو بشتري كان اشتريت بس يوم طلبتي ايبودات للعيال فضلت اجيب لهم واجلس انا علي جوالي كان بامكاني مااجيب لهم واشتري جوال
اشتريت لك ايفون وايباد ومافكرت اجيب لنفسي لانو انتو اهم عندي
المهم قلت له وفق بين الاثنين لا تحرمنا ولا تصير بهالشكل:icon36:
قال ماينفع اللي دخلهم متوسط زينا ياما الرجال مهتم بنفسه بكل شئ ومطنش اهله زي اخوي
او العكس
اما اللي يوفقون بين الاثنين وبنفس ماديتنا الديون هالكتهم
انتو رايكم بالموضوع
شاركي في النقاش
سجلي الدخول لإضافة تعليق.
التعليقات
121- ما شاء الله تبارك الرحمن
كلامه حلو
خلاص المرة الجاية يجمع قروش علشان يشتري لنفسه ويهتم بحاله شوي
هو الحين اهتم بكم وجاء دوره هو
الله يسعدكم ويوفقكم - لا انا ما ابغاه يقصر علي ولا علي عياله
وبنفس الوقت ابغاه انيييق وشياكة - اللي مثل زوجك نادر حافظي عليه نصيحة
اما من ناحيت الكشخة وكيذا
انتي حاولي تشترين له اثواب
او ملابس اسبورت اللي لايق عليه
ونصيحة لاتقارني زوجك بغيره
الله يسعدكم ويوفقكم - يختي إحمددددددددي ربك
زوجك ماشاء الله مهتم فيك وفعيالك ومو مخلي عليكم قاصر كثر الله خيره
لو كان همه يتميلح ويكشخ عمره ويصرف على روحه ولا يعطيكم وجه كان قلبتي الدنيا
طالما هو مرتاح وعاحبه الوضع لا تضايقينه ولا تقارنينه بغيره وإرضي فيه مثل ما هو
تخيليه مثل رجال هالوقت تلبس وتكشخ وأيفونات وأجهزه حديثه وغاااااااثك بحركات
مالها داعي ........ أنتي تقدرين بالحكمه تغيرينه للأفضل وشوي شوي مثلا الشهر الجاي
ولي بعده لا تطلبينه شئ لك ولعيالك وقولي له هالشهرين وفر وإشتر لك جهاز حلو
والشهرين إلي بعدها يوفر طلباتكم ولي بعدها يجيب له لبس يعني يوازن مصروفاته
مره لكم ومره له أما بيصرف عليكم وعليه وع البيت مره وحده صعبببببببببه
وترى زوجك عمله نادره يا إختي حافظي عليه يكفي جالس يحرم نفسه عشان مايقصر عليكم اسيل الحاضر لا انا ما ابغاه يقصر علي ولا علي عياله وبنفس الوقت ابغاه انيييق وشياكة
طيب يا اختي انتي تقولي انه جاب لكم اجهزة لك ولعيالك الشهر اللي فات خلاص ماصار شي ولا راح تنقلب الدنيا لو هالشهر ماجاب لكم شي و صرف له كم من بيزة على كشخته :confused: تنازلي عن اغراضكم إنتي وعيالك هالشهر لوجه الله لهالمسكين وخليه يجيب لنفسه شي ، لكن إني لا أرحمه ولا أخلي رحمة الله تنزل عليه بعد مايصير :icon810: أجل لو كان حاله مثل أخوه كان أجيتي تشتكين من كشخته وأهماله لكم وكان تمنيتي هالوضع اللي انتي فيه.. عموما الله يخليكم و يسخركم لبعض يارب..
مواضيع مشابهة
تابعي تجارب أخرى من هذا القسم.