عريس لقطة بس بالغربة ,حبيباتي شوروا علية

والله يا حبيبتي انا ما بعرف عن الامارات وعن طبيعيتها بس ممكن تجربتي تفيدك
انا تزوجت دكتور ما شاء الله والله ما شاء الله عليه متفتح وواعي واهله كتيييييييير مناح بس ..... الغربة !!!
انا تزوجت وانا مكملة تعليمي ومعي بكالوريوس وهو شجعني اكمل هون باستراليا وجد كان عند كلمته لما حكالي بخليكي تكملي بس... المشكلة انو حياة المتزوجة صعبة كتيييييير للدراسة يعني لما جبت ابني والله مو فاضية احك راسي مشان ادرس مسؤولية واولاد وزوج جد كتيييير صعبة مع انو لهلا مصر وبقلي كملي ماستر بس انا مو قادرة لانه ضغط كبير
نقطة تانية نقطة الغربة ... ااااااخ من الغربة يعني كل سنة عم بنزل اشوف اهلي بالاردن بس والله السفر متعب جدا وخصوصا اللي عندها اطفال تاني شي بتحسي انه كل حياتك لاهله ما في وقت لاهلك بالمرة وغير هيك لما تولدي ما بتلاقي امك جنبك كتيييير صعب .. انسي موضوع الحرد والزعل .. انا عم بحكي انه احيانا بدي اشوف اهلي واقعد معاهم احكي معاهم مو بس اهله كل ويك اند والله تعب
يعني بصراحة الموضوع تضحية وانتي بدك تشوفي ادا العريس مستاهل انك تضحي مشانه ولا لا .. وازا جد منيح ولا ممكن يطلع زلمة سيء وفوق هادا الشي غربة كمان!!!!
يعني انا اللي مصبرني انو الحمد لله زوجي كتير منيح بس مع هيك بدفع تمن الغربة غالي
على كل يا قلبي عليكي بالاستخارة وادا كان نصيبك شو ما تعملي راح يكون الك الله يوفقك يارب

بدك الحقيقة اختي والنصيحة منى بما اني اصلا من سكان السعودية ولية اقارب في الامارات وبعرف طبيعة الناس بالغربة الفلسطينية بالغربة مابروحو على غزة ياخدو الا كما حكت الاخت عشين الرخص وانو البنت تحمد ربها طلعناها من غزة يعني لو اكلناها تراب تسكن وتخرس...... اما بالنسبة انو حكولك راح يكملو تعليمك ويسكنوكي باحسن فلة ومن هالحكي ..الرد على هالنقطة لو عجبتهم الفلسطينية وحده طبعا ماراح يحطو بوجها اي عراقيل حتى لو طلبتي قصر من ذهب هلا وكتبتيه في العقد ماعندهم اي مشكلة بيحكولك هي دارية عن اللي اهناك اهم شي نتزوجها وبعدين باقنعها وهي الخسرانة بتكون اتزوجت خلص راح عليها كل شي عرفين انو خلاص بعد الزاوج راح ترضخي الهم غصبين عنك او ترضي بالطلاق والعياذ بالله ...... طبعا دراسة احلمي يكملولك هو بس حكي لانو الدارسة عنا غاااااااااالية وصعبة احد يقدر على تكاليفها انا بدي احكيلك احنا هون اولادنا وبناتنا كلنا طلعنا ندرس برة عشين مابنقدر ندفع تكاليف الدراسة يعني هو بدو يجيبك من غزة عشين يوفر مصاري العرس زي ماحكت الاخت معناتو راح يتكلف بالدراسة مستحييل..... ومتل ماحكتلك الاخت هون نظام بيوت شقق احنا هون بالسعودية متيسرة بتلاقي شقق حلوة وواسعة وباسعار مقبولة اما بالامارات والله خالتي عندها 6 اولاد ساكنة بشقة غرفتين وكم سعرها نااار ب 50 الف درهم يعني مايعادر 50 الف شيكل بالسنة وموقعهاسيء جدا منعزل ومش جديدة تعتبر متوسطة او اقل من متوسطة هاد وزوجها مهندس وراتبو 25 الف درهم بالشهر بس الحياااه نااار ...... غير احلام فرنسا وبريطانيا حطيها على جنب همة فقط بيحلمو لكن وقت الجد ليقدم اوراقوا ممكن ماينقبل بعرف كل الفلسطينية اللي هون اللي عندها دكتور او مهندس امو بدها تكملو بفرنسا وامريكا وكندا وفي النهاية بتلاقي الولد ملطوع بشغلو لاطالع ولانازل بس حكي نسوان.... والله يااختي بحكيلك من واقع اللي هون عشين لاتنخدعي بدكتور او مهندس او عيشة السعودية او الامارات لو انتي عايشة بالسعودية اوالامارات صح بحكيلك اوكي لانو لمن يخدوكي عارفين انك مين انتي وفاهمة للبلد ماراح يستهينو لا ببيت ولا بفرح ولا بمهر ومتلك زي اي وحدة من اللي مهورهم غالية وبنت ناس .. اما تجي وتلاقي حالك مستهونين فكي وانك اقل من بناتهم فلا فمادام انك شاطرة ومتفوقة لاتضيعي عمرك باحلامهم.....

ورائيي النهائي انو استخيري فماخاب من استخار ..... وبما انك صغيرة ومهندسة لاتضيعي عمرك باحلام خيالية خليكي مع الواقع وكملي جامعتك ... بصير الك هيبة وماراح يتقدملك اي احد خرابيط لانو راح يحسب احساب انك مهندسة وماراح ترضي باي شي ... وغير هيك مهما حد تقدملك بعد مااتخرجتي سواء بغربة ام لا اسمو معك سلاح شهادتك وبتصيري تتقوي عليه فيها سواء كان امنيح ام لا ...... متل مابحكو عصفور باليد ولا عشرة على الشجرة .. فلاتغامري باحلام وردية الله اعلم لو حلفلك على المصحف راح يحققها لاتصدقي....

اما لو انتي مقتنعة مليون بالمية فيه... اشترطي قبل لايكتب الكتاب يفرجيكي البيت اللي متاجرو وكيف عفشو تشوفيه بعنيكي وتكوني مقتنعة ويجيب فيزة فرنسا ويجيب قبولو بالجامعة يكون معاه اثبات ويسجلك بجامعة بفرنسا وتشوفيه بعينكي وتطلبي مهر متل بنات الامارات مو متل بنات غزة وتطلبي فرح متل بنات الامارات لو هاد نفذو قبل كتب الكتاب طبعا مع حسن دينو واخلاقو قبل كل شي بحكيلك اوكي مشي الموضوع ...
اما تحكي موافقة على كلام بالهوا واحلام وردية لا ثم لا ثم لا تضيعي عمرك
واي سؤال انا جاهزة لو على الخاص حبيبتي ومستعدة اساعدك باللي بدك اياه موفقة اختي[/quote
شكرا الكو جميعا وشكر خاص للاخت ميمي الله يسعدك ويجعلو بميزان حسناتك
والله خايفة وحاسة اني لو وافقت حيكون مستقبلي ضبابي ومش واضح معهم
انا بستنا الشاب حييجي كمان كم يوم ويمكن لما اقعد معاه ارتاح والاقيه فهمان ومرن بالتعامل وبستاهل اتغرب عشانو ويمكن العكس
دمتو بود

اللهم صلى وسلم ع سيدنا محمد

استخيري حبيبتي
والله يقم لك الخير وعن الدراسه احتمال يخليكي تكملي دراستك علشان يصير في تعاون في الحياة ما بينكم
الاهم انك ما تستحين وتقولي كل اللي بخاطرك فيه والله يسعدك ويتمم لك عـ خير