حال زوجي طبيعي والا لا

انا متزوجه من 20سنه والحمدلله وضعنا تمام في كل النواحي حلنا حال كل بيت في الفتره الاخيره اصيب زوجي بامر غريب وهو انه اذا جاء الليل وجلس في غرفة النوم وضعه طبيعي بس ادخل انا الغرفه عليه يجلس يحك في جسمه ويتنفخ جلده بشكل كبير بقع كبيره من الجلد مرتفعه ومحمره وخاصه في داخل الفخذين عند العوره والبطن والظهر والله انه يحك وانا احك له بشكل قوي ويجلس لين ينام كذا الصبح والافيه شئ الغريب انه ناخذ قيلوله الظهر انام معه وضعه طبيعي بس في الليل بالعلم هو ليس لديه تحسس او اكزيما طول اليوم طبيعي والظهر ينام على نفس السرير قلت يمكن تحسس من شئ معين مالقينا سبب المشكله انها موقته بالليل بس احد مر عليه مثل كذا

43 تعليق 6,688 مشاهدة

شاركي في النقاش

سجلي الدخول لإضافة تعليق.

التعليقات

42
  1. @ran_mory_4

    تصدقين انا نفس الحاله .. اي احد يلمسني على طول ينتفخ جسمي .. نفس المكان اللي تلمسينه او تحكينه ينتفخ بدون الم

    بكل جسمي وباطن يديني ورجليني .. الحين مستحيل امشي حافية

    اذا مشيت حافية بالتراب ولا امشي بمكان فيه حصى على طول تألمني باطن رجليني ويتفخ كان في كور داخل باطن رجليني وتحكني لدجة اني ابكي

    ونفس الحاله ليديني .. ما اقدر افتح قارورة المويه .. اذا فتحتها تحكني باطن يديني لدرجه جنونيه وابكي من الحكه

    بس الحاله عندي صار لها 9 سنوات وكل ما اروح دكتوره قالت لي جفااف .. اقولهم ماعندي جفاف يقولون الا

    واسلم امري لله واخذ الدواء ولا حياة لمن تنادي .. سويت تحليل دم وتحليل عام وطلع سليم

    صرت اتفشل من جسمي .. حتى لمن احك رقبتي يتنفخ ويحمر بدون الم والبنات يقولون لو انك متزوجه كان فهمناها ويضحكون !

    الله يشفيني ويشفي زوجك وجميع مرضى المسلمين
  2. @bkhor_albyt

    نفس حال زوجي ، وقالوا يمكن حساسية في الدم
    وسوى تحاليل والى الآن ما نعرف ايش السبب ، حتى انه قابل بعض اصحابه وقالوا له ترانا مرينا في نفس حالتك بس تروح مع الوقت.
    الله يشفي زوجك وكل مريض إن شاء الله.

تابعي تجارب أخرى من هذا القسم.