السلام عليكم ورحمة الله وبركاته:
تدرون يا بنات ان اليمن فيه مجاعه
10 ملايين يمني يواجهون كارثة مجاعة حقيقية في اليمن
وبسوريا اللي يطلع يجيب خبز يمكن يكون ثمنها حياته
وش رايكم هالسنه مافيه تصوير لسفر رمضان سواء فطور او سحور
تكون الاقسام بس استفسارات البنات عن اي شي يخص الطبخ
والطبخات الموجوده ماشاء الله تكفي يمكن بعضنا ماطبق منها ولا واحد بالميه
بدل التصوير وشراء مواعين جديده وتبديل الكاميرات للأفضل وفرفرة سوق واستنزاف جيوب
صدقوني بعض البنات تتحمس عشان هالامور
وغير كذا(يعني ممكن بعضنا ماتخلص سحورها يشغل تفكيرها
التصوير وشغلاته وتنسى العباده والدعاء والذكر
اش رايكم نمثل بعالم حواء قول الرسول صلى الله عليه وعلى اله وصحبه وسلم
في اقسام الطبخ بشهر العباده شهر رمضان
(( مَثَلُ المؤمنين في تَوَادِّهم وتراحُمهم وتعاطُفهم: مثلُ الجسد، إِذا اشتكى منه عضو: تَدَاعَى له سائرُ الجسد بالسَّهَرِ والحُمِّى ))
[أخرجه البخاري ومسلم عن النعمان بن بشير]
اللي مسؤوله بعائلتها لازم تحسسهم بـ اخوانهم المحرومين احساس حقيقي وصادق والله مايضرنا
الا بالعكس عسى الله ينشر رحمته علينا لاتتوقعون انكم تحزنونهم وبتجيبون لهم الكآبه ما
أقول نجوعهم بس نخفف من الاسراف والاهتمام بالاكل والتشكيل المرهق اللي تحسين راح
وقتك عليه وبالاخير يقولون لنا ملينا غيرو نبي جديد
والتصوير اذا كان عندك سهل اعرفي انه ممكن عند غيرك يكون
مكلف نفسيا وماديا صدقوني التنافس يسوي كذا
ترى احنا بخطر لو ما أهتمينا وحاولنا نغير بيوتنا لما يرضي الله
(الاسراف والتشكيل والتنويع من المساوىء اللي نمارسها برمضان
بشكل سنوي والله مو صعب يلا بنات.......
شاركي في النقاش
سجلي الدخول لإضافة تعليق.
التعليقات
278- انا صراحه معاك في كل كلمه قلتيها ...
اوضاعنا السياسيه والله ماتساعد ..
واحس الشغله كلها فشخره ... وابراز مواهب ...
اذا عندك وصفه تبين تفيدن فيها خلق الله روحي الاقسام المخصصه واكتبي الوصفه ...
كذا بتكسبين اجر ...
والوقت اللى يتجلسين تصورين السفره فيه اقري لك جزء من القران ... - ممكن تكون افضل سفره بدون اسراف بكذا يكون فيه توعيه ومنافسه ع عدم الاسراف
- رفع
- انا معك الصراحه
تضيع وقت المسلمين في شهر الخير على النت
وكل الوصفات المعروضه اغلبها معروفه - بارك الله فيك
من لم يهتم بامر المسلمين فليس منهم
مواضيع مشابهة
تابعي تجارب أخرى من هذا القسم.