خلني باقي العمر جنبك رفيقي

السلام عليكم ورحمة الله وبركاته
هذي قصة ولادتي لمحبي القصص والاكشنات والدراما
نقققققول بسم الله
كان ياماكان الجمعه اللي فاتت كنت سهرانه يمكن الساعه ثنتين وزوجي وبنتي الله يحفظهم نايمين
لان انا من دخلت التاسع ماصار يجيني نوم كذا بدون سبب ولا احس انه فيني نوم
يعني انام ست ساعات
المهم كنت سهرانه على عالم حواء وكنت اكتب ردود وحاطه اللاب بجنبي على الكنب على طرفه يعني هذا اللي كانه مركى وجتني برهه تفكير خخخ سرحت و قعدت اطالع قدامي ومره اطالع بطني قعدت افكر بالولاده وانه قربت ومابقى شي بس كم يوم وبدا العد التنازلي سبحان الله كاني حاسه
والا اسمع صوت زوجي ينادي طالع من الغرفه واجيه مسرعه واقول شفيك يقول احس بموت
واقعد سهرانه عليه الين طلع الصبح رايحه جايه اسوي يانسون وحبه سودا واقراء عليه وخايفه عليه لانه اول مره تصير له ويطلع الحوش يجلس يتألم واروح اطبطب عليه وارجعه السرير و اجلس عند راسه واضمه مثل الطفل والله اني حزززنت وضاق صدري على حبيب قلبي لما خف الالم وراح
ومعليش على الكلام بس صارت علاقة حميمه لانه تبعث الاسترخاء خخخخخ
وننام والساعه سبعه حسيت عليه صحى وراح الصاله
اكمل نومتي واصحى ابي الحمام واحس الم كالمعتاد طلق خفيف بس فتحت عيوني وعجزانه اقوم فيني نوم واقعد اتقلب وبالاخير شلت حالي وللحمام الله يكرمكم والقى قطعه حمراء فاتحه وادقق وكاني مو مصدقه والا احس برطوبه ماء خفيف ينزل
واطلع مهمومه واروح للصاله القى زوجي منسدح ومغطي وجهه واناديه ويرد يقول نعم سالته كيفك الحين قال رجع الالم
قلتله ابي المستشفى قال ليه قلت ولاده والا يرد بخرعه هاااااه كنه مو مستوعب وشال اللحاف من على وجهه قلت ولاااااااااده نزل معي دم ومويا ويقولي يلا البسي وانا بروح البس
ويدخل يلبس وانا اروح احوس ودور مرتبكه كنت مجهزه العفش والشنط حقتي على اساس انه اخر الاسبوع اروح لاهلي بس من الخوف رحت اتفقد الاغراض واحط لمساتي واروح البس بنتي بعد ماصحيتها ولبست وركبنا السياره
واحس اني تبللت وندخل المواساة بالجبيل والنيرس تقول لازم كشف اللي هو ضغط وحراره ووزن ووجي يشحطها بالانجليزي يقول زوجتي تولد وانتي فاضيه دخليها غرفة الولاده واخر شي تركها وراح نادى الدكتور وجاء وقال خليها تدخل ولما قالت خلاص ادخلي هنا طقتنا الزعله قلنا خلاص بنروح مستشفى ثاني
ويسألني زوجي هاه تتحملين نروح سعد؟ قلت خايفه قال ماعليك اوصلك ان شاء الله بس تبين تروحين قلت ايه ونركب السياره بسرعه متجهين للخبر
وهو ياعمري عليه تعبان ويتألم بس مستحمل وبنتي وراء بكرسيها كانت صابره وساكته واخلر شي انفجرت علينا تبكي وتزعل وتتفلت من الكرسي حقها تبي تنزل من الجوع وانا اشيل همي ولا اشيل هم زوجي وبنتي واحد تعبان مدري وش فيه وبنتي جوعانه ونسيت نفسي ويستمر المويا احس خفيف ينزل على خفيف خفيف بس مستمر بين فتره وفتره
واقول لزوجي كله منك ماكان فيني شي توي بنص التاسع ليه تنام معي امس ويضحك ويقول احمدري ربك سهلت عليك ونقعد على هالسوالف وكلن نسى وجعه وكل شوي اسأله كم باقي ونوصل كني اول مره اروح الدمام وانا كل يوم رايحه لأهلي من تزوجت
اخيرا وصلنا وانا كنت متصله على امي وانا بالطريق قلت لاقيني بسعد بولد لان انا من بين خواتي ما اولد الا معي امي متعلقه فيها
وصلنا خلص اوراقي زوجي وطلعوني فوق وزوجي يوصلني لفوق ونزل تحت للطواري عطوه مهدئات وسوو له تحاليل وامي جتني فوق وبعدها زوجي خلص وجاء فوق ولما دخل زوجي امي تركتنا وخذت البنت تأكلها وزوجي بس يضحك بس مبتسم من الخرعه واهاوش فيه اقول لاتضحك نادهم ابي ابرة الظهر كشفو شافو الرحم خمسه سانتي دخلوني لغرفة الولاده واعطوني ابرة الظهر وتطمن زوجي علي وراح للجبيل يجيب اغراضنا لبيت اهلي وشنطة المستشفى لي واكلم اختي الصغيره تجي وبعدين اكلم ابوي يرسل السواق لاختي الكبيره تجي لان سبحان الله انا من النوع اللي ارتاح اذا كانوا حولي اهلي اذا جيت اولد مع اني احس بالسكينه والراحه وواثق بالله ومحسنه ضني فيه بس هذا شي فطره فيني من النوع اللي كذا
لما اعطوني الابره ارتححت حتى النيرس جتني قالت انتي قبل شوي معصبه والحين مبتسمه ومرتاحه لان كانت عندي وانا اصارخ ومعصبه واقول لامي وزوجي وين ابرة الظهر بسرعه خلوهم يجون وبس ادور بالغرفه وأتافف وحالتي حاله خايفه ومتوتره وحتى شحطت النيرس وتكلمني وتسألني واهاوشها وانخرشت وطلعت من الغرفه
المهم كل جات الدكتوره كشفت قالت سته ونص وبعد فتره جات كشفت قالت سبعه ونص
المهم شغلت التلفزيون على القرآن كالعاده واسترخخخيت
وتشوف التخطيط تقول فيه طلقه وانا من الفرحه مو مصدقه ان فيه طلق ومو حاسه ولا متعذبه وماغير احمد ربي وتقول ماشاء الله طلق قوي اذا حسيتي بألأم شد تحت يعني شدي وكل شوي احس بالشد تحت وادفع وامسك المقابض بقول وتقول ايوووه ايوووه الراس بيطلع وخلاص جلست مقابلي وكم دفعه الا طلعت اميرتي الصغيره وحطوها على حضني والمسها وشالوها ينظفونها وانا اطالع يديني قرفانه اقول ابي منديل احس اني كنت محششه وخدرررانه حيل ومرتاحه وقعدت تنظف فيني وتخيط ولا حسيت فرحححححانه ودي اطير من الفرح اني مو حاسه بالخياطه واقعد مسترخيه واطالع بنتي وخواتي دخلوا يطالعونها وهي ينظفونها بس بيني وبينهم ستاره بس مفتوحه شوي اشوف بنتي
وخلصوا ورتبوا الغرفه ودخلوا خواتي وبعدين جت امي وابوي وولد اختي الكبير وبنتي وجايبين لي ورد بعدين مشوا البيت وبعد ساعتين نقلوني لغرفتي
وجاني زوجي حبيب قلبي واستانست بشوفته طلبت النيرس لانه يبي يشوف بنتنا قالت نروشها فقالت تقدر تشوفها وهي تتروش لانك ابوها وقام معها ورجع مستانس يقوول نتفه يحليلها وشفت الاطفال يحليلهم كلهم صغار
وقعدت ثلاث ايام مرتاحه خدمة النيرسات حلوه والنظافه ولا اروع الاكل يفتح النفس وانام متى ما ابي بس طبعا النوم قليل لان انا بعد ما اولد اصير ما انام زين
والحين ببيت اهلي ومحتاسه بين البنتين صدق امي وشغالتها مايقصرون واختي الكبيره جايه هنا عشان العطله بس التعب لابد منه
ودعواتكم لزوجي بالشفاء العاجل لان المستشفى قالوا حصى بالكلى وهو تعبانه ولوحده في البيت وقلبي وربي معاه ماتهنيت بس افكر فيه وشايله همه
مدري اعتني بنفسي ولا البيبي ولا بنتي شلون لان مهمومه عشان زوجي حتى ماصرت متحمسه اسوي نيو لوك واتزين واسوي برنامجي حق العنايه خاطره يشوفني عروس من جديد ودي احقق طلبه لكن شلون والبال مع رفيق عمري وحبيب قلبي ودي اكون بجنبه ولا افارقه دقيقه وربي لما اسمع صوته بالقوه امسك نفسي لا ابكي لان صوته يقطع قلبي التعب واضح من صوته