شاركي في النقاش

سجلي الدخول لإضافة تعليق.

التعليقات

85
  1. @bkr_ahl_5

    استخيري والله يكتب لك الخير
    الصراحه العريس مواصفاته حلوه بس اهم شي اسالي عن كيف راح تكون حياتك معاه وين تسكنو وعن دراستك واي موضوع في بالك اسالي عنه اما عن المهر قل او اكثر مو مهم المهم هو الشاب كويس اذا توكلي علي الله خاصه الاوضاع عندكم في غزة شوي صعبه احس لك تعيشي بدوله ثانيه ترتاحين فيها نفسيااااا وبالنسبه ماتقدري تعيشي بدون اهلك عادي فتره وتتعودي كثير بنات اتزوجوا وبعد عن اهلهم وهو في نفس الدوله مايشفون اهلهم الا بالسنه مره او في المناسبات
    والله يوفقك ويكتب لك الخير وينصر اهل فلسطين
  2. صاحبة الموضوع
    تسلمي اخت ديانا
    بدي أحكيلك بصراحة انا حسيت كتير عاداتهم مختلفة عن عاداتنا يعني عزمونا على فرح لقرايبهم قبل كم يوم
    لما رحنا استغربنا يعني مسلا عندهم العريس ما بفوت بالصالة بالمرة وبعدين ما بعملوا حنة عروس وبصراحة حسيتهم متشددين كتير وعندهم زي ما قولتي ما فيه اختلاط بالمرة ولا اشي اسمو صاحبات للمرأة المتزوجة
    طب انا مسلا لو وافقت بدي افرح ويكونلي حنة وفرح وزفة زي كل البنات وخفت كمان لانو قرايبهم ملتحين لحى طويلة
    احنا بغزة مش متعودين عالحاجات هادي
    اتربينا عالوسطية بالدين
    بعدين اتصلوا وقالوا انو البس عباية او جلباب لما ييجي يشوفني الشوفة الشرعية كمان كم يوم
    ليش مسلا ؟؟المفروض يسيبوني براحتي شو ما بدي بلبس هادي حريتي بعدين احنا بغزة عاداتنا بنلبس طقم تنورة وجاكت مسلا لانو العباية ما بتبين لا طول ولا عرض
    ما علينا من هالموضوع انا بدي البس عباية زي ما بدهم
    بس حاسة انهم كتير حاجات متشددين
    خايفة كتير
    انا عالعموم بدو ييجي كمان كم يوم واقعد معه واسألو عن كل اشي
    بس شوفي دخل عالخط واحد تاني اتقدملي دكتور برضو لكن عمرو 33
    لكن الاول 29
    لكن التاني من تركيا حاساها احسن من الامارات
    وبعدين اهلو هين يعني مسيرو يرجع لغزة مش حيضل العمر بتركيا
    لانو كمان هو متغرب اهلو هين لكن الي بالامارات مش حيحس بشعوري لما بدي اقوله غربة وبدي اشوف اهلي وهيك
    اسفة طولت عليكو بتمنى تقوليلي رايك اخت ديانا والباقيات الله يسعدكو
  3. والله يا اختي بالعكس عنا

    الامارات دوله منفتحه جداااااااااااااااا ..انا بعرف العكس بغزة يعني الدين والتشدد اكتر عندكم من عنا

    وبالنسبة للبس بتعتمد على الاسرة نفسها يعني في الي بتلبس عباية وفي الي بتلبس تنورة وبلوزة وفي الي بتلبس بنطلون وفي الي بتطلع بالشرط يعني عندك تنوع بكل شي وهاي حكيتلك عنها اعتمادا على طبيعة العيلة ((بس الحلو بالامارات عندك حرية شخصية مطلقة يعني شو ما تلبسي ماحد اله فيكي انتي حره بحالك ))

    وعنا عرس الفلسطينيين بالامارات ..في عرس مختلط وبعتمد على العروس يا بتكون محجبة وبتلبس حجاب يا ما بتكون محجبه..
    والاغلب طبعا بتكون الاعراس منفصلة الرجال بقاعة والنسوان بقاعة ..بس تمتلي القاعة بتدخل العروس بزفة فلسطينية هي وعريسها وبتكون حاطة غطا على راسها والكل برقص اخوانه واهله وبعدين بس تخلص الزفة بطلعوا الرجال كلهم وبضل العريس بس وقتها العروس بتشلح البرنص وبترقص مع عريسها رقصة سلو ..وبرتقص مع امه وخواته وبعدين بطلع العريس ..ووقتها اغلب النسوان بالقاعة بتشلح حجاباتها والكل برقص مع العروس صحباتها واهلها ووبعدين برجع العريس مره تانية والكل بتغطا .. وقتها بلبسها الشبكة وبتبادلوا الخواتم وبترقص معاه رقصة وبتقطع كيكة العرس وبشربوا بعض عصير وكيك ..وبعدين اذا كان العشا نظام بوفيه بفتتحوه العرسان ..وخلاص وقتها الناس بتتعشا وبتروح ..وقتها بترجع تتحجب العروس وبتسير اهليه بدخلوا اهلها المقربين جدا واهله وبتسير شغلة الصور التذكارية والنقوط الي حابب يلبسها دهب ابوها او اخوها او اي حد
    99% من اعراس الفلسطينين الي بالامارات هيك عرسهم


    وفي عندك بتسير حفلة خطبة وحفلة مباركة وهاي بتعتمد طبعا على العيلة نفسها انا بوقتي ما عملت حفلة عنا ..حملة حفلة للجاهه وللخطبة وحفلة مباركه فصار عندي تشبع فما عملت حنا ((والاغلب عنا ما بعملها))
    بس شغلة العريس ما بدخل والكل ملتحي وعباية وجلباب . .. يمكن هدول قرايبينهم الي بفلسطين ..وانتي ممكن بس تشوفي العريس تساليه

    وحطي ببالك شغله كل عريس اله شروطة ورغباته بزوجة المستقبل وهدا حقه.. بس كمان انتي الك الحرية تقبلي شروطه او ترفضيها والك الحرية كمان تحكي شروطك ..ويا انه يقبلها يا انه يرفضها وهيك بسير النصيب وبتصلوا للاتفاق بينكم

    وصدقيني النصيب بصيب ..حطي ببالك هدا لا اخر عريس ولا اول عريس.. المهم انك تستخيري وتتوكلي على الله وتشوفي شو المناسب ..بس دراستك وشهادتك بالمرتبه الاولى

تابعي تجارب أخرى من هذا القسم.