علموني كيف اتصدق

إذا كان حسابك في البنك الراجحي في تحويل للحسابات الخيرية. سهل الطريقة وحلوة وسرية بينك وبين ربك الله يتقبل من الجميع

اذا رحتي السوق وشفتي عامل اعطيه

بصراحه فكرة ارسال رساله عن طريق الجوال جميله جدا وجزا الله خير الاخت اللي ذكرتني فيها لاني كنت ادور على طرق للصدقه...يعني تقدرين تاخذين ارقام الخدمات اللي توصل صدقات للجهات المستحقه مثل المعاقين وتحفيظ القران وغيرها..
وفيه شغله كمان استفدتها من امي ماشاء الله عليها من شفتها وهي تتصدق هي وجدتي الله يرحمها امي كل شهر شهرين تقريبا تشتري كلينكس وماي صحه وشغلات ثانيه وتعطيها اخوي يوديها المسجد للمصلين...وتعرفين الهنود اللي ينظفون بالشارع اذا شافتهم قدام بيتنا تعطيهم اكل وتمر (لان عندها مزرعه)حتى انهم كل مامروا قدام بيتنا صاروا ينتظرونها تعطيهم شي ويحبونها ويحترمونها كثيير حتى مره قالتلي انها كان عندها صحون جديده وفاخره وشافت واحد منهم واعطته اياها المسكين بغى يموت من الفرحه يقول توني جاي السعوديه وماعندي صحون والحين صار عنده...
وعندك مثلهم العمال اللي يجمعون النفايات...وعمال البناء اذا صار جنبكم بيت ينبني وياعمري يشتغلون في حررر ماينطاق ارسلي لهم كل يوم جيك مويه مع كاسات بلاستك او شاي او تمر ...
او مثل ماقتي اطفال فقرا تعطينهم فلوس بيدهم او تشترين لهم العاب او اكل تفرحينهم فيها والحين قرب رمضان ..او تشتري لهم ملابس لاول يوم في العيد...فيه جمعيات خيريه وللاسف اغلبهم حراميه يستولون على الفلوس فانتي ودي لهم ملابس واكل وشغلات للاستهلاك فيضطرون يوزعونها على المحتاجين ...وجايك موسم الدراسه ودي للجمعيه شنط ومراييل ودفاتر يستفيدون منها اللي مايقدرون يشترونها...
يعني صدقيني مجالات الصدقه لاتعد ولاتحصى انتي بس ابدأي وانا انصح نفسي قبلك ..ولا تنسيين النيه...والله يقدرنا على فعل الخير

تصدقي ع عامل البلديه الخياط طفل عائله تعرفين مستواها المادي ضعيف
الصدقه بأكل بفلوس بملابس حتى لو بتمر

بارك الله فيكن