صاحبتي وقريبتها

السلام عليكم ورحمة الله وبركاته
بعض الناس طبعهم غريب جدا مدري كيف يفكرون
صاحبتي البارح تكلمني مره مقهوره من اللي صار :icon29:
بحكيلكم سالفتها ..
اول شي هي ماشاء الله مرره ع نيتها وتحب الخير للناس ولاتحب احد يزعل منها
المهم زارتها وحده من جماعتهم علاقتها فيها قويه ودايما يزورون بعض ويتواصلون بالواتس وكذا
وقبل كم يوم هذي الحرمه زارت زميلتي فبيتها وطول الجلسه هي كأنها معصبه بس تستنا زميلتي تقول يمين عشان تقول لا يسار فوق لا تحت << تعاند وتتلكك
المهم هذا الطبع مو غريب عليها هي كذا الله يهديها وصاحبتي كالعاده تجاملها وتحاول ترضيها وتقولها صح يمكن صادقه وكذا تحاول تلطف الجو ,, بعد شويه جا ولد الحرمه وقال لصاحبتي خاله تعالي اعطيني لعبه -من غرفة بنتها- المهم قامت معه واشرلها ع لعبة بازل ( تركيب ) اللي تجيك صوره مقطعه مربعات والطفل يرتبها وتكمل الصوره ,, هاللعبه هذي مرفوعه فوق الرف لان بنتها مررره تحبها ورافعتها عن اخوانها
المهم استحت ونزلتها له قالت فنفسها انتبهله مايخربها المهم راحت هي والولد عند ام الولد وقالت وهي تضحك ياويلنا من فلانه لو تدري اني نزلتها له ماتخلي اخوانها يلعبون فيها وجلست تسولف مع الحرمه وكل ماجا بيخرب قطعه منها زميلتي تصلحها عشان ماتخرب وهذي الحرمه طول الوقت تتطالع فاللعبه زي اللي وده ان الولد يخربها و مقهوره انها ماخربت المهم تقول صاحبتي انا اسولف عادي واصلح اللعبه مع الولد مادريت الا امه مسكت وحده من القطع وجلست تسولف وتقطع فيها :07: انصدمت بس سكتت ماتكلمت بعد شويه قالت الحرمه بدهشه مفتعله يوووه قطعتها !! يااااارررربي !! ماحسيت بنفسي
قالت صاحبتي لا عادي تراها لعبه كرتون مهي ذهب بس خليني اشيلها قبل تجي فلانه ترجنا الحين قامت تجمعها وقالت للولد تعال حبيبي اعطيك لعبه غيرها وراح معها واعطته سياره وقفلت ع البازل بدرج وراحت للحرمه عادي ولقتها يااربي والله ماقصدي ووتتعذر واخاف بنتك تفقدها لانها تحبها قالتلها ماعليك اذا فقدتها اشتريلها غيرها عااادي -وكنها انقهرت ان الموضوع عدا ع كذا تبي البنت تعرف - قالت انا لازم اعتذرلها قالتلها صاحبتي روقينا بنتي واعرفها مو وجه اعتذار الحين تفتح فمها صياح ترجنا , المهم بعد شويه جات بنتها وبسرعه الحرمه تقولها : فلانه عطينا حمودي لعبتك التركيب وقطعها << تقول هالكلام بأبتسامه , هذا اعتذار ! صاحبتي تقول انا اعرف بنتي لو قالتلها حبيبتي اسفه قطعت لعبتك من غير قصد وماما بتجيبلك غيرها وكذا راح تستحي الببنت وتقول خلاص عادي ,,, المهم والبنت ع طول اتطالع في امها وتبكي ماما ليش نزلتيها له ؟؟ وتبكي وتبكي - بنتها عصبيه - وامها تحاول تهديها قالت ولله اجيبلك غيرها والحرمه تتطالع بأبتسامه المهم والبنت تقول والله لاظربه وتجري تجري وتروح تضربه بعصبيه وبقوه وامها تجري وراها وتقولها عيب ياماما هم فبيتنا ضيوفنا وتمسكها ماخلتها تكمل ضرب والحرمه تقوم معصبه وتقول الشرهه علي جايتكم عشان تضربون ولدي فبيتكم وتقوم تلبس عباتها وتاخذ ولدها وتطلع زعلانه ...
وش رايكم بالله
!!