احتاج الى ارائكــــم ~ مع زوجـــي ~



يسعد اوقاتكم حوائيات

انا متزوجة من فترة قصيرة وباقي كم شهر واكمل السنة
محتاجة ارائكم .. في بداية زواجي قضيت شهر عسل ولا احلى مع زوجي ومن بعد هذا الشهر وبحكم عمله جلست عند اهلي وهو راح لدوامه وكل اسبوعين او ثلاث يجي ياخذني ونجلس بشقتنا المفروشة ونطلع خلال هاذي اليومين ونتمشى ونتسوق
ولما جاء الصيف استقرينا بسكن موقت واهلي زوجي بجنبي انبسطت انه الصيف جاء وبنبسط مع زوجي اكثر لانه دوامه اخذه مني الفترة اللي فاتت واحنا لسى عرسان وقلت هذا الصيف بنبسط واطلع معاه بس للاسف بحكم وجود اهل زوجي صار زوجي ماعاد يطلعني كنت اتمنى اخذ كم جولة على مصايف المملكة او على الاقل عمرة .. لكن يقول لالا اجلسي مع اهلي انا بطلع شوي ولا يجلس معايه في البيت ابدا ماعاد صرنا نطلع مع بعض ولانتسوق لانه مايبغى يطلعني واهله ماهو معانا .. وكل مرة اقله يلا نطلع يقول بكلم اهلي يروحوا معانا
اول مرة قلت اوك بنروح مهرجان لصيف عندنا وروحنا مع بعض بس نفسي نطلع انا واياه اجواء خاصة صارت شحادة كل مرة اقله احنا لسى عرسان وبعد العيد بترجع دوامك خلينا ننبسط بالصيف بس للاسف ياجالسة بالشقة او عند اهله مليييييت مره .. يعني بالمختصر مايبغانا نطلع انا واياه واهله في البيت طيب انا وهوا عرسان وماقضينا اوقاتنا مع بعض .. زوجي طيب وحنون لكن يعيش صراع اهله .. انا ماعندي مشكلة من ناحيتهم والله الشاهد بس صار عليه ضغط كبير منهم كل الأغراض والمشاوير على زوجي رغم انه في اخوانه كبار ماشاء الله ادنى المشاوير زوجي طيب ليش مايقدروا انه محتاجين نجلس مع بعضنا نطلع مع بعضنا .. وحتى الأن لما اقله يلا نطلع نفسي في راس خشمه واذا تكرم وطلعنا شوي ويرمي بالأغراض ويسرع بالسيارة صرت اكره الطلعة ...
غير الأشياء الثانية اللي في نفسي ..

ايش ممكن اعمل لاني من جد مليت .. والحين صار يطلع من البيت الصباح ولايرجع الابعد العشاء ...لانه عندهم شغل في ديرتهم ..؟!


حسيت بضيقة وقلت مالي الا الحوائيات .


....

10 تعليق 1,399 مشاهدة

شاركي في النقاش

سجلي الدخول لإضافة تعليق.

التعليقات

8
  1. @oyn_alsnaa

    والله فعلا مشكلة بس ترى فيه مثل يقول اللي مافيه خير لاهله مافيه خير لغيرهم
    هذا من بره باهله بس اعزمية بمطعم كم مرة وقولي له بنروح نشتري لك هدية على ذوقك يمكن تقدرين تغيرين شوي في نفسه
  2. @lyaly_alsmr_1

    ام اسارين
    الله يعينك يارب والله مادري وش اقولك لاني مثلك من اول ماتزوجت الى الان ولالقيت حل
    حبيبتي اجلسي معاه وحاولي توصلين له الفكره اللي ببالك بس بهداوه وبلين
    وطبعا اكيد اهله اهم من اي شخص اخر
    وانتي زوجته لازم يقوم بحقوقك وخصوصا انكم عرسان
    ياقلبي ترا اللي فهمته انه مضغوط بالعمل وباهله اصبري عليه
    اكثري من الاستغفار
    وقول لاحول ولاقوه الا بالله
    الله يوفقك يااختي ويتمم عليك بالخير ويرزقك من حيث لاتحتسبين
  3. ما اقول الا عليك بالصبر
    الحين الحريم يبغون يفتكون من ازواجهم لاقعدوا بالبيت ما قاموا ابدا
    يعني من ناحية ايجابية بترتاحين من الشغل وبتاخذين وقت للنفسك
    لكن من ناحية سلبيه ماراح تتمشين
    والله معك حق توك متزوجة ولاتتمشين وتصدقين اكثر اقاربنا زي كذة يروحون عند اهلهم وبس ويالله يطلعون

    الله معاك ياختي هذي هي الدنيا زهق!

تابعي تجارب أخرى من هذا القسم.