الموضوع مغلق

موقع امازون للتسوق

السلام عليكم ورحمة الله

بنات من جربت تشتري من موقع امازون الله يسعدها تعلمني كيف الطريقه

وهل لازم بطاقة فيزا لان انا ماعندي الا بطاقة الصراف تبع الراجحي فقط

وحابه اشتري من هالموقع بس ماني عارفه كيف

الله يبلغها رمضان ويوفقها اللي تساعدني

9 تعليق 2,456 مشاهدة

شاركي في النقاش

سجلي الدخول لإضافة تعليق.

التعليقات

9
  1. @ashgar

    ماعندي علم بخصوص بطاقه الصراف الراجحي
    بس في الموقع نفسه لازم تسجلين اسمك وبياناتك وعنوانك وجربي اشتري بالصراف اذا صار الشراء خير على خير واذا ماصار جربي راسليهم ويمكن يعطوك خبر والله يوفقك
  2. @jodq8

    اول شي : تكون عندج فيزا او ماستر كارد و الافضل تكون " مسبقة الدفع "
    و مخصصه للنت ، لانها بتكون افضل و امن و تبتعدين عن المشاكل مثل
    السرقه و غيرها ، و نظامها حلو .. تحطين المبلغ للسلعه و تضيفين مبلغ
    بسيط عشان ما يكون ناقص بفرق العمله او للتاكس او للشحن ،

    ثاني شي : روحي لـ شركة شحن و بالنسبه لي افضل ارامكس
    افتحي حساب و بيعطونج 3 عناوين لـ امريكا و بريطانيا و الصين ،

    ثالث شي : ادخلي امازون مثلا " امريكا " و سجلي بالموقع و ادخلي
    للتعديل بالبروفايل و ضيفي بيانات الفيزا و عنوان الشحن حطي عنوان
    ارامكس في امريكا و الشرح الباقي لطريقة الطلب موجوده بالنت
    سواء صور او فيديو

    و اذا الموقع في بريطانيا حطي عنوان ارامكس في بريطانيا .. ،
    و بعد الطلب اتابعين الشحنه لما توصل ارامكس عن طريق اتراك نمبر
    و مو كل البائع يعطي تراك نمبر ، و لما توصل ارامكس هم يوصل لج
    ايميل فيه تراك نمبر و اتابعينها لما توصل ديرتج و حسب نظام ارامكس عندكم
    يوصلونها للبيت او يتصلون عليج تستلمينها من عندهم .

    و نصيحه مني .. اشتري من مواقع موثوقه مثل امارون و لا تخافين يحفظ حقج ،
    و الايميل للتسجيل بالمواقع خليه Gmail و الباسورد للايميل خليه مختلف عن باسورد المواقع
    و هم خليه حروف و ارقام و سوي الايميل قبل لا تروحين لـ ارامكس لانه راح يطلبون منج ايميل ،

تابعي تجارب أخرى من هذا القسم.