السلام عليكم
كيفكم بنات ..
من فتره دخلت علينا لغه دخيله ما ادري من الذكي اللي اخترعهاا
اللي هي الانجليزي المعرب ..
المشكله مو في اللغه هذي
المشكله اللي انا جايه اتكلم عنها
الاختصارات اللي صارت فيهااا ..
اجل جاني مسج مكتوب
allahm 9ly w slm 3lâ Nbinä m7md .
La ElaH elá allh
..
وصلت فيكم انكم تكتبوون التهليل والصلاة عن النبي بهالطريقة ؟!!
القران ببلاغته وفصاحته مانزل الا باللغة العربيه مو بالانجليزيه ولا العبريه ..
الحين الصلاه و هي الصلاه
الاجانب يتعلمونها باللغة العربيه من قران و تكبير واللي ينقال بالسجود والركوع والتسليم
هذا و هم اجانب .
تقووموون انتم يا العرب تتكلمون معرب بادعيه و اذكار على كيفكم !!!
ترا مايجوووز والله
ولو انه يجووز كان ما خلو الاجانب يتعلمون العربيه بصلاتهم ، وقالو مايحتاج تتعلمونها
اقرو كل شي انجليزي ..
والشغله الثانيه اللي بتكلم عنها
الحركات اللي هابين فيها من فتره بالببي وانتقل لغيره من الاجهزه ..
الله يهدي من اللي طلعها .
وشفتها كثيرر بهالمنتدئ و هذا اللي خلاني انزل الموضووع .
اللي هي : ي رب وفقني
و ي رب فرج همي
و ي الله اهديني و ارزقني
و ي سميع و ي مجيب اشفي والدتي ومرضى المسلمين ..
اكتبو حرف النداء بكلامكم الثاني
مثل ي بنت و ي الغاليه و غيررره .
لكن ما تكتبووون هالحرف قبل اسم ربي
والله حررام
والمششكله بعضهم كبار وعندهم عيال و تلاقينهم كاتبين ي رب اصلح لي ذرتي و جميع ابناء المسلمين ..
القرآن الكريم . قال الله عز وجل فيه : (( ( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً ))
ما انكتب فيـه : ي ايتها النفس المطمئنه ..))
و لا انكتب فيه: ي ايها النبي قل لازواجك ... ))
وقبل فتره شفت داعيه بتويتر كاتب عن هالنوع من الكلام اللي ينكتب بالادعيه و الاذكار وغيره ، مع اني معليش نسيت النص حق حكيه .
والاغلبيه هنا اشوفهم يردون ع الاخوات بالمواضيع
الله يعينك و ي رب يفرج همك ويخليك ..
و اللي تقوول الله يستر عليك و يوفقك ويرزقك الزوج الصالح ي رررررب ..
كلمة رب من حرفين ما تجي وحده وتقووول ررررررررب
(( انا ربكم الاعلى )) اخذيها بهالطريقة بالقران
لانها ما انكتبت في القران ررررربكم ..
وتجي وحده عضوه ماتعرف عن هالطريقه شي
و تشوف اللي قبلها وتعجبها طريقة حكيها
و تكتب ي رب فرج همها وخذ بيدها ..
بتاخذين ذنب اللي اخذذت هالحكي منك ..
....
ارجع و اقوول انا ما حررررمت هالطريقه من الحكي
لأني ادري فيكم بعضكم بتجي تلاسن علي وتقول
انتي حرمتي و انتي حللتي .. .
لا اللي اقصده فقط بالادعيه و الاذكار والاحاديث و الايااات .
ماتنكتب لا بانجليزي معررب و لا بحرف نداء محذوف نصـه ..
الا هل بلغت اللهم فأشهـد ..
الله يحفظكم جميعا و يستر عليكم و يوفقكم
شاركي في النقاش
سجلي الدخول لإضافة تعليق.
التعليقات
41مواضيع مشابهة
تابعي تجارب أخرى من هذا القسم.