حبيت اشارك معكم ببعض الأفكار
* استخدموا هذي الليفه في الشاور اليومي
* بعض مزيلات العرق تحتوي مادة الألمنيوم (aluminum)
وهذا اقوى مسبب لسواد المنطقه وماراح تستفيدون اذا مستمرين بأستعمال المزيل وتطبقون الوصفات
* حاولوا ان المنطقه تتهوا او البسوا اشياء واسعه مو الملابس تحتك طول الوقت ويسبب سواد
* ابعدوا عن الموس نهائياً ياواكس او حلاوه وانتبهوا ماتعيدون بالحلاوه حتى ماتلتهب المنطقه
وهذي بعض الوصفات راح تفيدكم بإذن الكريم
1- ملعقة صغيره حمص مطحون (بودره) + ملعقه صغيره زبادي + نص ملعقه صغيره عصير ليمون او لايم مع قليل كركم
توضع مثل الماسك وتفرك لما تجف يعني قناع ومقشر
2- شريحة بطاطس تمسح فيها المنطقه او الأفضل بشر البطاطس ووضعه مثل كماده سواء بقطنه او تربطينه بقطعة شاش
3- ملعقة كركم + كميه مناسبه زيت زيتون وليمون توضع في علبه زجاجيه لتسهيل الأستعمال (اعرف اعذار الكسل)
4- عسل + ليمون من اسهل الطرق للتبيض
5- بيكربونات الصوديوم يوضع بعد الشاور مبيض ومعقم للمنطقه ويمنع البكتيريا (بس بالنسبه لي ما ناسبني تحسست منها)
6- ترطيب المنطقه بزيت جوز الهند
7- وضع عصير الليمون بعد تصفيته في بخاخ لتسهيل الأستعمال رشي منه كم مره باليوم بكل سهوله
8- عمل عجينه من مبشور الخيار + عصير ليمون + كركم توضع لمدة 20 دقيقه ويغسل ويرطب المكان
9- عمل مساج للمنطقه بزيت بذور العنب مع قليل من الملح او السكر
10- الحنا مع الليمون والكركم والنشا وقليل ماء ورد
طبعاً اغلب الوصفات سهله وممكم تطبق بكل سهوله
لما يكون في كركم او حنا يفضل تلبسين ملابس سودا او مخصصه للخلطات
او وضع قطعة شاش او قماش قطني علشان مايحوسك ويصبغ ملابسك
عموماً طبقوا المعادله هذي على اي مكان بالجسم وراح تلقون نتايج طيبه
تقشير لطيف + ترطيب عميق+ عنايه واهتمام وجديه
ويارب توصلون للنتيجه اللي ترضيكم
لاتنسوني واهلي من الدعاء
ربي يحفظ لي امي واخواتي ويشفينا ويشفي كل مريض
ويرحم ابوي ويسكنه الفردوس الأعلى
شكراً