ملتقى حواء لبناء بيت الأحلام/إكتفى بالردود

اهلين يالغاليه هذي صوره قريبه للي ببالك لكن بدون زجاج صوره من النت والثانيه تطبيق وحده من منتدى غير الله يجزاها خير والصوره الاخيره للعضوه فيلسوفه من منتدى ثاني

بنات صالتي اللي فوق بحطها باركيه وعندي زاويه فاضيه فكرت احطها ميني بار

سوالي اركب الميني بار فوق الباركيه ولا اركبه قبل يركبون لي الباركيه؟!

الميني بار بفصله بايكيا شرايكم ؟!

نصيحه يابنات من وحده ذاقت المر .........السباك والكهربائي اللي بيقعدون معك من اول مسمار تغرزينه بالأرض الى ماتخلصين بيتك وتقفلين الباب بالمفتاح .........لا تاخذين أي جنسيه مهما بلغت المغريات ..........فقط خذي جنسيه فلبينيه ........واقسم لك ماراح تندمين ؟؟؟ الهنود حاسوا البيت وعلموا اصحابهم الحراميه وصرقوا الكيابل وقطعوا الأسلاك ( الهنود اخذناهم من شركه معروفه بالشرقيه الله لايوفقهم ) وتتاخر مواعيدهم وجبت سباك فلبيني لأن الجماعه تأخروا علي ست شهور ماجا السباك البيت ويوم جا قالنا على كل العيوب بالسباكه وبعضها لازم تغيير وقلت لزوجي والكهربا اكيد ادهى وامر وجاري البحث عن كهربائي فلبيني .................ززززحبيت اقولكم من القهر اللي فيني الله لايوفقهم ولا يوفق صاحب المؤسسه اللي نايم بالعسل وكل يوم يرسلون لنا واحد الى ماصار بيتنا تشكيله هنديه ....ينتظرني برمضان بأذن الله مانساه بالتهجد ؟؟

فيه وحده تقول تبي تغير جدران اماكنها غير المخطط ؟؟؟...............ايه حبيبتي تقدرين تغيرين اذا كان سقف الدور الأرضي هوردي مع مراعاه الأعمده لأنه مايتغير مكانها لازم تلتزمين بمكانها لأنها من الأرض جايه ......
اللي تسأل عن الأجباس فيه موضوع مستقل عنها مليان صور ...
في وحده بمرحله المخطط اقولها ....نامي عليه وخذي راحتك انا استعجلت والنتيجه ان المخطط ولايقرب واحد بالميه للواقع وهذا الشي تعبني بعدين عشان الكهرب وتوزيعها وحتى الابواب والنوافذ اهم شي المخططط انتبهوا يابنات ؟؟؟

البنات اللي بمرحله التخطيط جيبي لك دفتر ابو ميتين مقسم وكل قسم لشي معين مثلا جبس - كهرب بويه ادوات صحيه .....وهكذا
ولا تنسين الفلاشات كمان ....نصيحه لاتحتفظين بالصور اللي تعتقدين انها مهمه للجبس للبويه لأي شي على جهازك ممكن يخرب الجهاز ويضيع كل جهدك خاصه مع تحميل الصور شي متوقع ...
كل ماجلستي قدام النت معلومه لا قيتها محلات خبرات من بنات قبلك علطول افتحي القسم اللي المعلومه تبعه واكتبي لا تقولين توني في الميده ويش دخلني بنوع مقابض الابواب يجيك يوم وتندمين على تضييع الوقت البحث مهمه صعبه ولا نزلتي السوق اللآف الانواع قدامك شنو بتختاري وقتها وكلن يحلف على بضاعته احسن بضاعه ؟؟
لاتتهاونون بها الشي يابنات لأنكم بتوصلون لمرحله تنسين فيها اشيا كثيره من كثر المعلومات
اذا حسيتي نفسك فاضيه لاتروحين تمشين بالمول روحي تمشي بالمرحله التاليه للمرحله اللي انتي فيها
قبل لاتركبين بلاط المطبخ للجدران بالذات لازم يكون عندك تصميم دواليب المطبخ عشان الكهرب ترا المطابخ لهم نظره وغالبا راح يعطيك تصميم للكهرب تمشين عليه
لا تصدقين كل الكلام اللي ينقال لك من العمال تراهم خراطين ؟؟؟؟:hahaha: واكثر ناس يضحكون عليك

انتي اوزوجك مري على البيت كل يوم ومعك محرم ولدك مثلا ...وشوفي ايش سوا العمال وايش اشتغلوا اذا حسوا انه في احد على راسهم ترا مايغلطون ولايطنشون بس في نفس الوقت تعاملي معهم باحترام وليس باحتقار .....حتى تأمنين مكرهم ؟؟؟
اذا غلطوا في شي طالبيهم بالتعديل حتى يدرون ان حلالكم موسايب وانتم عينكم عليهم ؟؟؟


هذي مجموعه نصايح ذكرتها ولو افتكرت شي باقولكم ؟؟اعذروني دخلاتي قليل بالمره مو فاضيه انا في مرحله التشطيب وفالتها بالبيت 4 سنين :unhappy: