والحل مع الصراصير ؟

السلام عليكم ..

بنآآآت تعبت من الصراصير في بيتي ..

بيتي جديد امكن صآرلي 8 شهور فيه من سكنته الحمدلله ماشفت هذي الكائنات المرعبه ..
يمكن استقبلوني واحد ولا اثنين ولا بالكثير 3 وقلت عادي تصير باحسن العوايل ..

بس من شهرين يمكن بدت تطلع صراصير بكميات هآئله .. اكبر عدد صراصير شفته بحياتي
يمكن بحياتي كلها ماشفت الا 5 صراصير وبهذي الشهرين شفت خمسين صرصور : (

ماني عارفه اش المشكله .. والمصيبه انهم كانو بس في الحمامات اليوم خلااااااص وصلت معاي وبغيت آنجلط
لان لقيت واحد بالمطبخ :( .. تحت اكيآس الخبز والله بغيت اطيح من طولي حسبي الله ..

انا طول اليوم كنت بالمطبخ طبخت ونظفت وغسلت مواعيني .. وانا من فتره ماطبخت واليوم اللي شديت حيلي
فيه يطلعلي هالكآئن المرعب .. شلت اغراضي ورحت بيت اهلي والله مو قآدره استوعب ان طول ماكنت بالمطبخ
كان معاي الاخ : (

كل مآافكر فيهم تجيني قشعريره مو عارفه اش اسوي ؟ اخاااااااااااااااف منهم واكرههم حتي اخاف اقتلهم وكل مالهم يزيدون
لين بالاخر حبست نفسي بغرفتي وصرت اقفل عليا الباب : (

زوجي جاب شركه وبخو البيت وصب في البالوعآت قاز وجآب العجينه اللي تنخلط بزبادي .. وبعد يومين
يطلعون ولاكآن شي !
ماني عآرفه اش قصتهم وانا اموت من الرعب منهم طوال مايكون زوجي بالدوام اخاف اطلع من غرفتي مقفله عليا الباب لااطلع لاحمام ولامطبخ لين يجي ..

وزوجي رافض فكره النقل من البيت عشآن متكلف فيه وخسران فيه كثير .. وانا كنت حابته ومرتاحه فيه
بس بعد هالصراصير احس ودي اليوم قبل بكرا اطلع منه !

عندي شغاله تجي يوم بالاسبوع تنظف البيت كله وتمشي .. والبيت يجلس نظيف للاسبوع اللي بعده لان ماعندي عيال .. اتوقع لو يتنظف البيت يوميا بيطسون بس صعببب عليا اجلس انظف كل يوم ..

بنات ايش الحل معاهم :( ؟ انا اللي مستغربه منو انهم مااكانو يطلعو فجاه صرنا نلقاهم يطلعو بس ميتين وبعدين صارو مستقويين ماشالله يطلعو ويتمشو ويتمخطرو : (