اماكن للطلعات في قطر

الله محيي قطر وأهالي قطر .... ما شا الله عنكم .... بتجننو ... وقطر بتجنن كمان ... والله أني بديت أنسى غربتي فيها وأحس أني من أهلها .... عندي بس طلب صغير ... ياليت تعطوني العناوين لهذي الأماكن ... طبعا أنا عارفة وين الستي سنتر والحياة بلازا واللاند مارك ... بس باقي الأسواق ماأعرف مكانها .... وياليت تدلوني وين الأسواق الشعبية والعطارين ؟؟...

اختي بنت العاصي السوق الشعبي هو سوق واقف فيه العطارين وكل ما تحتاجينه
ما له عنوان بس قولي اروح سوق واقف
مثل ما وصفتي انك تشتغلين في شارع سلوى روحي اتجاه البلد جهة السوفتيل وامشي على طول لين توصلين له واسالي

اختي من الرياض اهلا فيج في بلادج قطر
بالنسبة للجلابيات عندج سيتي سنتر وسوق الجبر فيه محل يبيع جلبيات حلوة في الدور الارضي جهة الشارع العام عند محلات الرياضة،وفيه محل في مجمع الغرافة موديلات الكويتية،والمحلات اللي بين الجبر والديرة.وعندج زون سنتر عبار عن معرض دائم للبضائع السورية والكويتية والمصرية واسعاره حلو واااايد.
اليهال بيستانسون بالالعاب جنغل زون في حياة بلاز،ومدينة كيوتل في السيتي سنتر،الالعاب اللي في لاند مارك.
احلى شي في الدوحة اكل يعني المطاعم لاتفوتينها.(طبعا اكل السعودي لايعلى عليه )

والله الموضوع حلو وما اقدر امر عليه بدون تعليق..

بالنسبه للاماكن السياحيه انا امووت على شاليهات الغاريه ..وناسه والله خصوصا اذا كانت جمعه وعايله كبيره.. وفيها خصوصيه اكثر من سيلين ..صج ما في سييف بس بعد حلوه..

اما الكوفي شوب فاوبرا احسن مكان لو كنتوا مجموعه بنات ..اوبرا المول او اللاند فيه مكان للنساء بس..

والي فرانس فالسيتي بس مب ذاك الزود ..

احب ابل بيز السيتي كشششششششخه وبعد ناندوز اللي مقابله عجيب هالمطعم كل ما امر منه الاقي الدجاج المعلق بصيخ مرتز على كل طاوله كنه ما عندهم الا هالطبق <<شوف من يتكلم خخخخخخ

مطعم نجمه الهند رووووعه والله .. وكله زحمه ..على قوله زوجي كله سواري خخخخخخخخخ

مطعم بخارى اللي جنب الدانه حليو احس من كثر البهارات والفلفل بالاكل ماله مززه مثل نجمه الهند..

مطابخ الجازي للعيش واللحم "مفطح" مادري صح ولا غلط :) وبعد المطابخ الشعبيه فالمطار..

للي يحبون السي فوود انصحهم بمطعم الاسماك السريعه فالمطار على خط الوكره عجييييييييييب لا يفوتكم واحلى شي فيه الخصوصيه تقعدين مع زوجج وتسكرون عليكم الستاره ..

والله ساعات من الزحمه لازم نحجز قبل لا نروح

اللي بتروح له تطلب سلطه الربيان...ومشوي ام الربيان ييييييييييييييمييييييييي.. احلى شي عندهم ..

اما المشاوي فانا اشوف مطعم شاطر عباس لا يعلى عليه ..احلى شي كفته اللحم ودجاج بالروب <<< جعت الله يغربل ابليسكم..

والحمص مافي احلى من حمص بيروت ..وحق الفول ..عندكم فول المشاهير فالمرخيه..

وبعد شنوووووووووووووو

كرك النعيمي ..انا ما جربته بس يمدحونه وايد..

بالنسبه للجلابيات ..عندكم شيتل في سوق الاحمد جلابياته من الهند حلوه والله..

وجلابيات كشخه اللي صوب الجبر..وفي محل جلابيات في الجبر ما اذكر اسمه اظن اجياد مقابل التساهل عنده بعد جلابيات ..

حق قمصان النوم وحركات النص كم في محلات صغيره مقابل سوق الجبر من داخل ..اعتقد واحد اسمه الفصول الاربعه ..وطخته اللي جنبه والله يجيبون اشكال والوان..

اما القمصان النوم الهاي هاي واللي بالغلا والبلا خخخخخخخخخخ

فمحل شادو في اللاند مارك..

ومحلات نعومي ولاسنزا...فالسيتي وحياه بلازا

وفالبيت الحديث مع انها عاديه..

للعبي و الشيل عندكم سوق الاحمد الدور الثاني تلاحقوا عليه قبل لا يهدمونه خخخخخخخخخخخخخخ

وفي المتحجبه مع ان ماتعجبني موديلاتهم بس قماشهم حلو..

ومثل ماقالو البنات السوق الشعبي هو سوق واقف..والحين مرممينه ومسوينه عالطراز القديم..وصاير شكله تححححفه..

وفي سوق الخميس والجمعه للي يحب يجازف بعمره خخخخخخخخخخخخخ

بوووووووووووووووووه عدي به هالسوق من ايام الاعدادي...قبل المول والسيتي ..<< من ايام الغوص

كان مجمع ترفيهي خخخخخخخخ

ما يندرى للحين الناس تروح له ولا؟


هاي اللي حاضرني الحين وشكلي طولت عليكم وخليتوني اجوع .. >_<..

ابي حمص بيروت خخخخخخخخ


يالله سي يوو على خيير

شكرا كتيييييييييييييييييييييييير يا أحلى صبايا .... عرفت سوق واقف ... ورحت سوق الخميس والجمعة بس ما اشتريت شي ... حاو بس مابعرف ليش مافي ناس بيروحولوه .... كان عندي ضيفة ألمانية وأخدتها على سوق الخميس والجمعة اللي عند دوار قطر للديكور ... عرفتوه ؟ اشترت شالات وحجابات ... وبالمناسبة سوق وااااااااااااااااااقف جدا ناجح بعد الترميم ( لأني مهندسة معمارية لفت نظري جدا ) كتييييييييييييير حبيته ... بس كنت مستعجلة واندهشت بالفن المعماري فيه وما تفرجت منيح عالأسواق والبضاعة .... بالنسبة للمولات ... أكتر شي بحب اللاند مارك مابعرف ليش ... بس المشكلة أنو بعيد كتير عني ... أقرب شي علي هو الحياة بلازا ... بس ما كتير حبيته ... السيتي سنتر غني عن الوصف والكلام ... بس كمان بعيد كتيييييير عني ... دلوني وين الزون سنتر ... كتير بشوف دعايات إلها ... وشو رأيكم فيها بتستحق الزيارة ؟؟؟ ... وبدي أسأل مرة تانية وين بلاقي بخور حلو وشو اسم البخور اللي ريحته حلوة وخفيفة ( يعني مابدي تكون ريحة كتير ثقيلة ) ويكون سعره معقول ... لأني بشوف بخور بأسعار خيالية ومابعرف إذا السعر معقول أو لا ....
اشتريت شي اسمو رشوش الدليمي ( الزفة ) للفرش والشراشف من سوق الجبر ... يا الله ما أحلى ريحته يا بنات ... رائئئئئئئئئئئئئئئئئئئع ... وهو صناعة قطرية ... والله أحلى من العطور الفرنسية ...
عنكم أشياء كتيييييييييير حلوة ماعندنا منها بسوريا ... أنا بحب الأشياء الشعبية كتيييييييير ... وبحب أتعرف على التقاليد والتراث ... طولت عليكم السيرة ... اتحملوني ...