مصدومه ياناس صدمة عمري وقلبي نار شاعله

انا متزوجه منذو 12 سنه عندي اولاد وبنات زبدة موضوعي اني اكتشفت ان ام زوجي واخته عساها **** على كثر ماظلمتني وحكت في من ورى ظهري وبوجهي يازينه لاتقولون لاتدعين عليهن ماحسيتوا بالنار اللي بقلبي تحلف قليلة الاصل انها تزوج زوجي وتحرق دمي من غير ذنب جنيته الله لايوفقهن والله اني اعاملهن احسن من معاملتي لامي واخواتي امه سوت عمليه ورحت معاها شهر كامل تخيلو عيالي عندهم مدارس انقطعوا عنها شهر وتعرفون اختبارات بعد الشهر جت عندي في بيتي اهتميت فيها وكانت ماتقوم الااقومها انا وكنت حامل في الشهر الثالث والله يابنات كنت انام في الصاله جنب غرفتها عشان لما تنادي اصحى فيها ماانام في غرفتي حريم رايحات جايات غدى زوجها وعيالها انا اسويه كانت لما اجي اقومها تستموت ماتقدرتقوم وهي انشط مني ولما درت اني حامل والله العظيم يابنات كانها جثه هامدة تشيلينها تخيلو حرمه مليانه وبالخمسينات وانا يادوبك بالثلاثين وحامل بعد المهم سقطت حملي من كثر الشيل والحط والحريم اللي طالعات نازلات تخيلو لما درت طلعت بيتها ولاشفت وجهها هي وبناتها والامر كنت توي جايه من المستشفى ومعاى نزيف والخوف والهم ذابحني ويجن الحريم ويبغني استقبلهن ولما سقطت حملي الحمدلله على السلامه ماسمعتها
مرة من المرات كانت مسافره احتاجت فلوس باعت اسوارة لها قمت انا المغفلة واعطيت زوجي سلسلة من ذهبي غاليه وقلت له بعها ورد اسوارة امك عيب وياكثر مواقفى معها ماامدح نفسي والله بناتها اللي كانت في الجامعة طول الوقت غاثتني بترجمه الانجلش غير الابحاث وبرامج الكمبيوتر

وبعد كل ذا تحاول تزوج زوجي يوم ملكت اخوه قالت له العقبي عندك قالها ام عيالي تكفيني اخته اللي اصغر منه بكثير واصغر مني يوم درت بكل وقاحه تقول والله لازوجه واحرق دمها **** قصدها علي


طبعا زوجي موداري بكل هاذا التخطيط لسا ماقالواله تدور قليلة الخاتمه عروس ملكت جمال على قولها

انا وزوجي الحمدلله متناغمين جامعيين الحمدلله قايمه فيه وبعياله وضيوفه واهله
انا ماني ملكت جمال لكني حلوة ملامح جسمي نحيف من اثر استخدام المانع وجربت كل الانواع وكلها تنحفني وزوجي راضي بي وبنحفي ماتكلم

لوكنتم مكاني وش تسوون ؟
ــ هل اقوله على سب اخته فيني وخرابيطها ولا اسكت ؟
ــ كيف اتعامل معاها خصوصا وانها في وجهك شي وبقفاك تقطيع ؟
ــ اذا دقوني بزواج وش ارد عليهم ؟
انا افكر اقول لهم مااحد ياخذ زوجي واذا هو من حاله بغى ما يختارها ويزوجه غيري وبنفس الوقت ما ابغى الكلام هذا يثبت عليه بس ابغى اقهرهم واحسسهم انهم ماهموني ؟

امه دايم تجي من اي زواج وهاتك يامدح في الحريم والبنات لا وبعد العجايز ما يسلمن هذي بيضا و..............


لوكنتي مكاني كيف تصرفين معاهم ومع زوجك تكفون من القهر حتى فرحتي برمضان احسها ماتت عساهن الماحي


لاتجى وحده داعسه وتفلسف ابغى حل ولااحب اظلم احد ؟ ................ حسبي الله وكفى

121 تعليق 17,890 مشاهدة

شاركي في النقاش

سجلي الدخول لإضافة تعليق.

التعليقات

119
  1. المفروض أقولك اختصري عنهم وطنشيهم، بس مرات الوحدة لازم تكون قوية علشان الناس تعمللها حساب، إذا رجعوا جابوا سيرة إنه يجوزوا جوزك ردي الكلمة في وجهم ما تسكتي... وكمان الدخمات الزايدة هاي إنسيها ما دام ما ببين فيهم المعروف، ما بقول اقلبي عليهم، لا عادي احترميهم وقدريهم ووجبيهم بس كل في حدود المعقول، يعني ما تضغطي على حالك مشان حدا... واعرفي قدر حالك علشان الناس تعرف قدرك...

    والله يسعد أيامك إنت وزوجك ويخليكم لبعض إن شاء الله.
  2. @thr_obraaah

    *****
    اذا قالت بزوجه ابتسمي بثقه قولي ورينا شطارتك
    وادعي بقيام الليل ان الله يحفظ زوجك ويرد كيدهم بنحرهم

    صدق كلام وحده من جماعتنا تقول : الحريم زي الحيايا ومافي الحيايا حية طاهره .. ---->الحيايا : الثعابين لغير الناطقين بالعربيه هههههههههه
  3. @klby_ho_zogy

    الله يسعدك يارب شكلك تحبي الخير ومو انانية وتقدمي الغير على نفسك
    الله يثبتك على اخلاقك
    شوفي طنشي لاتقولي لزوجك وخليك وياها قريبة منه
    واتركي المعروف الي ماله داعي اخدميهم في حدود يعني لاتضغطي على نفسك عشانهم
    ولاتقاطعيم مرة وتعاديهم خليك وسطية ورسمية طلبوكي شي اوك ماطلبوكي لاتضحي
    الشي التاني لو كلموك بموضوع الزواج قولي لهم الحمد لله عين زوجي مليانة مني والي يفكر يزوجه انا اقدر اتصرف وياها خليك قوية قدامهم وعليك بالدعاء والاستغفار خليك حكيمة قد ماتقدري وعاقلة لاتخرجي عن طورك وبسبب الغيرة واشياء تافهة لسا ماصارت تخربي بيتك
    اهم شي تقربي من زوجك اكتر وريحيه ولاتعديهم نهاىي ولاتبيني لهم ابدا انك عارفة مهما كان يمكن هم يبغون المشاكل او قاصدين يوصلك الخبر اووو او المهم التطنيش في دي االامور احسن شي مع الفعل مو الكلام لاتفتحي عيون زوجك او تسببي مشاكل خلي بيتك زي ماهو استقرار ومطمىن
    والله لو تكلمتي وقت انفعال راح تخربي اكثر ممماتصلحي فالحكمة مطلوبة هنا
    واهل زوجك خلاص كل الي سويته عند الله لاتندمي عليه وتضيعي اجرك ابداي خليك رسمية زيارة بحدود وحاضر بس بدون تضغطي على نفسك
    الله يسعدك ويهدي قلبك

تابعي تجارب أخرى من هذا القسم.