شاركي في النقاش

سجلي الدخول لإضافة تعليق.

التعليقات

1,992

  1. @mash_bhr

    شوفوا الرومانسيه اللي مو لاقيه لها احد يفهمها...............




    وحدة تقول مره وصلني زوجي للمدرسه اللي كنت معلمه فيها الصباح
    قلت له وانا نازله: راح اشتاق لك ياحبي ..
    قال: انزلي انزلي لا تروح عليك ال*** الاولى ..
    آآآآآآه بغيت اصفعه بالمسطره الطويله اللي معاي

    ***********

    ووحده ثانيه تقول: زوجي موراعي هدايا ابد قلت ابشتري هدية له
    الجوال الي يستخدمه قديم
    المهم غلفته وكاتبة في كرت شعر وكلاااام حلو وعطيته الهدية وكنت بجنبة
    فكه بشراسة وجهه فيه علامات استغراب وتعجب وانا مبتسمة طلعه وناضرة
    قال: لمين هذا
    قلت لك: حبيبي
    قال: شاريتة بالفين وخمسمية يا*** هو فرحان
    بس شوفوالتعبير قسم بالله ذبلت ابتسامتي
    وهو يضحك يقول: اول مرة احد يهديني بالمبلغ هذا بس تصدقون رحمته

    ******************



    وهذي وحدة ثانية تقول انها حطت شموع من عند الباب الغرفة النوم

  2. @oybk_hbyby

    صباااااااااااح الخير
    صار تجمعنا مهجور
    انشغلنا عنه الله لايشغلنا غير بطاعته
    كيفكم ياملكات وكيف اعيالكم ومزاينكم
    توحيده الف مبروك زواج قريبتك
    اموسه الله يشفي بنتك ويعافيها ماتشوف شر
    اذكر وليدي يوم تعب وماخليت دكتور مارحت له نصحني دكتور قال وديه اخصائى نفسي يمكن فيه شي تعابه نفسيا
    قلت هو قريب مني ولو فيه شي قال لي
    قال مهم كان القرب فيه اشياء ماتنقال تبقى خاصة
    قال بس وديه اخصائي نفسي ماهو دكتور نفسي
    والحمدالله شفاه الله ومااحتجنا للاخصائي
    جربي وديها لعل هالدكتوره تكون سبب لاشفاها

  3. صباح الخير
    صباحكم فل وياسمين

    بلغكم الله رمضان

    و ألبسكم حلل الغفران

    و ملأ قلوبكم بحلاوة الإيمان
    ...
    و عتق رقابكم و رقاب آبائكم من النيران

    و أعانكم على الصوم و الإحسان

  4. @aymas_1

    صباح اومساء الخيرات على الملكات انا هاليومين لي ماعندي مناسببات كلهن الاسبوع الجاي عندنا مناسبتين الله يعين بدينا بالتفريز لرمضان الكريم ونومي متخربط صاير قليل مره واغلب وقتي لحالي حتى البارح زعلت عليهم قلت ابي اهاجر واترككم بس لحالي جالسه وانتم اللي نائم واللي مقابل هالكمبيوتر تصدقن حتى الاكل قل مره ببيتنا في الاجازه نطبخ ولااحد ياكل يصير توه قائم من النوم ومايبي او نائم بموعد الاكل صرت اطبخ بس باليوم اللي يكون فيه زوجي قلت احسن ريجيم وفعلا كل اهل البيت نقص وزنهم حتى الشغاله فرحانه رغم انها ماهي سمينه بس وزنه زاد شوي بعد ماجتنا والحين رجعت مثل اول
    هلا سوسو وش اخبارك وشلون الوالده بشرينا عن صحتها والله مدري وش اقول لك ياسوسو بنتي ضيقت صدري الحين بديت اشتغل بغرفته واعدل وابدل لعلها تستانس امس ابوها يقول ليش تغيرين غرفته مافيها شئ حلوه وان شاءالله مابقى شئ وتروح عنها اذا الله رزقها بزوج هي الحين بعمر الزواج قلت ميخالف تصير لي انا واياك نغير مره بغرفتي ومره بغرفتها ننام امزح عليه قلت اولازعلت عليك انام بها اواتركك قال هذاللي ناقص قلت له ماتضيع تبقى لها لاجت مسيره علينا
    اما من ناحية الاستشاري النفسي الصراحه ماعندنا احد تضمنينه يمكن يجيبون لك مرض زياده على اللي بك بس وديته دكتوره باطنه معروفه عندنا واسلوبه روعه وكلامها عسل جلست تكشف عليها قالت قولون عصبي عندك يمكن من التوتر ايام الاختبارات وسوت لها كشف على القلب قالت سليم وصارت تمدح فيها تقول انتي قمر الحين فكري بالزواج واشغلي وقتك باي شغله والحمدلله الحين بالمركز الصيفي استاذتها خلتها تشرح بعض الدروس عنها خاصه ان بنتي ولله الحمد موهوبه بالحاسب والقراءه وامس كان عندها شرح واليوم اختارته تشرح عند مركز ثاني لان عندهم زياره له والحمدلله بدت تتأقلم شوي بس بعض الاحيان تجيها حاله من اليأس من الحياه والحمدلله مستمره على الرقيه والله يشفيها ويفرح قلبي برجعتها مثل اول واحسن
    صباح الخير توحيد ولك بالمثل من دعواتك
    نتمنى عودة الملكات لو كلمه وحده تطمنا عليهن

  5. @aymas_1

    ايه ياماسه ضحكتيني هالصبح مساكين الشعب السعودي خلى نفسه مسخره للشعوب الاخرى صار كل واحد ينكت على الثاني وتحطيم له والله انقهر وازعل لاشفت كذا لازم رفع معنويات ماهوتحطيم حتى الاطفال صارو كذا السعودي فيه والسعوديه فيها

تابعي تجارب أخرى من هذا القسم.