بنات شيرو علي
مساء الخيرات كل عام وانتم بخير وأسأل الله العظيم ان يمن علينا رمضان واحنا بعافيه وامن وأمان. ودي أستشيركم يا بنات في موضوع مقلقلني كثير وماني عارفه وش اسوي المهم تعرفون رمضان ع الأبواب وانا ساكنه بعيده عن أهلي وأختي الي شايله البيت عن أمي طاحت وانكسرت يدها ومجبسه يدها كامله وأمي يا قلبي ماسكه البيت الحين من غسيل وطبخ وملابس وأمي كمان تعبانه من ظهرها مره يوجعها والله تشتغل في البيت وظهرها كله لصقات جونسن وتعرفون رمضان واشغاله وكلمت زوجي قلت ودي اروح لامي أساعد ها برمضان وشغل البيت والحمد لله زوجي وافق بس أنا محتاره ما دي اترك زوجي في رمضان رغم أني توني جايه من عندهم جلست شهر وجئت بيتي ولا ودي أسيب أمي وهي كذا