بخصوص بعض ردود البنات

.

السلام عليكم ورحمة الله وبركاته..

فعلا أختي الكريمة هالشي يصير وللحين.. واحنا دايم نعيد ونزيد بهالموضوع..

حتى الادارة مش مقصرة وحاطة الآية الكريمة:
( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ )

أغلبنا بدينا من المنتديات وحبينا الطبخ بسبتهم.. تعلمنا واستفدنا.. ف ليش التجريح وكتابة الكلمات اللي تدل على قلة التربية.. وقلة الذوق.. وقلة الايمان بالله..

يعني الوحدة أحسن شي تعمله اذا عجبها الموضوع ترد واذا ماعجبها تطلع لأنه فيه غيرها اللي عاجبنها.. وردها مش مهم فيه..

فيه بنات أول مرة تطبخ ولازم نساعدها وكله بأجره ان شاءالله..

ليش نهشم بعض واحنا كلنا مخلوقين من طين ومحد أحسن عن حد!!

الكلمة الحلوة تعتبر مثل الصدقة وتفرح فيها الغير.. وتستاجر عليها.. بعكس الكلمة الشينة تحبط من معنويات الغير وتعكر المزاج وبالنهاية تاخذ أثمها!!

حتى لو فيه بنات صغار ف المفروض أي وحدة تدخل أي منتدى محترم.. تحترم اللي فيه من ادارة واشراف وعضوات .. وتحترم المواضيع اللي فيه!!

ان شاءالله الموضوع يوصل لهالفئة ومانقول غير الله يهديهم ويهدينا للخير يارب..

وكل عام وانتوا بخير حبايبي..

.

هلا حبيبتي..

الادارة والمشرفات موجودين بس تخيلي كم موضوع ينزل باليوم؟؟ وكم قسم عدنا؟؟

يعني مش بالعقل بنظل نبحث ف الردود لكل المواضيع!!

الغلا فيه خاصية التبليغ تحت موجودة .. وأي شي مش لايق.. أو كلام بذيئ أو سب.. فضلا اضغطوا عليه وبلغوا عالمشاركات هذي..

وكلنا مسؤوليين بهالشي اذا شفناه وتهاونا فيه.. حتى لو عضوة!!

وممكن ترسلون برسايل خاصة بعد.. وأي رسالة توصلنا على طول نقوم بالواجب..

حياج الله حبيبتي وياريت الكل يتصافى ويخلي قلبه طيب قبل رمضان..

الموضوع راح أغلقه بعد شوي لأنه تم الرد عليه من قبل البنات ومن قبلي.. وحتى ما يطلع ن مساره..

حياكم الله..

أنا معاك أختي وكلامك عين العقل
كلنا مسؤلات وأنا وربي شاهد شفت هالردود
وكنت بيني وبين نفسي القي باللوم على الإداره والمراقبات والمشرفات
راح عن بالي ان فين تلحقون ولا فين من كثرة المشاركات
من اليوم وطالع نكون يد وحده نوقف لإي رد جارح بالتبليغ وقبل بالنصح
جزاك الله كل خير اختي صاحبة الموضوع وكل من شاركت بوجهة نظرها
آسفة طولت بس بجد شي مؤسف

الله يهدي ويصلح الجميع