كل وحده تكتب كيف تفارقت مع صديقتها

اب

سبحان الله كل 3 سنين انتقل للمدرسه ويمرن علي صديقات وتعرفت على وحده دائما مشغوله وانا اوصلها وهي ماتوصلني وارسلت لها مره اني مغيره رقمي ولاردت ليومك هذا
ان جت حياها الله وان راحت الله يستر عليها بس هي الله يهديها انا مااتصل عليها الا بالاشهر وهي سافهتني .!
مع انها فاضيه ماوراها مشاغل بس بعض الناس مدري كيف طبعه وهذي صديقتي بمتوسطه ويوم دخلت الكليه كليتي تختلف عنها
ورحت مع شله وصرنا صديقات بس عقب التخرج يبدا يخف كل شيء سبحان الله

وفوق هذا ربي صديقك وساتر عيوبك ومشاكلك

انا مالي حظ بأحد للأسف وكم مرة انصدمت وتحطمت نفسيتي علشان شبه ناس مايعرفون حتى الحياء وللأسف أكثر اني ماأنسى بسهوووله أظل مجروووحه وجرحي ينزف وبنفس الكم الي حبيتهم فيه أكرههم الان وأكثر

بس عزائي الوحيد مافي شي عند ربي بيضيع كلنا بنلقى حساباتنا وليتي أطلبهم ولايطلبوني أنا بحاجة حسناتهم يوم القيامه وظلمهم لي ماراح أسامحهم عليه

فرقنا الموت الله يرحمها ويغفرلها ويجمعني وياها بالجنه ووالدي وجميع اموات المسلمين ادعو لموضي بالرحمه والمغفره والله يعوضها بشبابها 

اممم ايام الثانوي كان عندي صديقه كنت اعزها مره وكانت تقولي امدحيني لجماعتك ودها تتزوج ومدحتها لاهل واحد من قرايبي وخطبوها وكانت مستعجله وتقولي لايكون غيرو رايهم لايكون تلعبين علي ولما تم كل شي قطعت علاقتها فيني وكنت اتصل وهي ماترد وكلمة امها وسالتها اذا هي زعلانه مني ولابخاطرها شي وقالت لا بس مااتصلت علي ففهمت ان اذا اكرمت الكريم ملكته واذا اكرمت اللئيم تمردا وان غايتها من صداقتي تتزوج وبس وسبحان الله حوبتي ماراحت تطلقت بعد سنتين وانا مااتشمت بس قهرتني ..
وحده بالجامعه صادقتها لمدة سنه او سنه وشوي وكنت اعطيهاا ابحاث واساعدها واعطيها جوالي ايام ماكان معها جوال وفي مره قالت لي اسالي المشرفه متى اختبارها لانه راسبه فقلت لا اصرت علي قلت لها بمزح ليه وجهي وجه كسلانه (يعني هي متفشله تسال وتبيني اسال عنها) هي زعلت وانا ماانتبهت ومشينا واخذت مني كتاب تكمل بحثها وعطتني اياه وهي ساكته ولا كلمه وانا حابه الطف الجوو واستاذنتها بروح احط الكتاب بدرجي وجايه ورجعت ومالقيتها وبعدها ماتجلس جنبي ولاتطالع فيني حتى وجيتها سلمت عليها قلتلها السلام عليكم يمكن ثاني يوم وماردت وتفشلت قدام البنات وانقهرت ودعيت ماتنجح بالماده ومانجحت سبحان الله وماعاد نسلم على بعض ونجحت وهي بقت ولا ادري عن دنياها
في وحده عرفتها بالجامعه حليوه لكن من النوع تتحكم لاتكلمين احد لاتتمشين مع احد لاتتعرفين بصراحه كنت اجاملها وانا مضايقه وكنا لما نتناقش بموضوع تخالفني في الراي المهم علاقتنا ماشيه تزورني واهديها وتهديني لكن لما ولدت دقيت عليها وانا بالمستشفى وعلمتها وعلمتها عن صاحبتي تعرفها يعني مو صديقتها بس تعرفها مني وتسلم عليها قبل علاقتهم يعني مو مره مع بعض المهم قلتلها ان ام فلانه توفت راحت ودقت تعزيها وراحت تزورها ولا اتصلت علي بعدها حتى ماطمنت على صحتي تقريبا سبع شهور وانا خذت بخاطري وارجعت تدق وارسلتلها مسج اني عتبانه عليها واني بكلمها بعدين بس بشوفها ايش بتبرر لي بمسج لكن مابررت رجعت دقت كا مره وكنت مشغوله ومارديت وهي زعلت ولاكلمنا بعض بعدها ..
حتى انا ماخذه بخاطري عليها لما تزوجت جت وعطتني كرت الزواج وعطيتها هديتها الف ريال وقبل العرس بيومين ارسلت لي ان الزواج اتأجل لحالة وفاه دقيت اواسيهاا واعزيها وسالتها متى بيكون زواجك قالت مادري وتخيلو تزوجت بعد يومين وانا اخر من يعلم ماكأني صديقتهااا وسافرت وبعد اكثر من شهرين دقت علي وقالت انا تزوجت بنفس يوم زواجي قلتلها انا كنت مكلمتك قبلها بيومين وماقلتيلي قالت الا علمتك ..؟؟؟
وبعد فيها طبع شين ننقطع عن بعض مثل شهر اجي ادق ماترد ولما اسالها بعدين تقولي اوقات مالي خلق اكلم احد..!!
يعني اذا بغت تتسلى تلقاني ..!!