الله يخليكم علموني كيف اتعامل مع الاشكال هاذي

أختي لاتتسرعين وفكري بحكمه يعني مافي رجال مايغلط ويغازل ويكلم ويلعب بس انتي وشطارتك الرجال لو يبيها ماخطبك انتي :) يعني السالفه خرابيط ولعب 000انتي تفاهمي معاه بهدوء ووضحي له انه خلاص مافي داعي لكل هالحركات بعد اليوم ولازم يحترمك ويحترم نفسه ويبطل هالسوالف0000وصدقيني بالنسبه للبنت تراها ميته قهر ولا ليه بتطلع رقمك وبتغثك اذا فيه شي جدي بينهم فلااااااااا تعطينها فرصه تخرب حياتك وتنكد عليك000والله يهدي زوجك ويصلح حاله ويسعدكم ويريح بالكم:26:

شكله اتصل عليهاااا وهاوشهاااا واتفق معاها على اساس انه يتصل عليها قدامك وانها تنكررر كل شي

اتوقع هذا الي سواه
فا انتي استهبلي اذا جا خليه يكلم البنت قدامك من جوالك واذا حسيتي البنت مغيره حكيهاااا

شوي وخليه يدق عليهاااا من جواله هووووو وخليه يتكلم قدامك وشوفي وش بتقول

شوفي شخصية زوجك ااذا كان مغرور وشايف حاله لا تسكتييين فشليييه عشان يعرف قدر نفسه
وبعد الموقف هذا اسفيه ولا تكلمينه خليه هو يحس انه غلطان وغصب عليه يتصل

ولازم بيغير اسلوبه

بس حطي في بالك اذا كانت فيه ميزات فا تحمليييي واصبري على امل انه يتغيرر

وحطي في بالك بعد ان شبابنااا مستحيل بيجيك واحد يتزوج وهو ماعمره طلع مع بنت ولا عمره رقم

اعتبري ان هذا من الماضي وشوفي كيف بيتغير حاله ولالا

موفقه

خزامى مشكوره حبيبتي وهذا اللي مسويته معه

شوفي يا قلبي..


لو زوجك مستمر مع هـ البنت ومعطيها وجه كان ما تعبت نفسها وتعنّت ودوّرت على رقمك كلّمتك عشان تخرّب بينك وبينه

هي لما شافت الرجال باع كل ماضيه على شانك

ولما عرفت ان كل علاقته فيها كان مجرد طيش عزوبيه وانتهى..

قررت تنتقم منك ومنه



؛؛؛




شوفي يا قلبي..


ردي على زوجك واستقبليه في بيت اهلك واقعدي انتي واياه واسمعيه

اسمعيه




واعتبري نفسك تستمعين لـ - وحده من أعز صديقاتك وقاعدة تحكي لك مشكلتها - وحسسيه بهـ الشئ


وخليه يتكلّم .. وانتي بس اسمعي ..



؛؛؛




ولما يسكت .. ويستناك تتكلمين ..

اسكتي .. واستنيه يتكلم ..

لين هو من نفسه يجاوب على اغلب الاستفسارات اللي براسك




؛؛؛




واذا سمعتيه .....

قولي له كل اللي في قلبك



- وانتبهي خلي صوتك واطي ومجروح -

- ولا يعلى صوتك على صوته -

- خليه يحاول يقرب منك عشان يسمع -

- كذا عشان تخلينه يسمعك بكل حواسه -



ولما تقولين جمله تعتقدين انها مهمه اسكتي شوي عشان هو يتأملها ويستوعبها < من كتاب 7 طرق للتأثير على الآخرين ؛)


سواء كنتي قررتي تكملين او لا..

قولي اللي في قلبك

اشرحي له رايك في الموضوع

وانك ما راح تحاسبينه عن علاقاته اللي عرفهم قبل ما يعرفك

بس يهمك انه ينهي كل شي فات قبل ما يبدا معك



- لكن انتبهي تبينين له انك عادي يكون له علاقات وهو معك -

لانه بيحس انه ما يهمك

بالعكس

حطي سوالف البطرة ذي على جنب

وقولي انك ماتتحملين ولا تتخيلين غيرك معه




؛؛؛



وبيني وبينك .. لا تكابرين

كثير كنت اقول ما يهمني اذا زوجي يعرف غيري بس بشرط ما يعلمني !!

بس كل وحده فينا تتمنى زوجها يكون لها .. يحبها .. ويداريها .. بحظورها وبغيبتها..

اعرف ان هذي مسألة قناعه محد يقدر يغيرها اللا انتي نفسك

بس المهم ما تصرحين له بهـ القناعه مثل ما قلت لك لانها مو في مصلحتك ولأنك ممكن تغيرينها في يوم من الأيام





*** ملاحظه مهمة جداً ***
انتبهي انتبهي انتبهي تقولين دق عليها وخلني اسمع ومن هـ الحكي ..
خلّي كلامك مع رجلك وبس
ولا تتنزلين وتكلمي ولا حتى تسمعين هـ الاشكال
سواءً معاه والّا لوحدك
فهمتيني
"خلّك انتي سماء وهم مثل واطي الأرض ، مهما كبروا بالمساحات .. تحتك " ؛)



والله يوفقك وييسر لك يا قلبي :26:

متغليه انا ماقلت انو عاجبني انه يقع بالحرام بس وش اسوي له اللي مايرده خوفه ودينه من الله مايرده شيء ثاني وهو يحترمني كا اسلوب معامله لكن السالفه اللي صارت اليوم هي اللي خلتني ادري انه مو محترمني في غيابي والا بحضوري
اما بالنسبه للرقم اللي دقت علي قالت انه مايعرف انه هذا رقمها لانه تكلمه من رقم ثاني وهذا سوا
وهي مادقت علي من رقمها اللي مايعرفه عشان مايدري انها هي اللي خربت علاقته فيني واللي بيصير بكره اني بدق عليها وبعطيها اياه وانتي فهمتي غلط انا ماقلت انها حامل هي تقولي انو هي مطلقه وعندها بيبي مو من زوجي انا احس انها بنت لانها تبي تغطي على شخصيتها عشان مايعرف اي وحده من خواياته هي اللي قالت لي
عمومآ شكرآ لمرورك