انا كمان بعاني من الثعلبة
بدأت معايا وانا في ثالث ثانوي شعري كان جميل جداااا
وكنت في فرح خالي وكله كان معجب بشعري
بعدها بدأ شعري يقع بشدة رحت قصيته
وبعدها ظهرت في مقدمة راسي
رحت للدكتور كاتبلي علي ادوية
واسبريه ينبت الشعر فعلا طلعلي شعر
لكني اتفاجئت انه زود نمو الشعر في اماكن اخري
مع اني مش مشعرة فوقفته علي طول فرجع الشعر وقع تاني
واحدة قريبتي كانت شغالة في مشغل قالتلي
شرحي مكان الثعلبة بموس حلاقة لحد مايطلع دم
وبعدها مرري الثوم عليها
وطبعا ده نتج عنه ان بصيلات الشعر اتحرقت
ومطلعش شعر خالص في المكان المصاب
وشعري خف خالص
قالولي علي الحقن
رحت حقنت طلع شعر خفيف في شعري
بعد عشر سنوات من محاولات العلاج يئست تماما
وسلمت امري لله
بس فعلا شعري خف جدا
وبلاقي اجزاء في شعري خالية من الشعر تماما
وبقيت بتكسف اقعد بشعري قدام جوزي
لاني شكل شعري وحش قوووي
وطبعا لما بنكون متجمعين ستات بس
انا الوحيدة اللي فيهم بقعد بالطرحة لان شعري يكسف
ياريت لو حد من الاخوات يقدر يفيدني بحل جديد
وهل الميزوثيرابي ينفع في حالتي ولا
وهل لو انا استخدمت زيت شعر مقروء عليه
هيفيدني ولا لا
جزاكم الله كل خير
وربنا يشفيني انا والاخت الكريمة صاحبت الموضوع
الثعلبه //// قديم
متابعة النقاش، صفحة 4