بنات اللي تعينو بالنماص تتفضل او وحده من اهل النماص تتفضل

اهلين حبايب قلبي كيفكم جميعا:heart: الله يثبت حملك يارررب يامعلمه مستجده ويرزقني ويرزقك ويرزق كل متاخره ياكريم ......

رررررررفع

السلآم علييييييييكم يامعلمات المستقبل .. كيفكم وش علومكم عسى بس الأمور والنفسيات طيبه ^_^


حبيت أطل عليكم ويمكن الآقي جديد لكن أظن لسى مكبرين المخدهـ .. أبي أسئلكم عن معلمات المجمعه سمعت أرسلن لهن رسائل تعبنا هذولا والا لآ ..؟؟

هلا حبيبتنا انثى منسية كيفك وكيف صحتك ان شاء الله تمام وكل سنة وانتي طيبة
انا بخير الحمدلله ولا كبرت مخدتي ولا شي اصلا ماصار يجيني نوم من كثر التفكير والقلق الله يعين بس...
وكل سنة وانتوا طيبين جميعنا بمناسبة قرب رمضان اسأل الله ان يعيننا على صيامه وقيامه وان يعتق رقابنا فيه وان يبلغنا اياه ونحن في اتم صحة وعافية حبيبتي اول شي حبيت اعتذر منك ومن كل الاخوات اللي يدخلون هالصفحة لاني اكدت لكم الخبر اللي قلت لكم فيه ان التوجيه للمدارس بيطلع في 15 / 8 لذلك ارجو من الكل يسامحني لكن ويشهد علي الله ان الخبر كنت متأكدة منه مليووووون في المية واللي اكده لي ثنتين من صاحباتي لهم اقارب وحدة في ادارة تعليم سراة عبيدة والثانية في ابها
وجاني خبر اكيد انو في 15 /8 وصلت اوراقنا من الرياض و تم توزيعنا على المدارس وتصديقها من ادارة تعليم النماص ثم ارسلوها الاسبوع الماضي مرة ثانية للرياض عشان يعتمدونها بشكل نهائي وينزلونها على موقع الوزارة وبعدها بيرسلون رسائل على جوالاتنا
وسبب التأخر هو حركة النقل الثانية وحركة تعيين الاداريات لانهم يبغون ينزلون اسماء مدارس المنقولات في الحركة الاولى والثانية واسماء الاداريات والمرشحات من الدفعات التي نزلت بعد دفعتنا مع اسمائنا مرة وحدة عشان كذا تأجل الموضوع وربكم كررريم
خسارة كان ودي انها نزلت من زمان عشان اصوم رمضان وانا مرتاحة ومستقرة نفسيا والله وجهي انعدم من حبوب الشباب وكله من النفسية الحللللللللوة
لا وازيدكم من الشعر بيت سقطت حملي الاول وعمره شهر ونص وياااافرحة ماتمت تخيلوا حللت للحمل يوم جمعة وبغيت اطير انا وزوجي من الفرحة لانو صار لنا سنةوثلاث شهور متزوجين ولا حملت وكانت تقول الدكتور نفسيتك هي اللي تأثر عليك كنت متلهفة جدا ابغى عيال بسرعة وكنت افكر في الحمل يوميا و بالي مشغول على طول واحسب متى تجي الدورة ....
لكن سبحان الله حملت بعد تعييني لان نفسيتي كانت حلوة وقتها وكان حملي بعد يوم المقابلة مباشرة حسبتلي اياه الدكتورة
وطلع التاريخ اليوم الثاني من المقابلة لانه فعلا استرحت بعدها حتى اذكر اني ذاك اليوم نمت يوم كامل وصحيت نشيطة وفرحااانة ومفرفشة ونسيت من موضوع الحمل لاني انشغلت بالسجل الاكاديمي وتصوير الاوراق والاستعداد للمقابلة
لكن زي ماذكرت لكم حللت يوم جمعة ويوم الاثنين اللي بعده سوت لي سونار وقالت كويس بس هرمون الحمل عندك ضعيف لازم مثبتات وراحة ونزفت يوم الاربعاء اللي بعده ورجعت لها قالت مافيه شي اتركي المثبت عشان ينزل وتركته وبعدها بثلاث ايام نزل الكيس كل هذا صار في اسبوع حتى مالحقت افرح فرحت اول يومين ومن يوم بدأ النزيف عشت في هم وقلق مايعلم به الا الله.... يووووووه انفجعت لما شفته ماتوقعت شكله كذا سبحان الله زي جوارب الطفل الصغير ولونه من فوق احمر غامق مائل للسواد ومن تحت ابيض شفاف وفيه زي النتؤات لا اله الا الله يوم شفته رحمته جلست اتأمله و الوم نفسي لاني ما التزمت الراحة كنت انطط من الفرحة بس الحمدلله على كل حال لله ما اخذ ولله ما اعطى
اللهم اجرني في مصيبتي واخلف لي بخير منها تكفوووووون ادعولي في صيامكم في رمضان وفي سجودكم وفي كل يوم جمعة واخر الليل انو ماينتهي شهر 9 وشهر10 الا وانا حامل تكفون لاتنسوني ترى ما قدرت افضفض الا لكم حتى زوجي ودي اشكيله بس لو تشوفوا كيف خاطره مكسوووور بترحمونه اكثر مني وسبق قلت لكم هو متلهف على العيال اكثر مني لان ماعنده اخوان ووده يكون عنده عشر ذكور عشان اذا كبرنا نلقاهم حولنا لو ابتعد واحد نلقى الثاني بداله
يااااارب لا تذرني فردا وانت خير الوارثين
فوتوكو بعافية انتظروا دخولي القادم

بنات خبر عاااااااااااااجل اليوم فتح موقع تكامل الالكتروني للمرشحات الجديدات
غشان يرتبون رغباتهم المكانية طبعا احنا مو منهم لاننا رتبنا رغباتنا لما سوينا المقابلة
ادارة النماص وادارات ثانية منها جازان والقنفذة وشقراء والحدود الشمالية وغيرها مكتوب اننا سبق ورتبنا رغباتنا
بس اذا حابه تتأكدي ادخلي الموقع ودخلي سجلك المدني بعدين اضغطي على استعرا ض الرغبات بتتطلع لك الرغبات اللي سجلتيها في الادارة على حسب ترتيبك لها وعلى فكرة ترى مايمديك تعدلين فلا تلخبطون انفسكم هذي نصيحة لوجه الله خلوا كل شي زي ما هو....
حبيت اعطيكم خبر هنا لاني للاسف ما اعرف انزل مواضيع
وحبيت اذكركم لا لا لا لا تنسوني من دعواتكم في رمضان وانتوا صايمين وعندفطوركم اني ربي يعوضني عن جنيني اللي راح ويرزقني بالولد الصالح عاجلا غير اجل
ومشكوووورات حبايبي مقدما ,,,,,,,,,,, احووووووبكم كلكم