السلام عليكم ورحمة الله وبركاته
اخباركم " علومكم " احوالكم
ببدأ ف فشيلتي على طول بس انصحكم نصيحة لوجه الله لاتضحكون عشان ماتبتلون وتنفضحون اكثر مني
هذا ياخياتي ياحبيباتي اليوم رحت انا وامي للحرم صلينا المغرب والعشاء اللهم لك الحمد واسأل الله القبول
المهم.. ركزوا من بعد كلمة المهم.... بعد ماخلصنا صلاة العشاء كان حولنا مجموعة حريم تركيات وحدة فيهم صلت بعد الفرض السنة او الوتر مدري بالزبط ايش صلت بس لفتتني شفتها تسجد غلط تفرد يدينها عالارض بشكل ملفت وبحاول اعلمها بس اترددت لانها ماتفهم عربي ولا انجليزي بالأخير قلت لازم اعلمها عشان ماتعلق برقبتي يوم الدين لاني ماعلمتها كيفية السجود الصحيحة
جيتها اكلمها بالاشارة طبعا قلت لها سجود عشان تعرف قصدي وخليتها تسجد ورفعت لها يدها ووريتها انا بنفسي الطريقة هي بربرت علي وعرفت انها فهمت قصدي اللهم لك الحمد وقالت لي انها ماتلصق يدها عالارض ومدري ايش كمان
وحدة من جماعتها قامت تكلمني وانا ماني عارفة ايش ارد عليها
حاولت اكثر من مرة تكلمني ماعرفت ارد عليها
جلست ااشر لها اني ماافهم لغتهم
قامت سألتني (مالكي شافعي) والمقصود من كلامها ايش مذهبنا
اختكم في الله بلمت ماعرفت ايش ارد عليها جالسة اقول بيني وبين نفسي ايش مذهبنا احنا...... ياويلكم تضحكون
تدرون ايش قلت لها فالبداية قلتلها شافعي ياويل حالي بس الحمدلله ماسمعتني رجعت استوعبت ردي ورجعت زعقت بصوت عالي قلت لها حنبلي حنبلي وسحبت نفسي ورجعت مكاني بهدوووووء وادب
***
**
*
شاركي في النقاش
سجلي الدخول لإضافة تعليق.
التعليقات
117- يالله مو مشكلة اهم شي انك علمتيها
بس ترى دايماً تصير معي مواقف زي كذا اكون عارفه المعلومه وابلم ماعاد اتذكرها
واسوءها لمن تنسين اسم وحده تعرفينها ��
احرااج - قد شفت كثر هيك بس يردني بالاخر لغة التفاهم
الله يجزاك خير - مذهبنا حنبلي
الله يعطيك على قد نيتك ولايضيع اجرك
عجبتيني يوم نصحتيها وماترددتي وخفت انها تعلق برقبتك
الله يجزاااك خير - جزاك الله خير
اهم شي انك نصحتيها يعطيك العافية - يوووووة يا كثر ما تصيرر
مواضيع مشابهة
تابعي تجارب أخرى من هذا القسم.