كيفكم حبيباتي ، الله يبلغنا واياكم رمضان وكل عام وانتم بخير
ما ابي اطول عليكم، السالفة وما فيها اني ساكنة مع اهل زوجي في دور لحالي، علما ان اهلي قبل الزواج عارضوا هالشي وطالبوا بسكن مستقل، لكن انا وافقت لأنهم اوهموني بالاستقلالية التاااامة وهذا اللي ما طبق حرفيا، وانا ساكتة لان زوجي ماشاء الله محترم معاي ومع اهلي، المهم فجأة أم زوجي صارت تبي تاخذ غرفة المجلس اللي عندي وتحط فيها تلفزيون وتصير غرفة خاصة بها بس علشان تتفرج عالتلفزيون براحتها!!!!!
تخيلوا ولا احد عارضها لأنهم يخافون منها، ويتمنون الفكة لانها صعبة في التعامل، مع ان عندهم في كل غرفة تلفزيون، واللي يقهر اكثر ان ما في احد شاورني جوا وركبوا توصيلات وخذوا تلفزيووووني اللي جايبته من بيت اهلي معاي بدون ما يشاوروني!
تخيلوا يعني لا خصوصية ولا عزايم في رمضان والكلام واللبس وعلاقتي مع زوجي كل شي بيصير بحساب، غير انها من النوع اللي تبي الواحد يقابلها طول الوقت ولا بتزعل وانا انسانة مو فاضية.
يا بنات شوروا علي وش اسوي؟ صرت مبوزة في وجه زوجي 24 ساعة، وصرت عصبية طول الوقت وما انام، وما ابغى اتكلم معاه واقوله علشان ما ياخذ مني موقف وهو اصلا ما بيده شي، هي مسافرة الحين وبتجي اول رمضان فكرت اقص التوصيلات أو اخرب التلفزيون، أو اخرب حياتي واروح بيت اهلي.
انصحوني وش اسوي...
شاركي في النقاش
سجلي الدخول لإضافة تعليق.
التعليقات
71- والله شي يقهر
المفروض علي الاقل استاذنوا منك
صارحي زوجك
والله يوفقك - يسلام وربي يقهرون اهل الزوج الي اوله شرط اخرة نور سلامات تصنت بطريقه ملتويه تقهههههر لونه ماعندها غرفه ولاشي ضروري كان صح بس عشان تلفزيون قولي سجلي في تحفيض ازين لك من التلفزيونات تبي تكيف ع مسلسلات رمضان الله يهديها بس
- اتكلمي مع زوجك واحكيلو شو مدايقك واشرحيلو بكل بساطه اللي بدك ياه وفهمي انك ما راح تاخدي راحتك بس بعقلانيه وهدوء
- رجعي التلفزيون لبيت اهلك قولي يبغووة رجعية قبل لا تجي
- والله اختي ياخذ موقف ماياخذ موقف
لازم تقولين لزوجك !!
وين قاعدين !!!!!
مواضيع مشابهة
تابعي تجارب أخرى من هذا القسم.