شريت كواية كينود ليتني ماشريتها

بنات على المدح الي سمعته عن ماركة كينود
قلت بشتري كوايه منها على اني
كنت اشتري كوايه ب45 وكانت تهبل
بس هالمره قلت بشتري شي يقعد للزمن

لقيتها اليوم بروائع اسامه ب80 ريال
وشريتها وطايره من الفرحه
يوم جيت اكوي ثوب زوجي عجزت
الثوب كويته 3 مرات ولازال متعفط
هل اقدر ارجعها لا ايش اسوي
وهذي صورتها



عندي استفسار تاني
بشتري محضرة طعام وقررت على براون
ولقيت نوعين

ابي رايكم فيهم
والي تعرف اسعارها

هذي لقيت مدح عليها ومكتوب قوتها 600

ولقيت الموديل الي بعدها قوته 990


طبعا ابيها للعجن والطحن والبشر وللكيك للخفق والتقطيع وبدال الخلاط لانه خرب متكامله يعني

انقذوني مابقى شي على رمضان الله يبلغنا اياه وراي مية شغله وشغله وتعبانه
وسؤال اخر
الحين الالكترونيات لازم نشتريها من الاماكن الخاصه
مثل ساكو واكسترا
ولاعادي اخذها من المحلات العاديه مثل بنده ورواءع اسامه
جزاكم الله عني خير

8 تعليق 2,402 مشاهدة

شاركي في النقاش

سجلي الدخول لإضافة تعليق.

التعليقات

8
  1. اولا حبيبتي كنوود مو كل شي عندهم حلو أنا اشتريت مكواة من عندهم ب350والله كم يوم احترقت ولعت نار جواها والأفضل اشتري كاويه بخار الحين كل الناس هابين عليها مره مريحه بالكوي والاجهزه انصحك تشتريها من الوكاله علشان يعطونك الضمان عليها او محلات الاجهزه ان شاء الله اكون افدتك والله يبلغك شهر الخير وانتي مرتبه امورك . 
  2. @am_rymana

    ياعزيزتي والله مادري اذا تقدري ترجعيها ولا لا
    كينوود مو كل شي فيها حلو انا كوايتي من تيفال صراحه روعه ماشاء الله لها دحين عندي ٤سنين
    وبالنسبه لمحضرة الطعام انا عندي من براون لكن ملتي كويك ومااستغني عنها ماشاء الله مريحتني
    واللي انتي نزلتي صورها كثير جربو الاولى وريحتهم ويمدحوها لكن اشوف الثانيه احسن بالذات اذا كانت الزبيه الاستيل تبع العجن وقوتها اكثر .......هذا رايي
    وربي يكتبلك التوفيق ان شاء الله
  3. الله يعوضك خير

    ماعندي خلفيه عن المحضرات

    والاجهزه اتوقع من محلات الاجهزه افضل لان يكون عليه ضمان اهلي اشتروا فرن ب 2000 وعليها ولما شغلوه ذاب من فوق فتحات الغاز ورجعوا لهم واخذوا فرن ثاني تخيلي لو شارينه من محل عادي بتطير 2000 سلام سلم
    انصحك بالمحلات المعروفه واخذي عليهم شرط اذا لقيتي فيها خراب ترجعينه اكتبوه بالفاتوره

تابعي تجارب أخرى من هذا القسم.