ياامهات ساعدوني بمشكلة بنتي الله يشفيها يارب بموت بكى وحزن

السلام عليكم ورحمةالله وبركاتة

الله يخليكم ويفرج عليكم في هذا الشهر الفضيل بنتي صار لها ثلاثة شهور تمشي وملاحظة عليه قدمها مايلة للخارج وديتها عند الدكتور قال هذ عيب خلقي من الولادة الي قاهرني اني يوم ولدت بنتي اتذكر انة رجولها كانت مجروحة ومشدودة بمساكات الي يجي فيها اسم الطفل وامة فاهمين قصدي وجلست اعالجها يمكن اسبوع لين راحت الجروح من غير انهم سحبوها مني بالشفاط احس بالذنب وبس ابكي وحاقدة على المستشفى ليش ماقالوا لي اخاف اكون تأخرت في علاجها وبتبقى كذا والله كل ماأشوف مشيتها اجلس ابكي واتحسر في نفسي الحمدلله على كل حال يابنات الي مرت عليها مثل هالحالة تقولي وتفرج علية
هذي وحيدتي احبها احبها موت لوصار لها شيء بنهبل
حولوني على مستشفى قوى الأمن في الرياض بس انا خايفة يلعبون في بنتي علموني الي يعرف مثل هالحالة وتعالج او اي دكتور ممتاز في الرياض لأن الي كشف عليها قال 90 في المية علاج طبيعي و10 في المية جراحة وانا خايفة مرة عليها يارب تساعدني وفرج هم كل من يساعدني ارجوكم لاتبخلون علي اكتب ودموعي اربع اربع يشهد الله كرهت الدنيا ومافيها

15 تعليق 7,030 مشاهدة

شاركي في النقاش

سجلي الدخول لإضافة تعليق.

التعليقات

14
  1. @amy_aaaysh_1

    الله يشفيها يارب من غير ماتحتاج لجراحه ولاشي

    حاولي تدهنين لها بزيت زيتون او سمسم كل يوم ينفع مايضر

    وان شاء الله تشوفيها احلى عروسه
  2. @reema2010

    أنا اعرف وحده لما مشت بنتها تمشي فيها عرج بسيط وسوت لها عمليه وقالو ماتمشي ثلاث شهور وبعدين تصير تمام أنا حاسه فيك لكن لازم تواجهين المشكله وتبدين تعالجينها والله ****لله يشفيها

تابعي تجارب أخرى من هذا القسم.