الموضوع مغلق
تتوقعون فيها عين ؟؟ قصة بنت خالتي مع البائعة في سوق المملكة
السلام عليكم ورحمة الله
هذي ياطويلات العمر بنت خالتي , بنت حلوة ونعومة كثير تبارك الله , طولها متوسط 165 ووزنها 65 , لكن ملامحها بيبي فيس تبارك الله
دخلت محل تجميل وكان فيه وحده تبيع بالمحل , في مملكة المراة
المهم وقاعدة تشرحلها عن الأغراض وكذا , ومن بين الكلام سألت البياعة بنت خالتي كم عمرك
قالت لها بنت خالتي كم تتوقعين
قالت البائعة عمرك 19 او 18
عاد بنت خالتي ماتت ضحك وردت عليها إنتي تقولين لي هالكلام عشان تسوقين بضاعتك علي
المهم قامت هذيك تحلف ايمان كذا , إنو هذا اللي اعطيك ياه
وأصرت على بنت خالتي تعرف عمرها الحقيقي
وعلمتها بنت خالتي عمرها , وهو
ماشاء الله تبارك الله لاقوة الا بالله (31)
طبعا الخبلة علمتها وهي تضحك
وهذيك يوم قالتلها الرقم بلمت ساعة وعيونها جحضت
تقول مستحيل أكيد تكذبين علي
الزبدة إن بنت خالتي طلعت من المحل وحنا بالسوق جاها نووووم فضييييييييع وتعب وارهاق بجسمها
وراحت المصلى وغفت شوي
واضطرينا ندق ع السواق نرجع مع إننا مخطيين نقعد الى الليل
المهم من عقبها وهي بس ناااااااااايمة ماتخيلون شلون
تقوم نصف ساعة وراسها ثقيييييييييييل وتاكل شوي بعدين ترجع تنااااااااااااام نوم عمييييييييييق ماشاء الله
وعلى هالحال صارلها خمس ايام
فجأة كذا مع إنها راعية سهر وتبارك الله نشيطة
ماتدري وش السالفة , حتى بالفترة اللي تصحى فيها وهي تقريباً من النصف ساعة الى الثلاث ساعات بالكثير
تصير مررررررررررهقة وتعبااااااااانة وداااااااايخة وفيها النوم
المهم انا فسرت الموضوع إن ممكن يكون عين صاكتها فيها البياعة اللي بالمحل , لأن هالإنقلاب اللي صارلها من بعد الروحة
ملاحظة , بنت خالتي صحيح شكلها أصغر من عمرها تبارك الله لكن شخصياً أعطيها 23 أو 24 بالكثير
وش رايكم ووش شوركم وكيف تأكد إنه عين ووش الحل , خصوصا إنها بياعة يعني اكيد دوامها مو ثابت وتتناوب هي وغيرها