مرشحات الطائف حيااااااكم (الطايف احلى)

يابنات الي تروح بكرة تجيبلنا الخبر الاكيد ورقم الفاكس انا من سكان المدينة والله مشوار وكان الله بعون هالجميع ضروري نجيبها والا نخليها عندنا وحدة تقول لازم توديها الطايف وحدة تقول خلوها معاكم وهي موجدة بالكميوتر ليش التعب هدا

بنت اختي تعينت في الليث واحنا في جدة راحت لإدارة التربية بجدة وخلوها توقع على الورقة وتكتب اسمها وقالوا لها روحوا لإدارتك ويسلميهم الورقة هذي تعليمات الوزارة كل وحدة تسلم ورقتها لإدارتها
وما يطلبون منك لا كرت عائلة ولا بطاقة أحوال
وبالنسبة لي رحت لإدارة التربية بالطائف وسلمتهم الورقة وسألتها ليه مكتوب في تكامل نتوجه لأقرب إدارة تعليم وانتم طلبتم التسليم في الإدارات اللي مرشحين لها قالت هذي تعليمات الوزارة
وبالنسبة لورقة الرغبات أنا طبعتها من أقرب مكتبة لبيتي

وبعدين احنا انتظرنا سنين وبمشيئة الله جاء تعيينا الحين ما جات على ورقة نعجز نوديها للإدارة ونعلق مصيرنا بين نروح وإلا لا أنا ترجيت أخوي ترجي لين ما حن علي وداني والحمد لله على كل حال
الله يكتب لنا اللي فيه الخير

حبيبتي أنا طبعتها في جدة وسلمتها في الطائف ومشيت أموري بكل سلاسة والحمد لله بالعكس خلصت بسرعة