صــواريـــخ الحـــريم وبعـــدين⚡⚡⚡⚡

يا اختي لفظ حريم مو من الحرام ماتسمعين بالحرم الجامعي والحرم الشريف هذا معناها من شدة مكانة هذا المكان واحترامه
اما التعميم معك حق فيه

ابشركم بعد حنا عندنا بتبوك فرع من حقة اسير الشوق


هذي سلمكم الله تقول خالد الفيصل كتب فيها قصيدة مجموعة انسان وانها يموت فيها وجايب لها مره شنط سفر كثيره لحد بيتها يوم فتحتها لقتها مليانه هدايا مكياج وعطورات

ووحده حرمه كبيره تقول عبد العزيز بن فهد ولدها بالرضاعه ,, وانها كانت جارة الملك فهد الله يرحمه والملك فهد مستحيل يفطر الا من يدينها

وصاروخ وحده ياربي لك الحمد مدري كيف قدرت تكذب هالكذبه يارب لك الحمد على النعمه وماهو تعييب بخلقة ربي بس البنت شيييييييينه وسميييييييييييييييينه تقول مره كانت تقطف ورود من حوش بيتهم وولد جيرانهم يطالعها من الشباك وفجاه انجرحت من شوكة بالورده والولد قام يغني لها ( ياورد من علمك تجرح )) وقتها كنا كبار بالجامعه


وصاروخ وحده جلست معها مااعرفها ولاتعرفني بس نفس حالة خويتنا راعية الورد تقول خطبها واحد نسخه من ماجد المهندس << على حد تعبيرها والشاب هذا مطيح بنات الجماعه كلهم المهم تقول فجأه وانا نازله من الدرج توني صاحيه من النوم الا ابوي واخواني تحت يغنولي اتمخطري ياحلوه يازينه والبنت من الدلع ماتدري وش السالفه وتفاجات وقالت خير وش فيه قالوا لها ان خوينا المزيون خطبها وهي على طول ابدت رفضها خوفا من توابع وسامته وتحطم الشاب الوسيم وحلف ماياخذ غيرها << بالله ماتحسونها تصلح قصه لمسلسل سامج


وصاروخ وحده سبحان الي كشفها بعد سنين جلست مع خوات زوجي وهي ماتعرفهم ولايعرفونها وقعدت تكذب عليهم انا عندي مشاغل ومراكز تجميل وعندي خبره في مجال التجميل وعندي وعندي اذا تبون اي شي ابشروا وسبحان الله تمر خمس سنين واتزوج اخو هالبنيات ضحايا الصواريخ وسألوني عن البنت هذي لانها للأسف من اقاربي وسألوني عن مشاغلها ومراكزها قلت ماعندها شي ولاعمر كان عندها شي وعلموني بكذبتها وفلسفتها عليهم


وياكثر الصواريخ ,,, الله يغفر لنا بس ولايبتلينا بما ابتلاهم

هههههههههههههههههههههههههه ربي يسعدكم






استغفرالله العظيم

يووووه ياكثر الصواريخ

هذي سلمكم الله وحدة قريبة بالمره

لكن احساسي يقول انها مبتلاه الله يرفع عنها ولايبلانا

لانني احسها وهي تتكلم ماتركز هي وش تقول

ابعطيكم كم صاروخ من تأليفها

\

تقول انني يوم كنت صغيره تعبت ومرضت وتجي جارت امي وتقرأ علي ويطلع مني نوور قووي غطا على عيون الناس حولي وبعدين رااح ((خلص الكهرب يمكن هههههههه))

\

تقول انه خطبها أمير قبيله من المدينه ورفضت... وجاها ضابط ورفضت .. مع العلم انها مطلقه ومعاها 5
والحين متزوجه واحد على قد حاله

\

تقول ترى انا اصلي من الكويت منيب سعوديه ...ههههههههههههه هي من الجماعه نعرفها الى سابع جد

\

تقول انها نزلت مره عند مشغل وكان فيه مجموعة شباب عند الباب خقو عليها كلهم لدرجة واحد جاء يسأل اخوها يقول وش اسم اختك هذي ههههههههههههههه

\


طبعا في البيت هي الطباخه الشاطره وان ابوها دايما يقول لامها شووفي فلانه (هي) وتعلمي منها السنع ههههههههههههههههه استغفر الله حتى امها ماسلمت منها

\

والله كلامها كثير بس نصيحه يابنات حواء

اسلوبها هذا خلاها تتطلق المره الاولى من زوجها

وكاد ان يكون السبب في طلاقها مره ثانيه ((لان زوجها من محارمي واخبرني سبب طلاقه لها لولا ستر الله))

لذلك اي وحده ابتلاها الله بالكذب

ياليت تعيد النظر في حالها وتصلح مابينها وبين الله

الله يعافيهم ولايبتلينا ويغفر لنا هفواتنا مااحصيناه وماعجزنا عن احصائه