مابى اتزوج خلااااااااااااااااااااااااص تعبت وبتعب ولد الناس معى

الله يسعدج ويوفقج ان شاءالله
اول شي خلي ثقتج بنفسج عاليه 
اهم شي ثقتج حتى لو فيج عيوب الثقه بالنفس ما تخلي احد يلاحظ عيوبج 
الا اذا انتي بينتيها

ثاني شي بالنسبه لحبوب الوجه
صديقتي كان وجهها ما ينشاف من كثر الحب 
وحب كبير حيل يخرررع شكله ومغطي على ملامحها
وقامت تستخدم هذا البرنامج للوجه والحين ماشاءالله انصدمت من شفتها الحبوب مختفيييييه اللهم بس اثار وبسيطه حيل
كانت تستخدم بليل قبل لا تنام كريم رتن اي
والصبح من تقعد من النوم تغسل بصابونة acne aid
وتحط واقي شمس DR Q
وما تتعرض للشمس ابد وحتى ما تدخل المطبخ عشان الحراره

وطبعاً اهم شي الالتزاااام

وبالنسبه للشعر تحت الجلد واااااايد سمعت عن كريم تقشير احماض الفواكه بتركيز 10٪ او 15٪ للجسم 
 يمدحونه يشيل النقط وينعم ويفتح البشره بعد
ابحثي عنه بقوقل

اما عن الاستشوار
انا مثلج بالضبط ما اعرف استشور شعري مع انه شوي ناعم
واذا استشورته اخربه ويصير نافش مع انه ناعم طبيعي
بس الحين قمت استخدم السيراميك وحيل سهل ومريحني وايد بس ما استخدمه وايد لان سمعت كثرة استخدامه تخرب الشعر فمخليته للمناسبات
بس نصيحه اذا بغيتي تستشورين شعرج اغسليه بالشامبو عدل عدل عشان لما تستشورينه يضبط

الله يسعــدك حبيبتي ...
ويوفقك في زواجــكــ وتكوني أجمل الناس ديناً وخلقاً وجمالاً ..
توكلي على الله وثقي بنفسـكـ .. والله معك بإذن الله ..

استخدمي نصائح البنات وادعي ان الله يشفيك ويفرج همك هذا ..

أنا بكتب لك كل تجاربي .. هنا .. وان شاء الله تستفيدي منها ياعسل ...

أول شيء الشعر ..

ماانصحك تستخدمي الاستشوار من دون ماتهتمي بشعرك ..

كذا راح يجف .. ويتقصف .. وينحرق من الاستشوار ..
استخدمي لك أحد الخلطات الي بذكرها .. وأسأل الله رب العرش العظيم انها تفيدك ..

أنا أول كان شعري جاف وخشن ووو ..
الحين والحمدلله ربي كثير ناعم وحلو ووالله مااحتاج استشوار الا بالمناسبات ..
أول خلطة استخدمتها وهي كثير حلوه .. وهي افادتني أكثثر شيء ..

.. عسل .. زبادي .. مايونيز .. زبدة مذابه ..(( الزبده ممكن تحذفيها لأن رريحتها موحلوه إذا كان شعرك من النوع الي يمسك فيه الريحه )) وبعد ماتغسلي شعرك من الخلطة بالشامبو اشطفيه بنسكافيه أو ماء ورد ..
وكل شيء بمقدار متساوي ..

الخلطة الثانية ..

وهي الي الآن استخدمها كل أسبوع .. عسل و زيت زيتون .. وممكن تضيفي زبادي .. مره حلو ويفيد بشكل رائع
ورطبي شعرك بأي كريم ..

وصدقيني إذا شاء الله شعرك راح يكون أفضل ..

ثاني شيء البشره ..

أنا كانت بشرتي حنطيه .. والآن بيضاء ولله الحمد والمنه ..
لي يمكن 3 سنوات .. أستخدم خلطة طبيعية والكل مستهين فيها ..

" جلسرين .. فازلين .. شوي زيت زيتون .. ليمون .. بودرة بيبي جونسون ..شوي حليب بودرة وعسل "
والله نعومه وبياض .. عليم الله ..

واستخدمي صابونة الكركم راآآئعه بحق .. وسنفرة التوت يمكن تلاقيها بـ15 ريال تقريباً ..
مره حلوه .. مرره .. هذا الي استخدمه لجسمي ..
وأرطبه بجلسرين بعد الاستحمام ..

.. للرجول الخشنة والمشققة ..

فازلين .. وزيت زيتون .. أحطها ع رجولي وأغطيها بشراب وأنام فيها ..
عنجد رووعه .. ولا تمشي ع السيراميك حافية القدمين تزيد التشقق ..

ونقعي رجولي في ماء ساخنة وحطي مع الماء ملح ..

للشفايف وردية وناآعمة ..

أنا كنت أستخدم دائماً الفكس .. وكان رائع .. وهاليومين تطورت خلطتي ..
وكان عندي شوي مرطب شفايف بالفراولة خلطت معاه شوي فكس وروج سحري..

وأحطه كذا مره .. مرررررررررره رووعة .. وقشري شفايفك باستخدام الفرشاة ..

.. لرموش طويله وجذابة ...

مافي أفضل من زيت الخروع .. أحطه باستخدام فرشة الماسكرا ..
والله راآئع ..


.. للتبييض الأسنان ..

مافي أحلى من استخدام السواك .. مرضاة للرب ومطهره للفم ..

ويبيض الأسنان والله ..

.. لوجه صافي ومشرق ..

والله مافي أحلى من قناآآع الحليب ..
يخلي الوجه صافي ومفتح ..
حطي شوي حليب بودرة .. وكمية قليلة جداً من ماء الورد وأذا ماعندك مومشكلة ماء عادي ..
ع أساس أنه يكون ثقيل شوي مثل العجينة ..
حطيه على وجهك .. واتركيه حتى يجف ..
وغسلي وجهك مع الدعك بالليفة .. وبعدين اغسلي بصابونة الكركم ..

.. ملاحظة .. حبذا لو عندك ماء ورد في علبة رشاش .. ترشي ع جسمك بعد الاستحمام ..

وهذا كل ماعندي .. وأتمنى أكون أفدتك ..

وربي يعلم أنها كلها مجربة مني وناجحة .. وأسأل الله أن يفتح ع قلبك ..
ويجملك بالدين والحياء .. ويوفقك في حياتك .. ويجعلك من عباده الصاآلحين

دعواتك لي . بأن ربي يتمم لي حفظ القرآن ..
أختك ومحبتكــ ..

الله يوفقك بزواجك واسأل الله أن يجملك بعين زوجك ويخفي عنه عيوبك
ضروري تروحين دكتورة جلديه وداومي عالأدويه والعنايه بالبيت بالخلطات وحمام البخار
البنات ماقصروا الله يوفق ويسعد كل وحده ردت بجد هذي روح الأخوه
وبقولك ترى الثقه بالنفس تعطي جمال هذي وصيه ثقي بنفسك ثم ثقي بنفسك ثم ثقي بنفسك
انتبهي من انك تحسسين زوجك ان فيك عيب ،، وانتبهي تستحين من نفسك قدامه او تستحين تلبسين اشياء قصيره واذا لبستي لاتصيرين مستحيه وماتتحركين ولا تتدلعين لااا تدلعي وخليك كلك انوثه واهم شي النظااااااااااافه والريحه الحلوه اشتري عطورات ماركه ريحتها تثبت لاتاخذين شي رخيص ريحته تتغير ولا تروح
خوذيلك عطورات فرنسيه ودهن عود ومسك للجسم والشعر ترى العطور تدوخ الرجال وتخليه ماينتبه للشغلات الي بالجسم
وخوذي شاور جل ولوشن للجسم وعطورات جسم علشان تسحرينه بالريحه الحلوه والنظافه واهتمي بنعومة جسمك لان النعومه تهمهم اكثر من البياض والصفاء
وترى لو تستخدمين زيت زيتون بس وتداومين عليه يومياً والله ينعم بشرتك ويصفيها يكفيك ان الرسول عليه الصلاة والسلام قال عن شجرة الزيتون انها مباركه في حديثه ( كلوا الزيت وأدهنوا به فأنه يخرج من شجرة مباركه )
وإن شاء الله نكون افدناك وفيه شي مهم لاتنسينه ........ ترى الشيطان حريص بمثل هالمواقف يوسوس للأنسان وبسبب هالوساوس الي يستسلم لها تجيبله الاكتئاب والضيق والحزن تعوذي من الشيطان وتفاءلي خير واحمدي ربك على نعمة الصحه والعافيه ونعمة الستر ترى الزواج نعمة عظيمه .. تذكري ان فيه ناس فيهم إعاقات وناس مرضى وفيه بنات بعمر الزهور فيهم عاهات واعاقات الحمدلله الذي عافانا مما إبتلاهم وفضلنا على كثيراً مما خلق تفضيلا .. حبيبتي تعوذي من ابليس وشيلي هالنظره السوداويه الي تشوفين نفسك فيها ..
وياليت تردين علينا وتطمنينا عليك ..