طبق مصرى أصيل "برام الرز المعمر"

حقيقى وحشتونى جداً و بقالى كتييييييييييير ما قدمتش أى طبق (حاجة تكسف)
و علشان أثبتلكم أد إيه أنتم وحشنى رجعالكم بطبق مصرى دسم يتاكل لوحده و بس


بــــــــــرام الــــــــــرز المعمـــــــــــر

المقادير

الكمية تكفى 4 أشخاص

2 كوب رز مصرى مغسول و منقوع ساعة
3 كوب حليب ساخن كامل الدسم
كوب شوربة لحم (ممكن استبدالها بكوب حليب فى حال عدم وجود الشوربة)
ثلث كوب قشطة
كيلو لحم مسلوق أو 4 حمامات غير مسلوقين
ملح و فلفل
ملعقة سمن بلدى كبيرة (يمكن الإستغناء عنها)

الطريقة

1 - نسخن الفرن جيداً
2 - نصفى الرز جيداً ونخلط عليه الملح و الفلفل
3 - نضع طبقة من الرز فى قاع طاجن فرن ثم نضع قطع اللحم و فوقها باقى الرز و فى حالة إستخدام الحمام نضع بعض الرز داخل كل حمامة
4 - نخلط الحليب الساخن و الشوربة و نضيفها على الرز و نغطى الطاجن و نضعه فى الفرن
5 - بعد حوالى ثلاث أرباع ساعة يكون الرز شرب كل الحليب نخرج الطاجن من الفرن و نوزع القشطة على وجه الطاجن و نكشف الطاجن
6 - بعد نصف ساعة نتذوق الرز لنتأكد من تمام النضح و نضيف ملعقة من السم البلدى المقدوح (ممكن الإكتفاء بالقشطة) و نشعل الشواية ليحمر الوجه

و بالهنا و الشفا و ماتنسوش تشربوا بعده حاجة سخنة لتسهل الهضم و تذيب الدهون

14 تعليق 1,891 مشاهدة

شاركي في النقاش

سجلي الدخول لإضافة تعليق.

التعليقات

14
  1. @am_dndonh

    الله عليكى يا مشروووووم و على الاكل المصرى و على الارز المعمر انا باموت فيه رائع و عاشت الايادى و بالهنا و الشفا لكل اللى حيجربه و انصحهم بتجربته لانه خطييييييييييييييييييييييييييييير000
    :24: :24: :24:
  2. @am_altoam

    حبيبتي مشروووووووووم
    انا كنت ادور من زماااااان على الوصفة دي بس القشطة ماتخلي طبقة سميكة وتقيلة ودهنية على الوجه لاني بصراحة جربت طرق كتيرة مانفعت
    تسلمي عمري:26:
  3. @mshrooom

    صاحبة الموضوع
    حبيبتى أم دندونة
    ربنا يخليكى ليا يارب يا رافعة معنوياتى أنا أصلى عملته من يومين و قلت لازم أحط الطريقة فى المنتدى علشان الكل يقدر يستمتع بطعمه الجميل
    ياسمينة العسل
    ألف شكر يافندم ده بعض ما عندكم دا أنتى بسم الله ما شاء الله أستاذة
    أم التوأم
    شوفى يا ستى القشطة بتكون طبقة خفيفة بتمتص فى الرز و بتتحمر مع الوجه و بتديه لون ذهبى رائع و طعم لذيذ و الطريقة دى هى أكثر طريقة مظبوتة إن شاء الله جربيها و قوليلى النتيجة
  4. @miss_chef

    باذوووووووووووووووووووووووووب في الاكل المصري

    تسلمي يا شيف :cook:

    ومزيد من الاطباق المصرية