السلام عليكم
أخباركم خواتي
إنشالله الكل يكون بخير وسعاده
بصراحه أنا عندي كلمتين يدورون في بالي من زمان. بقولهم وإن شالله ما أحد ياخذ بخاطره مني
أنا كنت لمن أدخل هالعالم أحس إني قاعده أتصفح كتاب قيم و ودي أحفظ معلوماته حفظ ..أحس إنه بحر و ودي أغوص فيه..كنت أستفيد من كل شي : النصايح و المعلومات ,القصص والتجارب ,الحركات والفناتق ,الليالي الملونه وكسر الروتين ,حتى التجارب السلبية في هالمجال كان لراعيتها هدف وكانت الردود تنصحها وتصبرها
..
..
...
أما الحيـــــــــــــن
وبكل أسف أدخل هالعالم علشان أتأزم نفسياً وأطلع...وكأن الحياة الزوجية صارت تقتصر على الخيانه والغش ...وإذا لأ فهي ممله ومالها طعم وأشبه بالجحيم
المواضيع كلها شكاوي ومشاكل ....الردود كلها إحباط وتحطيم
تبون الصدق أحس إن الأغلبية منا مكفرات للعشير ...يعني لمن ما تصف زوجها إللا بهالطريقه ولاتذكره إلا بصفاته الشينه ...يعني هو ماقط فرحها ؟ ماعاشت معاه يوم حلو! مابينهم موده ورحمه؟؟؟؟
أسمحوا لي عاد مستحيل بتكون الإجابه على هالأسئله لأ..وإذا كانت فالعيب منج إنتي
العيب فينا إحنا ...لو الوحده تحدد عيوب رجلها وتحصرها في نقاط وتحاول تحلها وحدة وحدة ماراح تحصل رجل مخلص بس...بتلقى الأبو والحبيب والصديق ..الكل منا له عيوبه .ليش إنتي كامله؟؟؟ وللا تتوقعين إنج عاجبة رجلج هاللي قاعده تتحلطمين عليه؟ لا حبيبتي صدقيني حتى هو مو حاسد نفسه عليج
فبدأي من أول وتفائلي ....الله يخليكم والله تعبنا من المشاكل والتحلطم
خلونا نبدأ من جديد
ماكتبت موضوعي علشان تأيدوني أو تعارضوني أنا كتبته كفكره ياريت تاخذ ولو دقيقه من تفكيركم
محبتكم: عسل
:26:
شاركي في النقاش
سجلي الدخول لإضافة تعليق.
التعليقات
22- عندك حق
- اتفق معك ولكن مع ذلك احيان الانسان تكون ظروفة قاسية واجبرتة على هذا الزوج مثل بعض الاخوات اللي تأثرنا من قصصهم بجد ومالها اي ذنب بالزواج بس الحمدلله على كل حال
ومن جد قبل كان قيم ومواضيع راقية ومهمة ومفيدة الحين تغيررررر - صح حبيبتي (عسل ) وكل الي قلتيه ماعليه غبار
المششاكل مكانها بكل بساطة في قسم المشاكل - عسل حبيبتي بالعكس اللي اشووفه ان البناااات مايتحلطموون من ازواجهم اللي الاحظه ان الوحده فيهم ماتخلي طريقه الاوتبغى تجربها عشان تسعد زوجها واذا تضايقت جت هنا عشان تشتكي وتدور للي ينفس عنها وينورها اذا كانت مخطيه والبنات الله يجزاهم خير كلهم هنا خوووات وينصحون بعض من قلب ,,
- كلامج صحيح....
ما أنكر إن تكفير العشير شي كبير..وإن هالشي الله بيحاسبنا عليه حساب عسير.... والمفروض كل زوجه تحاسب نفسها على كل شي تقوله عن زوجها
بس صدقيني الأخوات ما يكتبون شكاويهم...إلا لأنهم لقوا كل العضوات في هالمنتدى اخوات وأكثر بعد...
وحنونات عليهم بالنصايح...ونصايحهم حلت أمور ومشاكل واااااايده جزاهم الله خير يا رب...
وأغلب اللي يشتكون يلقون في هالمنتدى الأشخاص اللي يسمعونهم بصدور رحبه...واللي أغلب الأوقات ما يلقونها في حياتهم الواقعية...خصوصاً حرصهم على عدم إطلاع أهلهم على مشاكلهم الزوجيه...لأن اغلب الأهل يكبرون المشكله بدال ما يحلونها
وأغلبهم بعد يشتكون مب بنية تكفير العشير...لكنهم يشتكون بنية الإصلاح بينهم وبين أزواجهم اللي يحبونهم حتى لو إشتكوا منهم...وبنية إيجااااااااااااد الحل...اللي عجزوا يلقونه
صح كلامج...
بس أحياناً الوحده تعجز عن حل مشكله أو نقطه معينه في زوجها....وأحياناً تكون غافله عنها...أو تجهل طريقة الحل...
وبمجرد ما تطرح مشكلتها تحصل تنبيه من الأخوات وحلول أبداً ما خطرت على بالها...
طولت عليكم....السموحه...بس هي وجهة نظر وحبيت أطرحها....
وتسلمين على الموضوع الرائع...والتنبيه....ويزاج الله خير
مواضيع مشابهة
تابعي تجارب أخرى من هذا القسم.