بكريه وشايله هم نفاسي ببيت اهلي لاني مو مرتاحة عندهم... وش الحل؟؟

حاسه فيك ومافي زي بين الوحده انا جربت الاثنين بس انتي مثل ماقالت الاخت اول كم يوم لين تشدين حيللك وخاصه ما عندك شغاله علشان حتى لو بزورك احد يكون مين يخدم عليه وهذه احسها اكبر مشكله الزوار لنه بيتك زوجك ممكن يجيبلك كل طلباتك وتدلعي وبسلامه المطاعم وتتعاونوا على الحياه وقبل ما تطهري تروحي لاهللك كم يوم الله يعي

نفس مشكلتي كمان بس انا ظليت 20 يوم وكنت بموت مو قادرة أتحمل جلستي في بيت أهلي

الله يعين

الحين هذا حملي الثاني ومحتارة بس 90% بظل في بيتي

طمووحة جداً .. ١٥ يووم تكقي وزياادة واكثر الي اعرفهم يجلسون ١٥ يوم بس بعد ال١٥ يوم عادي تقدرين تتحركين وتقومين والم الخياط راح ..

من جدك 30 يوم حتى اللي صدق مدلله بيطق فيها عرق . الحرمه مالها الا بيتها وعني مارتاح الا فيه اهلي زيارات بس هذا يوم اني هناك بس من بعدت احس زادت الحاله خخخخ احب اجيهم وكل شئ بس نفسيا راحتي ببيتي

كلام الناس لو بيسلم منه احد سلم منه موسى لما سال الله هالشئ .. سبحان الله قسم اخر ههمي الناس ولاعمري طقيت حساب لاحد البس واكل واروح واسوي اللي ابي والحمد لله حتى اللي حولي عارفيني محد يتدخل فيني ولاعمر احد ناقشني بزعمهم اني ماعرف اجامل هي مو كذا بس المساله بسيطه عيشي لك ..

خلي اك تجيكم بالبيت تنفسك لو ماقدرتي هالمره خليها الولده الجايه ان شاء الله اما هالمره من رايي دام اقدمتي على شئ فكمليه واصبري لاتحطين ببالك ماقدر اتحمل ترا بتروحين لبيتك بعد هالفتره وانتي مقفللللللللللله وبيلاحظ زوجك ويمكن تشب بينك وبين العائله كلهم مو بس اخوك طبعا من عصبيتك
هدي واصبري واحسن وقت ترا لجمعه الاهل اشوفه رمضان جمعه وسفره وراحه لك وزوجك اقل شئ ضامنه انه رمضان يعني بيكون مشغول بالطاعات ماتقولين اخاف عليه وكذا
ولاتاخذين من ولادتك الا 15 يوم وردي بيتك وصلى الله وبارك

مع احترامي الشديد للجميع هذه اعذار واهيه كل المساله انتي اول مره تفارقين ابو الشباب وخذاك الشوق من بدري فكري بنفسك وفي البيبي خصوصا انك بكريه يعني المفروض تحمدين ربك عندك ام مستعده تشيلك وتشيل طفلك وتعلمك حبه حبه كيف تتعاملين مع طفلك ووضعك كنفاس ترى النفاس خصوصا في المره الاولى لان كل حمل ونفاس يعتمد على اول مره صدقيني لحالك ماتقدرين ومع اهل زوجك نفس الشي ماتقدرين بتستحين منهم مو مثل مع امك تاخذين راحتك الف مره