دعوة مفتوحه للجميع //فضفضه تجاريه

^^
ياشيخة الله يسعدك يعني مو بس أنا
حسبت نفسي مكبرة الموضوع وإني ماأصلح لهالشغلة
و أصبر نفسي يابنت أستحملي لازم في البداية عقبات هذا كله عشان ماعندي سواق
الله يعيننا على هالرجال المشكلة يشجعونك وطيب وبنوصل وبعدين شوفي التهزيء ؛)

ههههههه لامثلك كثيييييييييييير

والله احيانا يحولون لي الناس واجلس 4او5ايام على مايتلحلح الي عندي او يسمح للولد يروح يقول جمعيها لاخر الشهر هههههه

انا لو بنفس المنطقه الي فيها الشحن هانت حتى لو بتفق مع مندوب يوديها لي الشحن بس بعيده


الله ييسرها بس

اهم شي لاتتراجعين ترا الصبر والاراده ضروريه للتجاره

بالتوفيق يارب للجميع
وهذي تجربتي في الفساتين للفائدة :


http://forum.hawaaworld.com/showthread.php?t=3690888

موفقين

نفس المشاكل في المندوبين
زوجي مستحيل يخدمني في التوصيل ابدا يبي على كيفة والناس مستعجلة على غرضها
والمندوبين كل ما مشى معك واحد يجي ظرف وماعاد يرد ويهون عن الشغلة ويالله دوري لك ثاني مشكلة


ونفس المشكلة بس انا عرفت الزباين الجاده والغير جاده اذا مروقة اخذت وعطيت معها واذا شفت اسالتها كثيرة عرفت انها بس تبي تستكشف او تضيع وقت او متردده فمن اول سؤال اقول اذا تبينه ابحثي عنه في النت علشان تثقين اكثر

وطبعا ما تعتمدين حجز ولا طلب ولا تجهزينه الا لما تحول الفلوس بعدها غلفي وسوي الواجب لاني قد تعلرضت لموقف مثل كذا تقول الزبونة انا ابي الغرض مره محتاجه وفي الاخير اذا جيت ارسله استنى مكالمتها ولا التحويل ماعاد ترد على الجوال واكنسل ولو طلبت ثانية اقول خلص من التعصيب يعني لازم تضبطين اعصابك

التجارة لها عيوب كثير ومتعبه بس اللي يتعود عليها ما يقدر يعيش الا بها ولو ما استفاد منها فائده تذكر اهم شي انك تشغلين وقتك بشي مسلي ويطلع لك على الاقل مصروف شنطتك