شاركي في النقاش

سجلي الدخول لإضافة تعليق.

التعليقات

144
  1. @hrm_alastath_1

    سبحانه الله بنات كان عندي شغاله قعدت عندي ٦ اشهر وجا يوم وكلمت اهلها وعصبت بالبيت بعد هالمكالمه واقولها وش فيه تقول برجع اندنوسيا ليه خير وش فيه قالت زوج مافيه كلام يعني ما يرد عليها وما يكلمها وكلمت اهلها وقالو ما ندري عنه عاد هي هالحين بتروح لديرتها باي طريقه

    وقلت طيب اهدي انا اكلم بابا اذا جااء وزوجي مداوم ويجي على العصر وانا جهزت الغداء وهي مكالمتها كانت الظهر ومجهزه لياكل بروح لنفاس وسبحان الله بالعاده اخلي عيالي عندها واروح بس لان كنت توي حامل وابي عيالي يشوفون البيبي واقولهم اجيب زيوه وكذا ويسر الله وجاء زوجي ونزلت يوصلني ويرجع للبيت يتغداء وبيروح للمكتب وصلني وجاني بعد ساعه ونص وقالي صار فلم

    الشغاله بعد ما طلعنا طالعه مع شباك الحمام اجلكم الله وتصااااارخ والناس على بالهم فيه حريق او شي اتصلو بالدفاع المدني وجااء وطلعهم زوجي يقول اول ماوصلت العماره الا الدفاع والاسعاف وسيارة مرور نزل يقول خير خير الا والله شغالتناا يقوول الدفاع انها تحاول تنتحر ��

    وجلست بالسجن عنده من ٢٧ -٨ الييين ٢٢-٩قلت لزوجي خلينا انطلعها والله هي مقهوره على زوجها خلها تصلي العيد معنا وتعيد وحجزلها خلها تسافر جلست السجن تقهرها اكثر والله حرام يعني تخيلو ماتدري عن زوجها حي ميت تركها اهلها يقولون ماندري والله الله لايقوله لو مكانها لا اهد كل الي قدامي

    عاد بنات جبتها بتاريخ ٢٢ رمضان وكملت صيامها وراحت معي للمسجد صلاة التراويح امي وصتني اذا بروح مكان اجيب عيالي عندها وما اخليها عند الشغاله

    وخلص العيد وجات الدراسه وزوجي دوامه بعيد عن البيت يمشي قبل الفجر ويجي ع العصر يومياً

    يوم الجمعه بالليل هي تغسل مواعين العشاء وزوجي جالس بالصاله قلت لها انا بروح اشوف اغراضها من جات من السجن ماشفت شي عشان تثق وكذا وهو بالصاله قال طيب انا معطيتها مفتاح لدرجين من دولاب بالمقلط وداقه لها مسمار ورى باب المقلط مالقيت المفتاح بهالمكان شكيت وقلت اكيد فيه شي وين المفتاح ورحت ادور عنه تخيلو بنات تحت مسند من المسااند لقيت سكين اللحم الكبيره حاطتهاتحت المسسند تكاية الظهر والله انصدمت ورديتها وسويت كل شي زي ماكاان ورحت لزوجي ابلغه قال وليه تردينها

    وقام زوجي ناداها وقال البسي عبايه يالله طياره وخلها تشيل اغراضها كلها وهو ع راسها وانا مسكت عيالي بالصاله و واقفه عند الباب رحت لهلي وخليت عيالي و وديناا للسفاره واستدعينا الشرطه هناك سالها المحقق ليه السكين حاطتها بهذه الطريقه قالت عشات اقطع ملابس حقي وخيط ملابس قال الشرطي ان انت طلعتها من عندنا ع مسوليتك وموقع ع الاوراق وكل شي وهالحين تتحمل قضيتها وتركناها بالسفاره يخلونها تشتغل واطلع قيمة التذكره ويسفرونها

    وزوجي اصبح بالقائمه السوداء للاستقدام من الاندنوسيه ليومكم هذا ما احب اشوف سكين اللحم يجيني خوف وبكااء مدري وش كانت ناويه عليه وهذا الموضوع من شفته وانا اذكرها فعلن بنات الخادمه اين كانت جنسيتها اذا تبي ترجع لديرتها او تبي شي قابليها بالابتساامه وعجلي موضوعها لا تجبرينها ع الجلوس عندك او تتحايلينهاا
    اخسر فلووسي واتعب نفسي بشغل البيت ولاا اخسر روح غاليه عليه واتعب نفسياً طول عمري انتبهن

    اتمناا عدم الهجووم بنات ✋ اذا هناك اخطاااء مني فكلنا خطائون هذا موضوع قديم وما ذكرته الا لامرين
    الاول ارتاح نفسياً منه فـ في الكتاابه ارتااح نفسياًلانه مررهقني كثيراًوهو كان العاام
    والامر الثاني انصحكم منهم وانبهكم وتاخذون العظه والله يحفظكم جميعاً

    الحمدلله على كل حاال ونعوذ بالله من حال أهل النار

تابعي تجارب أخرى من هذا القسم.