بنات شوفو أهل زوجي وعاداتهم الحلوه

انا مع الاغلب حطي ببلاستك او ادخلي المطبخ وفضي صحونك وخذيهم

صراحه انتي اللي غريبه اول مره اشوف زوجة ولد ماتقدر تدخل المطبخ وتاخذ صحونها لهذي الدرجه انتي تستحين
ياختي انتي لك حق تدخلين وتاخذين اللي تبين هذا انتي ترسلين لهم كل يوم أكل
والله زوجة اخوي بغير رمضان طبعا..لأنها برمضان تفطر مع اهلي المهم إذا نزلت أكل او حلا او شي من عشاها
وجتنا اليوم الثاني تقول ياعمه وين صحوني
ومره ثانيه قبل تطلع فوق دخلت المطبخ وفتشت الدروج وطلعت صحونها واخذتهم
وصراااحه زمان اول زواجها كانت ماتسأل عن أوانيها أبد وانا ماقد تزوجت وكنت اتضايق كثير من طبعها والله كنت اقول بنفسي وش هالبرود والخبال اللي فيها ماعندها اهتمام بس تبيني اجمع لها اغراضها وانا يكفيني الكرف والدراسه>>>اقسم بالله اني كنت اقول كذا واعصب..واحيانا انتظر اخوي وإذا بغى يطلع لبيته اعطيه الأواني واحيانا يرفض ياخذها بحجة انه عجزان يشيلها مع الدرج..وبعدها صرت اطنشها تبي صحونها الله لايهينها تجي تدورهم..اقسم بالله الحين لها اكثر من سنتين وانا تزوجت وفيه بدرج اهلي صحنين لها مافكرت تاخذهم وبعدها ماشاءالله تعدلت اليوم الثاني ماتطلع إلا وهي داخله المطبخ وماخذتهم

ياقلبي مع احترامي الشديد لوضعك
بس ولوووووووو
لاتقولين الله يصبرني على بلواي!!!!!!!!
الي انتي فيه مو بلوى هي مشكله وتنحل مع الايام
البلوى الله يبعدها عنك امراض وزوج مدمن ولايضرب ووو
احمدي ربك انتي بنعمه كبييييييييره دامك بصحه وعافيه انتي وعيالك وزوجك
وانصحك تقربي لاحد خواته وصارحيها بالسالفه

الموضوع عادي عندنا يعني لما اروح عند اهل زوجي بصحون وثلاجه قهوه ...اول مااكون خارجه اقولهم اعطوني صحوني او اروح المطبخ اغسلها واخذها والوضع فري ...
انتي ممكن تتصلي عليهم بعد العصر وتكلميهم صحني الفلاني محتاجته ضروري او اذا نزلتي عندهم اطلبيهم قولي المغرب دورتها ومالقيتها كنت محتاجتها وهم بيصيرون يستحون ويعطونك اول باول

روحي مطبخهم ولقطي صحونك و هالمره لا ترسلين هم الا ببلاستك